金田家

营业中

休息中

位於登龍街既拉麵店，店面唔算好大，環境唔算太逼，一入到去待應會提供個紙袋比大家裝住個口罩👍🏻👍🏻👍🏻之前食過黃埔既分店，今日經過銅鑼灣見到有分店，又唔知食咩，所以就決定食多一次啦！柚子辛口拉麵（$98）粒溏心蛋好味😋😋😋d叉燒就不過不失啦，有小小柴。而湯底就偏濃，推薦比鐘意重口味既你😂😂😂而麵底係幼身麵，我就比較中意食啦！上麵速度都算快，唔洗等好耐。總結黎講都算唔錯既😋😋😋

去到灣仔登龍街突然好想食拉麵所以去到搵咗間叫金田家既拉麵店食門面好易搵條街行到中間咁上下就見到等咗一分鐘就入得去啦因為有枱客走間鋪其實幾的色好細間容納好少人 係一間細鋪仔黎餐牌上有好幾款拉麵食最後我揀咗激辛本身都好少食辣 所以淚辛對我黎講太辣啦食唔到落去但佢其實都幾好食九洲拉麵FEEL但湯我有試咗啖 辣 都試唔出咩面但試咗朋友碗拉麵幾好食我只係少食辣仲有佢係比暖水既可能當日比較凍十幾度到啦對香港人黎講好凍架喇

今日去到附近即管一試，雖然是中午時間，但未至於見人龍，但好幾家都要等位的說，我們就隨便挑一家。吃拉麵跟吃快餐無異，基本上很快就可以翻桌。經典拉麵 $78 追加溏心蛋$14男朋友點的是經典拉麵，亦即是叉燒拉麵。湯底不會油膩，但未至於香濃，但不會說吃完後要灌水。面質類似一蘭那種幼身，我們選的是正常硬度，如果喜歡爽身，建議選「硬」。叉燒薄薄一片，肥瘦適中。溏心蛋是很推介追加的！好滑溜，而且流心效果明顯。至於我一定是選辣味的。激辛拉麵 $93雖然說是激辛，但未至於噴火，個人而言剛好。比較欣賞這個口味，吃過不少普通到不行的所謂赤拉麵，湯底一陣油，以為喪加辣椒油就營造到個辣字。金田家的激辛拉麵不會很油膩，吃得很爽。不過這個是灌水之選。雅布尼叉燒 $25/4片其這幾片跟拉麵中的叉燒是一樣的。不過輕輕燒過，這幾塊更香，帶火炙的感覺。但個人覺得太貴。

是日想食拉麵，即刻黎到登龍街，拉麵店開到花多眼亂，最後入左金田家。 激辛拉麵： 其實唔算係“激辛”，我朋友平時唔食辣都接受到，但佢嘅辣味幾香濃，而且佢既辣係源自肉碎，湯底有層次。而且湯底都真超級濃稠，可以比得上沾麵，但又唔會太咸。不過三塊叉燒真係好肥，比較鍾意食半肥瘦偏瘦叉嘅我真係覺得麻麻地。至於拉麵，我揀左普通，麵韌度適中都唔錯！鹿兒島黑豚拉麵： 豬骨湯底不過不失，黑豚係我鍾意嘅瘦豚肉，而且一d都唔“鞋”，好“淋”。大將餃子：外皮煎得好香脆，皮亦唔算好厚，同埋都幾多餡，算喺幾好！

日本的拉麵就像是香港的雲吞麵般，看似平凡卻一點也不普通。近年在香港新開張的拉麵店成行成市，而聚集在銅鑼灣登龍街的拉麵店更自成一角，像是一條拉麵街。隨意走進了金田家，土地問題令店方密集地編排枱子是可以接受，不介意跟鄰桌分享談話就可以，你一言我一語非常熱鬧。一碗有質素的拉麵我認為必須具備以下條件，缺一就算吧啦：湯底未飲必先可聞其氣味是為香；湯底味道層次分明是為味，而且絕不能死咸；最重要是麵條能牽引住湯，簡單講即是掛湯。我們在餐紙上點了鹿兒島黑豚拉麵和激辛拉麵各一，尚未上菜已聞到從四方傳來的濃烈香料味道，不禁令人的肚子響起來。對不起，金田家的拉麵並不完全符合以上條件。先試鹿兒島黑豚那碗，湯底的確濃郁，帶點肥膩，麵條偏硬，混上麵條又有點掛不起湯來，而叉燒略肥和乾身，屬普通貨色。至於辛辣那碗反而有驚喜，辣味源自那碗上的肉碎，整個味覺層次相當分明，火熱之中又能找到那個平衡點，辣椒的味道突破了湯底肥膩的枷鎖，可惜金田家選用的拉麵並不是湯底的最好朋友。在日本也許很難找尋到一碗完美的雲吞麵，而在香港真的沒有一間拉麵店能令人吃到真正在日本地道的味道嗎？吃飽了，該繼續上路去。