古今二 (觀塘工業中心)

营业中

休息中

日日落雨，同幾個同事決定食好西，開心吓，所以就嚟咗古今二。我哋叫咗：火山 $128一上菜，個擺盤已經好靚，之後個侍應點火，靚到不得之了，絕對係打卡美食！不過唔止好睇，仲好好食，有濃郁嘅芝士，絕對係好夾嘅Mix and match！超級龍捲風 $88炸蝦配上芝士，再加上薯片碎，脆上加脆，一試難忘！龍捲風沙律 $78大大碗超足料嘅沙律，超多蟹柳青菜海大，醬汁帶有微酸，好開胃！古今日式煎餃 $56底脆皮滑，餡內有肉汁。日式冷麵 $ 92蛋絲加埋蟹柳絲，配上爽滑彈牙嘅面，好有清新嘅感覺。日式炒烏冬 $ 98好有鑊氣嘅炒烏冬，配上大阪燒汁，正！櫻花蝦茄子 $68茄子控必食推介，上面嘅櫻花蝦，令到燒茄子非常惹味，真係想一食再食！

今次係我第二次食古今二因為我鍾意食飯又鍾意食日本嘢佢喺菜式係有啲fusion 風格主菜係卷物亦有好多唔同嘅選擇全部都超級有特色賣相都好吸引我見menu有不下十幾款卷物仲有串燒/天婦羅/沙律/壽司/刺身/飯麵我地得兩個人真係好難揀🥲🥲火山🌋用一個石碟盛載一上枱就點火好有儀式感😂佢喺材料有帶子/青瓜/牛油果/蟹柳材料舖滿喺砌好嘅飯團上面外型十足一個湧緊溶岩出嚟嘅火山舖喺上面材料都有炙燒過味道清新得嚟又帶點惹味推介😍😍😍龍捲風沙律🥗份量超級大！！！大到我有啲埋怨佢令到我食唔到其他嘢🤣沙律菜/中華沙律/蟹柳/脆片/蟹籽食得出材料係好新鮮色彩鮮艷開胃🌈配埋自家製嘅特色醬汁同埋醬油撈撈口感爽脆豐富味道亦都富有層次👏🏽唔會好似普通雜果沙律咁得草青/酸/甜正！！昭和豆腐煎▫️賣相平平無奇但係真係好好食😻外皮係用粉漿包裹再煎炸過個脆皮脆得來又帶點煙靭豆腐切開鮮嫩滑溜有黃豆味淋上個燒汁真係一絕簡單的美味就係咁樣😌櫻花蝦茄子燒 🍆原條茄子燒上面海量櫻花蝦🦐🦐🦐🦐🦐條茄子好juicy 調味啱啱好又無太鹹我哋成條清連啲皮都食埋🤣(平時啲人淨係會撩裏面啲白色茄子肉嚟食)總括嚟講二訪係無令我失望🤣我俾💡8.5/10

三文魚腩刺身 ($69)三文魚腩好新鮮，肉質鮮嫩，口感好滑。刺身切得好薄，食落好爽口，一啖就入口即溶。而且，味道亦好純正，唔加味精同埋其他調味料，真係可以品嚐到三文魚嘅原汁原味。配上啲醬油同芥末，味道更加突出。火山($128)火山壽司側邊會有火燒住，啲魚子同蟹柳鋪得好滿，仲有啲青瓜同牛油果裝飾，色彩繽紛。食落口感好新鮮，魚子爆裂嘅口感同蟹柳嘅鮮味好突出，加上青瓜同牛油果嘅清爽，真係好開胃。壽司米粒都好緊實，唔會散開，令味道更加濃郁！龍卷風沙律 ($76)呢個龍卷風沙律真係好有驚喜！大大兜嘅蟹柳同生菜經過混合，加上啲醬汁同芝士，真係好好味！啲蟹柳好新鮮，口感好彈牙，同埋啲生菜好脆口，令人一啖接一啖！不過佢分量好多，唔會好快食曬！

日式既卷物十分出色! 地點方便! 鄰近觀塘地鐵站! 三人飯聚叫咗9款食物, 好滿足! 先嚟個火山, 加咗火焰效果好似真既火山, 打卡一流, 再嚟個青酒煮蜆, 有洋蔥有菇蜆肉新鮮, 甜甜的, 很喜歡! 點咗龍卷風沙律份量足! 可以慢慢坐慢慢傾, 好地方👍🏻

好多人介紹過呢間餐廳比我睇完OpenRice覺得呢間有好多特別嘅菜式！但係睇落覺得好似會坐得唔舒服所以有啲卻步不過好彩比朋友捉左去食(((o(*ﾟ▽ﾟ*)o)))如果唔係就Miss左一間好正嘅餐廳！餐廳位於觀塘工業中心，格局都好靚㗎-火山($128)打卡一流，賣相超震撼！！我本身唔知會有火燒住，店員點火嗰下真好勁興奮٩(˃̶͈̀௰˂̶͈́)و壽司嘅側面有火燒住好似真火山咁～上面鋪滿魚子同蟹柳，仲有青瓜同牛油果，勁多餡入口豐富得黎配合青瓜同牛油果勁好清新( ´ ▽ ` )ﾉ兩個人叫一碟就岩岩好！推薦指數:✨✨✨✨✨-龍卷風沙律 ($76)本身考慮咗好耐叫唔叫呢個好因為好似見剩係得蟹柳同菜(´･ω･`)但係！好彩最後叫左，因為佢份量真係多到拍手👏🏻一大着蟹柳撈埋生菜一齊食😍超正超幸福！推薦指數:✨✨✨✨✨-三文魚頭湯鍋 ($128)( ´ ▽ ` )ﾉ超級大鍋！適合三至四個人((佢最後先上我哋2個人食到勁勁勁飽))入面好多豆腐同蔥提香，而且啲湯好鮮甜雖然寫就寫係三文魚頭湯，但係入面都有三文魚件完全無諗過佢有咁多肉，不過會有少量碎骨咁多樣野食入面最值就係佢！推薦指數:✨✨✨✨-金龍卷 ($98)吉列蝦同

呢間位於官塘工業中心嘅日本菜都好多人推薦，地理位置非常方便。佢嘅菜式全部都非常打卡able，又真係整得幾靚。🔸 龍卷風沙律(💰76)(7.5/10)有蔬菜、中華沙律、蟹柳、蟹籽、脆片。賣相吸引，啲蟹柳堆到一座山咁高，醬汁份量適中，唔會太多沙律醬👍🏻仲有好多菜，食咁多嘢真係可以消下滯。🔸火山(💰128)(7.5/10)呢個火山上枱真係不得了！有火燒壽司表演😅又幾靚喎！啲蟹柳又堆到一座山咁高。山入面仲有帶子、蟹籽。山下面就有青瓜牛油果壽司飯。🔸煙花(💰79)(7/10)呢朵煙花砌到一朵花咁，顏色就單調一啲。辣味吞拿魚同辣味三文魚堆到滿滿。🔸櫻花蝦茄子燒(💰68)(8.5/10)原條茄子燒得好香！櫻花蝦連埋佢嘅日式甜辣醬真係幾惹味！不過我覺得可以再燒多一陣就perfect，同埋可以落少啲油。兩個人食咁多嘢真係超飽😂不過有兩款菜式都有成座山咁高嘅蟹柳，味道好似差不多，下次要睇清楚先點餐😂Overall評分: 7.5/10

🤍忘不了你 $𝟵𝟴🤍火山 $𝟭𝟮𝟴🤍火焰海膽卷 $𝟭𝟰𝟴🤍龍捲風沙律 $𝟳𝟲🤍京蔥牛肉卷 $𝟳𝟮🤍秘制蒜香牛油燒帆立貝 $𝟳𝟲🤍百香果益力多特飲 $𝟯𝟴🤍𝗦𝗮𝗽𝗽𝗼𝗿𝗼 $𝟮𝟴我覺得呢間野所有野都好好食🥺而且又睇得又好食🥲💓特別係火山🤣真係好大火燒好耐🤣🤣真係令到食飯卷呢件事充滿儀式感燒帆立貝都好好食🥹一啖一個好滿足嗚而且份量都勁多😂二人份黎講我地叫得太多啦😂但因為好好味都係食得曬🤣我地叫既野應該三四個女仔都夠食最好食我覺得係忘不了你🤤芒果同炸牛肉個口感好夾🥹而且芒果好解膩有遺憾既係啤酒竟然之後支裝然後換個杯😅如果有生啤就真係💯🫡同埋每樣嘢既沙律醬味都大同小異 建議唔洗叫咁多飯卷唔係好快濟😂晚上最早個臺到但食完走個陣已經爆場💥😵估唔到係咁隔洩既工廈都有咁好食既野🥹下次會想去其他分店試下🥺💓真係真係好好味

觀塘工廈咁多美食，今次就同朋友去咗一間主打卷物嘅日式餐廳～龍捲風沙律💰$76頭盤先來一客沙律，為炎炎夏日降一降溫，面層嘅蟹柳絲堆搭成一座小山丘，造成龍捲風嘅形狀，創意十足！與底下嘅中華沙律、生菜、蟹籽攪拌一齊食，口感豐富，開胃清新午夜牛郎💰$95饀料有忌廉芝士、三文魚、牛油果，外層炸至金黃色，脆卜卜，好似食緊飯焦，每一口都發出卡滋卡滋嘅酥脆聲，最後加上頂層嘅明太子醬作為點綴火山💰$128熊熊烈火何其壯觀🔥朋友們都即刻攞出手機不停打卡！面層放滿海量明太子蟹籽沙律，店家絕不吝嗇！卷物係牛油果蟹柳絲，牛油果軟腍，與卷物醬汁不謀而合！日式冷麵💰$92配料有叉燒、蕃茄、青瓜絲、鳴門卷、蛋絲，冷麵採用咗拉麵作為麵底，麵質煙煙煙韌韌，好啱我胃口，夏天食冷麵，夠晒清爽

火山🌋 ($128)視覺系嘅衝擊🔥🔥 睇menu唔知餐廳會玩到噴火咁有型，上枱嘅時候見到店員ready火槍，秒速準備好打卡🤳 大約燒一分鐘左右就會慢慢熄滅，熄咗之後塊板仲會熱熱辣辣，大家小心唔會辣親手仔🙌🏻講翻食物本體，外型好似一大舊壽司🍣，上面鋪滿蟹柳同蟹籽加埋有少少辣嘅沙律醬，但其實入面都包住一個個小卷物，內料主要都係青瓜同蟹柳🥒超級龍卷風🌀 ($88)餐廳啲卷物名全部都好有新意，好似叫綠野仙蹤🧚🏻‍♂️、青龍卷🐉、倫敦橋🌉而超級龍卷風就有鰻魚、青瓜、芝士、吉列蝦🍤，最特別係佢上面放咗啲好似咸咸地嘅脆片🍟整體口感幾豐富👍🏻日式麻醬秋葵豆腐沙律🥗($78)豆腐好滑嫩，配埋麻醬真係冇得輸💯但估唔到秋葵配埋麻醬比平時就咁炒黎食好味好多，亦都好易入口，有驚喜👍🏻 另外小蕃茄🍅同沙律菜都幾新鮮💦用黎做前菜就啱哂😋雞泡魚干 🐡 ($68)好少叫雞泡魚干黎食，食落好似魷魚油干咁，咬落會有少少甜味，而且口感幾煙韌，配埋美滋醬食又幾惹味👍🏻椒鹽雞腎🍗 ($48)椒鹽雞腎食落就係正常嘅雞腎🤣 椒鹽都幾足👍🏻Extra Comment🖍•餐廳入座會提供menu同點餐紙，點餐紙上面先有價錢，menu單純用黎

觀塘工廈成日都有d特色餐廳，個人覺得呢間古今二都算係其中之一。古今二係一間日式居酒屋，主打特色創意卷物，餐牌都有刺身，壽司，沙律，前菜小食，飯麵，鍋物，串燒，燒物，天婦羅及炸物，定食等。除左必食嘅卷物之外，我哋另外叫左幾款新菜式試吓。當然要叫我最愛嘅金龍卷，另外叫左火山。兩款卷物擺埋喺同一隻碟上枱，仲有日式芥末伴碟，不過我覺得唔需要，卷物本身已經夠味。火山 $88 另加一第一次叫火山，真係成座山咁上枱。火山係加左黑白芝麻粒嘅飯卷包住紫菜再夾住蟹柳，青瓜絲同牛油果，飯卷上面係大量蟹柳絲同帶子絲，加左唔少辣沙律汁，味道都幾辣。最頂再加少少蟹籽。最底有一大片青瓜墊底。呢款卷物主要係蟹柳為主。卷物入面有牛油果提供左香滑口感。金龍卷 $88 另加一金龍卷一客八件，分開兩條短金龍放係碟既兩邊，係加左黑白芝麻粒既壽司飯卷包住炸蝦加d 忌廉芝士，上面舖上一塊厚厚地既三文魚刺身，再加少少沙律醬。炸蝦皮好脆，我好鍾意忌廉芝士既清新味同creamy質感，加埋新鮮肥美既三文魚刺身，多重口感味道。柚想蝦你沙律 $78 另加一柚想蝦你沙律即係新鮮沙律蔬菜做底，上面加左少少海草，仲有車厘茄，蘋果粒，柚子肉，蟹子，牛

一講觀塘fushion壽司,唔洗諗, 一定第一時間諗到古今二👍🏻 🍣🍣🍣🍣🍣🍣🍣🍣🍣🍣🍣🍣火山 ($88)而個可以話係必點既壽司👍🏻連poster都係用佢做招牌菜😋滿滿既蟹柳係上面, 絕對唔吝嗇😍口感十足💯壽司底有塊青瓜係度, 令壽司變得好fresh~唔覺唔覺就食曬成舊🙊🙊🍣🍣🍣🍣🍣🍣🍣🍣🍣🍣🍣🍣忘不了你 ($88)雖然入面係炸牛肉, 配上牛油果醬同芝士好似好膩咁,但因為有芒果中和番, 超好味😋😋👍🏻真係忘不了而種口感呀😚🍲🍲🍲🍲🍲🍲🍲🍲🍲🍲🍲🍲唔夠飽的話, 可以叫埋而個壽喜鍋 ($158)而家開始轉涼, 岩曬❗️💯💯❗️😋

古今二壽司店係幾年前開幕，果時都食過觀塘總店同銅鑼灣分店😝佢既卷物夠晒特別，賣相吸引之餘味道都好得👍今次晏晝再黎觀塘總店，原來有Lunch Set，包埋餐飲，好抵食😍係觀塘站D4出口一出已經到，好方便絕對值得一試 💯🍣雙拼卷物（$75）呢個係六款卷物入面揀選兩款，每款8件我地揀左鰻魚牛油果卷同龍捲風龍捲風係鰻魚芝士脆片卷😝兩款都好好食😋我自己特別中意龍捲風，加左脆片令到卷物既口感好得意，芝士味亦都好出🤗而家卷物本身已經有醬，唔洗點豉油都已經好夠味 ❣🍥卷物拼湯麵（$88）呢個set就有兩款卷物，我地揀左火山同費城卷另外再加醬油烏冬火山係帆立貝蟹柳，首先賣相已經相當吸引，好多料係壽司上面，一啖放入口真係超滿足❤另一個費城卷係三文魚芝士牛油果卷，都好食醬油烏冬亦一啲都唔馬虎，有鳴門卷、腐皮、溏心蛋，好有誠意🤤湯底偏咸左啲，不過可以接受烏冬亦都好煙韌，好食！/😋食物質素：8/10🍽️用餐環境：7.5/10💰性價比：8/10👣回頭率：8/10/📌古今二 (官塘工業中心)觀塘觀塘道436-446號官塘工業中心4期1樓B室

食過好多次但仍然會成日去🙆🏻‍♀️佢d卷物款式又多又好食😌-ㅤㅤㅤㅤㅤㅤㅤㅤㅤ蜘蛛 $88成日會嗌呢個卷☺️有軟殻蟹 牛油果 蟹柳 同埋青瓜~軟殻蟹好脆好香口, 配埋牛油果同其他配料好好食💕💕推介!!-ㅤㅤㅤㅤㅤㅤㅤㅤㅤ火山 $88佢賣相真係好似火山澎湃咁~有帶子, 青瓜, 牛油果同埋蟹柳, 撈埋醬料同上面既蟹籽都幾好食~-ㅤㅤㅤㅤㅤㅤㅤㅤㅤ三文魚腩 (4件) $64上次去既時候遲左少少嗌佢話無哂勁😣好彩今次食到~好新鮮好肥美好好食💕-ㅤㅤㅤㅤㅤㅤㅤㅤㅤ椒鹽雞腎🍢 (2串) $38佢既椒鹽雞腎味道唔錯, 如果可以juicy d就更好~-ㅤㅤㅤㅤㅤㅤㅤㅤㅤ日式冷麵🍜 $88之前都係食佢卷物多, 今次第一次試佢既冷麵~個冷麵都幾大份幾足料, 有叉燒條 蟹柳絲 青瓜絲 蛋絲 鳴門卷🍥同埋蕃茄~不過如果個冷麵汁可以再濃味d就更好啦~-ㅤㅤㅤㅤㅤㅤㅤㅤㅤ自家製香菇雞肉丸串燒🍡 $22雖然佢賣相無好出色, 但食落又幾好味幾有驚喜👍🏻-ㅤㅤㅤㅤㅤㅤㅤㅤㅤ日本溫室南瓜沙律🥗 $58好飽肚既南瓜沙律😂

🌎古今二 (官塘工業中心) 平時食lunch 好少黎官塘工業中心4期 原來呢頭開左間隱世餐廳-古今二 餐廳主打新派創意 有別傳統 所以壽司好特別 口味有驚喜🤍搖滾樂 （推介）壽司餡料包括有鰻魚、芝士、炸蝦、牛油果 口感豐富 食材新鮮 蝦肉好彈牙 而且炸得卜卜脆 另外 鰻魚、芝士、牛油果係軟身 口感有層次 值得食！🤍櫻花蝦茄子燒（推介）真係好香口野味 櫻花蝦分量十足 而且脆卜卜 食落去鹹鹹香香 同茄子燒好夾 茄子夠腍 好正 🤍野菜鍋食得清清淡淡 健健康康既朋友好啱食 食材好豐富 包括有菇菌類 野菜 蟹柳等等 分量十足 兩人都食唔曬 如果湯底清甜會更佳🤍火山食物名好特別 叫左火山 因為壽司外形同顏色好似火山🌋 外表係蟹柳絲 中間係壽司卷物 卷物用左帶子 青瓜 牛油果 蟹柳 口感好豐富 好正💵人均消費：200✨環境及衛生：7.4/10🙋🏻‍♀️推介指數：7.9/10 📍觀塘觀塘道436-446號官塘工業中心4期1樓B室