柞木炭家

营业中

休息中

之前已經聽朋友講過呢間韓燒幾好，好多人食，所以就一早book定諗住放假黎。7點鬆啲已經開始多人，黎之前記得早啲book位，唔係就有機會要坐外面露天位置揀好野食之後，店員就會攞啲配菜出黎，可以一陣燒肉嘅時候包黎食🪵牛舌三吃👅 $358三吃入面有兩款薄切牛舌，分別係鹽燒、同蔥醬，另有一款係厚切牛舌。個人比較重口味，所以勁like蔥醬😝包住蒜蓉同蔥黎食勁惹味，不過普通人應該會覺得太濃，食之前記得掉走啲先🪵柞木甕漬牛肋骨🐮$338牛肋骨醃得好入味，味道係韓式醬油味，偏甜。肉質好柔軟，有彈性，油脂分布都好平均，就咁食會有啲膩，建議包生菜🥬泡菜等等嘅配料食🪵濟州活鰻魚🐟$238店員主動幫我地燒鰻魚，燒到金黃脆邊，仲砌得好靚咁上碟🤩鰻魚肉質結實，非常之新鮮。自己燒可能就要睇好個火，免得燒過龍晒左條鰻魚🪵柞木雞肉拼盤🐓$188雞肉拼盤有齊雞翼、雞髀肉同埋雞扒，一次過滿足晒三個願望🥰味道醃得唔錯，特別係雞翼拆埋骨先上，加分！🪵1++韓牛生牛肉石鍋飯🍲 $188上黎嘅時候啲牛肉仲係生嘅，然後撈起佢就熟晒，石鍋燒得好熱，要小心辣手‼️撈勻之後石鍋飯呈金黃色，帶少少飯焦，好香口😋份量足夠，兩人食啱啱好🪵青檸梳打

講到韓燒，除炑八外，小妹近期去得最多既係位於銅鑼灣金百利廣場既柞木炭家，呢日來到旺角分店，服務一樣好，幾款食材，都係由店員幫手燒！餐廳以柞木炭取代鐵板，燒出來既食物帶有微微炭香，小妹勁中意！設計亦充滿韓式風格，每枱都有一部抽煙機，燒完唔會一大陣味！前菜，可以無限添加～呢日有泡菜，生醃魷魚，豆芽，雞蛋卷，小棠菜。 ✨1++級 生牛肉石鍋飯 $188飯面鋪滿1++頂級韓牛肉絲，加上生雞蛋，芝麻等在石鍋內拌勻，牛肉遇熱即熟，蛋液令牛肉飯更香滑，用來配燒肉食一流！✨柞木甕漬牛肋骨 $338柞木炭名物，每次來食燒肉都必點～長長一條，燒前要用剪刀切細，經醃漬過既牛肋骨口感更香甜，啖啖濃郁牛味，肉嫩甘香！✨牛舌三吃 $358朋友勁中意食牛舌，呢款牛舌3吃，分別有厚切，薄切，蔥蒜牛舌，一次食齊三款不同口感，十分過癮！當中小妹最愛厚切牛舌，油脂甘香又軟滑✨濟州活鰻魚 $238一碟有2 塊，店員先燒鰻魚皮那邊，再反面燒另一邊，邊燒邊掃上鰻魚汁，燒好既鰻魚肥美爽口，特別鮮甜！✨柞木雞肉拼盤 $188拼盤上有3 款預先去骨既雞鎚，雞翼及雞胸肉，三款不同口味，香蔥雞胸肉跟雞髀肉一樣嫩滑，雞翼就油份最高，啖啖肉，

[#旺角韓烤] || 高質韓式烤肉@旺角．柞木炭家 / 講女搵食團  = = = = = = = = = = = = = = =總括💬：再訪高質韓式烤肉，食物質素高，好味之餘分量足環境：★★★★★ | 味道：★★★★★服務：★★★★☆ | 抵食：★★★★☆————————————————行開旺角突然間想食韓烤 想食得有質素 和親愛的去了T.O.P. 柞木炭家歎烤肉 .有多款前菜提供 除了基本蔬菜類既泡菜、芽菜、酸蘿蔔 仲有特別既海鮮類，今晚就條辣醃魷魚 前菜部分可以無限添加 . 用作燒烤既肉肉可以單點或者有套餐 我地選擇單點較為靈活.柞木炭家烤爐火力集中中間 爐邊可以用餘暖烘住食物 保持食物溫度，值得一讚 . ˚‧⁺ ･ ˖ · 濟州活鰻魚 ･ ˖ ·⁺‧˚ 日本鰻魚食得多 韓國鰻魚第一次食 上枱厚厚一大片鰻魚肉 店員會幫手操刀 邊燒邊加鰻魚醬汁 火侯剛好外皮香脆 鰻魚肉質肥美爽口結實 . ˚‧⁺ ･ ˖ · 牛舌三吃 ･ ˖ ·⁺‧˚ 一碟有3款牛舌不同吃法各有特色 薄切牛脷 - 食到牛舌原味 蔥蒜 - 味道較濃，味道層次更豐富 牛脷心 - 厚切口感好滿 牛舌只需略略烤熟就可以食 入

今日去旺角the charcoal room hk食晚餐。前菜有6款Koreancuisine:有泡菜、醃蘿蔔、棠菜仔等，泡菜最正，不止有蝶裝，還有一壺可以續食。我最鐘意嘅味噌茄子，醬料小小辣，茄子切厚身，配上辣味，好開胃，好好食。正餐係用Koreanbbq，有壽喜燒和牛西冷，和牛切得好薄，放到燒烤架上，好快就熟。同雞蛋，飯糰一起食，好正。和牛牛肋骨，好嫩滑，醃得入味。我用唐生菜夾住牛肋肉，泡菜，蒜，烤肉醬和芝士粟米一起吃，好香好美味。濟州活鰻魚，鰻魚厚身，烤都需要點時間，但好爽口。最後烤黑豬梅肉，梅肉好大塊，而且已經醃製好，一烤香味撲鼻，食起味道都冇得輸。和牛三文治，呢份好邪惡。和牛切得好厚身，裹在薄薄啲麵包中，真係啖啖都是肉。Koreanfood味道就係正。