鮮入圍煮花膠雞海鮮火鍋

营业中

休息中

真係好鍾意打邊爐~！！ 朋友們話想喺尖沙咀打邊爐，一搵之下先知原來 鮮入圍煮 已經搬左去尖沙咀一段時間，好耐無去過喇一於就一齊再去，位置係喺厚福街最入面成橦都係餐廳嘅 H8 上面，環境就明顯比以前細左，坐位都幾迫，坐喺中間嘅長枱 直頭同後面背貼背咁滯。 諗都唔諗立即叫個花膠雞鍋先， 成隻雞連湯上，滾左就梗係飲啖湯先，呢個湯真心係幾好幾夠味，一飲就飲左兩碗，之後拆雞加湯就開始邊爐。佢個牛都係唔錯，份量夠，有牛味。其他配料，其實都係大家去任何一間邊爐都有嘅野喇～ 香港人一向都好鍾意打邊爐，所以餐廳嘅選擇都係超級無敵多，喺厚福街深深處上樓仲要喺樓下等𨋢都唔係容易，再加上唔係好好坐，係會打左折扣，不過為左佢個雞湯，係會回頭嘅～！

第一次嚟到尖沙咀嘅「鮮入圍煮」打邊爐，以前喺旺角嘅時候去過幾次，最欣賞佢哋嘅招牌濃厚原隻雞煲花膠湯，咁啱去尖沙咀厚福街H8搵食，見到由旺角搬咗黎呢度，所以就上去回味下啦！😏⭐️推薦❗濃厚原隻雞煲花膠湯（$288）（半隻）兩個人食就啱啱好，煲內除了有半隻🐔雞之外，仲有好多花膠，上枱後，店員好貼心地幫我地剪開隻雞，方便食用，雞件肉質都幾嫩滑，花膠滑嘟嘟，滋潤又養顏！😌建議加其他火鍋配料之前，先飲返幾碗原汁原味嘅花膠雞湯先！👍🏻有好嘅湯底，梗係要叫個竹笙嚟吸吓湯汁啦～⭐️推薦❗原條野生竹笙王（$88）一份有五至六條，仲要係勁大條，好抵食！☺️⭐️推薦❗牛骨汁濃湯牛丸（爆汁）（$48/6粒）採用香港製造嘅大埔振興牛丸，一咬開便有香滑油花，香濃牛骨湯爆出黎，juicy好味，加上肥牛和牛筋粒，口感十足！😋原粒帶子鮮肉水餃（$56/4粒）雖然餃子唔係好大，但係都幾足料，除左鮮豬肉外，每隻都食得到三粒帶子仔，不錯吃！呢度嘅啤酒價錢都算合理，打邊爐，最鍾意就係飲啤酒🍻～

超足料花膠雞煲🌸濃厚原隻雞煲花膠湯$288(半隻)⭐️⭐️⭐️⭐️⭐️一上雞煲滾左，傻婆們即時𢳂左1碗黎飲，清香而不膩既雞湯👍跟住店員就好貼心黎幫手剪雞。雞十分新鮮👍有一大隻雞髀，都多肉嫩滑，點埋醬油食就十分正。花膠亦都好大塊，已經煲到好淋易咬，完全滿滿既骨膠原，食到最後傻婆們𢳂晒雞湯黎飲，十分濃郁精華既雞湯👍🌸牛骨髓$58⭐️⭐️⭐️⭐️⭐️有差不多十條，全部都大大條，滑捋捋，完全冇血腥味！再點埋蒜蓉醬油簡直絕配！🌸蔬菜麵(紫薯)非油炸$22 ⭐️⭐️⭐️⭐️☆係壽桃牌既非油炸蔬菜麵，係雞湯入面煮到淋晒，每條麵都掛滿濃郁雞湯黎食簡直一流。🌸巨峰提子梳打$28 ⭐️⭐️⭐️☆☆玉泉梳打十分夠氣，巨峰提子十分足味，不過太甜。🌸蜜桃特飲$28 ⭐️⭐️⭐️☆☆蜜桃味出，還有寒天粒。醬油$15/位有蔥、蒜蓉、炸蒜、辣椒、花生、沙茶醬環境乾淨企理，座位舒適，冷氣足夠，需加一服務費，枱面有紙巾提供。======詳情======鮮入圍煮花膠雞海鮮火鍋尖沙咀厚福街8號H8 8樓================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨

今日約咗個朋友去鮮入圍煮食個足料花膠雞湯火鍋。入面環境寬敞，最重要係冷氣抽風做得好好，所以就算外面高達38度高溫，都可以暢快咁打邊爐。店內仲有大魚缸，仲可以揀生猛海鮮做火鍋配料。調味盤有齊打邊爐必要嘅調味，不過我想講，有鮮味嘅雞湯已經唔再需要點任何調味。揀咗濃厚原隻雞煲花膠湯，湯底嘅顏色已經話你知佢有幾真材實料。我哋得兩個人，所以揀咗細份有半隻雞。店員會喺客人面前將原隻雞分成雞件，服務細心。湯底入面佈滿咗花膠，夠晒滋潤養顏。飲湯食雞食花膠已經半飽，所以今次冇揀太多嘅火鍋配料，其中花膠鮮蝦丸總共有六粒。蝦丸内加有花膠，當堂名貴好多。稻庭烏冬係急凍彈牙款式，叫一個兩份share分甘同味。

天氣轉涼，窩夫與蝦子餅又有藉口去打邊爐，一於試試由旺角搬到尖沙咀的「鮮入為煮」。醬料費每位15元。濃厚原隻雞煲花膠湯(小$288)是招牌菜，建議事先預訂，以免久等。濃厚原隻雞煲花膠湯一上桌，香氣撲鼻，一滾起便急不及待立即品嚐，味道太好了，金黃色的濃濃雞湯膠質豐富，滋陰養顏。二人吃小份有半隻雞，店員會幫忙剪開，一邊喝湯一邊吃雞，十分滋味，雞肉嫩滑，雞味香濃，不愧為招牌湯底。花膠都算大隻，不會太薄。喝完靚湯，火鍋配料送到，太平洋肥美生蠔肉(每桶$168)一桶有六大隻。煮熟後的生蠔脹卜卜。原粒帶子水餃($48)一客四隻，跟生蠔一樣脹卜卜，非常飽滿，水餃皮又薄又滑。沒有點火鍋必吃的牛肉，因為想試試不常見的牛胸油($148)，口感爽脆，充滿油香，值得一試。難得有蝦子餅愛吃的牛骨髓($48)，份量十足大大碟。油麥菜($35)爽脆清甜。

香港人一年四季都鍾意打邊爐，而我同朋友都唔例外呢日就同朋友去左鮮入圍煮，我地就當然揀左佢地最出名既濃厚原隻雞煲花膠湯啦～店員建議我地先飲左湯，之後先打邊爐。湯底都好有誠意，有半隻雞，仲有數塊花膠，幾滋陰，啱晒注重美顏養生既食客。雞同花膠要係適當既時候就好撈上黎食，如果煲得太耐就會老，撈完叫店員加返湯就可以繼續打邊爐。雞肉都幾嫩，而花膠都多汁濃厚，有少少煙韌感。感覺成個湯都充滿住雞同花膠既精華我地點既太平洋肥美生蠔肉都幾大隻，蠔鮮味吸引。蜂巢冰豆腐就最有驚喜，size都頗大，仲可以好似海綿咁吸多ｄ湯汁總括黎講，想養生地打邊爐，濃厚雞煲花膠湯都會係個好選擇～