103
49
19
火炙薄切和牛
3 已推介
等级2
20
0
環境絕佳/人均一千/13道菜體驗
2024-03-06 3094 浏览
位於中環Landmark的Zuma提供了一個舒適的用餐環境，讓顧客能夠在舒適的氛圍中享受美食。這家餐廳結合了日本的經典料理和現代創意，呈現出了一系列令人垂涎的菜餚。今次點了Week Dinner，共13款食物，包括新鮮的刺身、精心烹調的燒烤、精緻和美味的湯品等。廚師們選用最上乘的食材，並以傳統的烹飪技巧將其轉化為精湛的菜餚。他們對細節的關注和對食材的敬重使得每一道菜都成為了一個藝術品，每一口都帶給您滿足感和愉悅。除了美食之外，餐廳的服務也值得一讚。服務團隊熱情友好，對每一位顧客都非常細心。他們樂於解答問題，並提供一流的建議，以確保您在餐廳度過一個愉快的時光。他們對食材的知識豐富，能夠解釋每道菜餚的成分和製作過程，為您提供更深入的了解。整體而言，這個價錢在中環地段能享受出色的用餐體驗，是非常值得推介的。
更多
位於中環Landmark的Zuma提供了一個舒適的用餐環境，讓顧客能夠在舒適的氛圍中享受美食。這家餐廳結合了日本的經典料理和現代創意，呈現出了一系列令人垂涎的菜餚。

今次點了Week Dinner，共13款食物，包括新鮮的刺身、精心烹調的燒烤、精緻和美味的湯品等。廚師們選用最上乘的食材，並以傳統的烹飪技巧將其轉化為精湛的菜餚。他們對細節的關注和對食材的敬重使得每一道菜都成為了一個藝術品，每一口都帶給您滿足感和愉悅。

除了美食之外，餐廳的服務也值得一讚。服務團隊熱情友好，對每一位顧客都非常細心。他們樂於解答問題，並提供一流的建議，以確保您在餐廳度過一個愉快的時光。他們對食材的知識豐富，能夠解釋每道菜餚的成分和製作過程，為您提供更深入的了解。

整體而言，這個價錢在中環地段能享受出色的用餐體驗，是非常值得推介的。

火炙薄切和牛
25 浏览
0 赞好
0 留言
精選壽司及刺身盛合
32 浏览
0 赞好
0 留言
麻香辣汁燒牛柳
51 浏览
1 赞好
0 留言
綠茶香蕉蛋糕伴椰子雪糕及花生拖肥醬
43 浏览
0 赞好
0 留言
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
用餐日期
2024-03-03
用餐途径
堂食
人均消费
$1000 (晚餐)
庆祝纪念
生日
推介美食
火炙薄切和牛
精選壽司及刺身盛合
麻香辣汁燒牛柳
綠茶香蕉蛋糕伴椰子雪糕及花生拖肥醬
等级3
31
0
聞名遐邇之ZUMA初體驗
2021-05-08 1339 浏览
喺世界各地都擁有分店嘅米芝蓮餐廳「Zuma」，一直都久仰其大名。Zuma Hong Kong更加已經喺中環置地廣場開業有14年，仲曾經入選為亞洲20大餐廳添。既然放咗喺bucket list咁耐，就襯住好朋友生日一齊去朝勝一下。加上咁啱見到DinningCity Hong Kong Restaurant Week 2021有Zuma，Dinner只需要$680起，當然要即刻Book咗佢啦！雖然Zuma喺置地廣場，但因為佢喺自成一角，所以要搭Gucci旁邊部升降機先上到去，通過扶手電梯最多只可以上到4樓，最後都係要搭返升降機。當晚Book咗7點，到場時都唔太多人，Scan個QR Code填完資料就可以入去。餐廳高樓底，分室內同室外座位，成個設計都好有格調。不過因為夜晚，所以唔太Feel到之前相見到嘅落地玻璃有幾靚。餐廳仲有一個好長既Bar枱(又或者係Open Kitchen)，可以俾食客望住廚師準備食物。 餐廳既侍應同食客比例都幾高，單係一坐低已經有幾個唔同職員輪流過黎加水、倒豉油、放袋等等。餐廳亦都貼心準備咗印有Zuma Logo嘅口罩信封俾食客，不過信封有點細，係唔能夠平放一個口罩。
更多
喺世界各地都擁有分店嘅米芝蓮餐廳「Zuma」，一直都久仰其大名。Zuma Hong Kong更加已經喺中環置地廣場開業有14年，仲曾經入選為亞洲20大餐廳添。既然放咗喺bucket list咁耐，就襯住好朋友生日一齊去朝勝一下。加上咁啱見到DinningCity Hong Kong Restaurant Week 2021有Zuma，Dinner只需要$680起，當然要即刻Book咗佢啦
！

45 浏览
0 赞好
0 留言
雖然Zuma喺置地廣場，但因為佢喺自成一角，所以要搭Gucci旁邊部升降機先上到去，通過扶手電梯最多只可以上到4樓，最後都係要搭返升降機。當晚Book咗7點，到場時都唔太多人，Scan個QR Code填完資料就可以入去。

258 浏览
0 赞好
0 留言
餐廳高樓底，分室內同室外座位，成個設計都好有格調。不過因為夜晚，所以唔太Feel到之前相見到嘅落地玻璃有幾靚。餐廳仲有一個好長既Bar枱(又或者係Open Kitchen)，可以俾食客望住廚師準備食物。

146 浏览
0 赞好
0 留言
  
95 浏览
0 赞好
0 留言
餐廳既侍應同食客比例都幾高，單係一坐低已經有幾個唔同職員輪流過黎加水、倒豉油、放袋等等。餐廳亦都貼心準備咗印有Zuma Logo嘅口罩信封俾食客，不過信封有點細，係唔能夠平放一個口罩
。

2845 浏览
4 赞好
0 留言
因為係Restaurant Week，所以Menu已經係Pre-set好，不過有幾個item係要揀，包括係主菜要「麥麵豉醬燒雞腿肉」或是「麻香辣汁燒牛柳（加150蚊／每位）」、「火炙薄切和牛（加100蚊／碟）」同埋「時令水果盛位（加50蚊／每位）」。

而酒水方面，其實Menu係有做咗簡單Pairing，可以揀特色Cocktail、清酒、白酒同紅酒。不過最後我哋喺佢原本Wine Menu揀咗開枝720ml嘅Sake （$690）。因為放酒樽嘅冰桶放得比較遠，所以無影到相，不過餐廳職員會將酒倒喺分酒瓶放喺台面，方便食客自己加酒。但其實成餐飯我哋都無自己加過，因為餐廳職員服務太殷勤，基本上一飲左兩啖就會有人嚟加酒。

麵豉湯
39 浏览
0 赞好
0 留言

第一道前菜就係麵豉湯，湯料足夠且鮮味，但略有點咸（不過其實成餐飯每碟餸都偏咸）。

薄切油甘魚配柚子松露汁
64 浏览
0 赞好
0 留言
第二道菜係薄切油甘魚配柚子松露汁，呢道菜有d驚喜而且好開胃，建議將魚子連埋油甘魚一齊食，入口有一陣清新柚子同松露味。

岩蝦天婦羅
48 浏览
0 赞好
0 留言

岩蝦天婦羅送到嚟仲喺新鮮炸起，又熱又脆，蝦又新鮮，配合埋個醬超夾。

迷你牛肉他他筒
45 浏览
0 赞好
0 留言

好高質嘅牛肉他他，完全感覺唔到陣生味，即使本身唔鍾意食他他嘅人都覺得好食。雖然佢話喺迷你他他筒，但其實份量好足，一d都唔迷你。

火炙薄切和牛
55 浏览
0 赞好
0 留言
我哋叫左兩碟加100蚊嘅火炙薄切和牛 (店員話平時一碟都要200幾)，係和牛不過驚喜感不大，而且略有d太咸
。

辣味牛油果沙律
29 浏览
0 赞好
0 留言
食咗咁多碟之後，食返個辣味牛油果沙律中和下啱啱好。辣味唔太重，不過配搭埋牛油果同沙律菜幾清新下！

精選壽司及刺身盛合
27 浏览
0 赞好
0 留言
  
精選壽司及刺身盛合
22 浏览
0 赞好
0 留言

其實呢個係mix咗三道菜嘅拼盤，包括壽司及刺身盛位、日式生蠔刺身同辣味油甘魚卷。陣容睇落好豐盛，而且每樣嘢都好新鮮，特別係生蠔，有陣陣海水味
。

麥麵豉醬燒雞腿肉
22 浏览
0 赞好
0 留言

其實食到呢道菜已經有d飽，燒雞腿肉好Juicy，沾埋麥麵豉醬又好夾，不過唔沾醬其實本身都幾好食。

紫蘇牛油甜粟米
16 浏览
0 赞好
0 留言

呢道紫蘇牛油甜粟米係我覺得最得意嘅一道菜，因為只係普通嘅粟米，但整到好Fancy咁。而且味道超甜，有又陣烤烘味道，好似食緊日式燒烤咁。

三文魚伴芝麻青瓜漬物
22 浏览
0 赞好
0 留言

三文魚伴芝麻青瓜漬物略為有點咸，不過有檸檬同青瓜漬物中和下都ok，而且無骨。

日式香芒椰子燉蛋伴熱情果泡沫
26 浏览
0 赞好
0 留言
最後去到甜品，Menu包左兩個甜品，日式香芒椰子燉蛋伴熱情果泡沫 同埋 綠茶香蕉蛋糕伴椰子雪糕及花生拖肥醬，因為喺book枱時候已經remark咗朋友生日，所以餐廳已經自動波將其中一個甜品加咗生日牌同蠟燭，值得一讚！！


265 浏览
0 赞好
0 留言

整體來講，成餐飯都不枉我一直都對Zuma好有期望，無論食物定服務都絕對係一流。不過略嫌餐廳上菜同收菜速度太快，基本上落單後半個鐘已經上咗一半嘢食，而甜品係未食完main已經問你可以上未。雖然都明白疫情期間餐廳要趕10點關門，但9點15分已經俾張單你埋單同清好成張枱真係太心急，希望下次嚟可以坐多陣
。
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
用餐日期
2021-05-02
用餐途径
堂食
人均消费
$1100 (晚餐)
庆祝纪念
生日
推介美食
麵豉湯
薄切油甘魚配柚子松露汁
岩蝦天婦羅
火炙薄切和牛
辣味牛油果沙律
精選壽司及刺身盛合
精選壽司及刺身盛合
麥麵豉醬燒雞腿肉
紫蘇牛油甜粟米
三文魚伴芝麻青瓜漬物
  • 迷你牛肉他他筒
等级4
981
0
遍布世界各地現代日式居酒屋 食盡15道菜晚餐
2021-04-07 7006 浏览
❀ Zuma Hong Kong #中環 ❀❗️遍布世界各地現代日式居酒屋 食盡15道菜晚餐❗️——————————————————繼續係 DiningCity Restaurant Week嘅節奏！今次揀咗呢間現代日式居酒屋，位於置地廣場內，要喺側邊一部特別嘅𨋢先上到去，有兩層咁高，中間仲有條玻璃樓梯，更有室外露天位置，環境超大，氣派非凡。呢間居酒屋係世界各地均有分店，亦曾經獲得 Miele Guide 亞洲二十大最佳餐廳🌟今次係品嚐restaurant week dinner menu，$680有成15道菜，大部份都非常出色，而且上菜速度快，服務質素亦好好，店員充滿活力，而且發現原來即使係restaurant week都可以order生日牌，非常貼心！自己唔係特別喜愛日本菜/居酒屋嘅人，但都覺得呢一間幾出色，食到超飽🥰！.✷𝑀𝑒𝓃𝓊✷☞ DiningCity Restaurant Week Dinner $680♥ 麵豉湯 (3.5/5)唔係麵豉湯嘅愛好者，一向唔太鍾意嗰種酸酸鹹鹹嘅味道，不過呢個內裏有豆味超重嘅豆腐同埋海帶，算足料👌🏻。.♥ 薄切油甘魚配柚子松露汁 (3.8/5)相對
更多
❀ Zuma Hong Kong #中環 ❀
❗️遍布世界各地現代日式居酒屋 食盡15道菜晚餐❗️
——————————————————
繼續係 DiningCity Restaurant Week嘅節奏！今次揀咗呢間現代日式居酒屋，位於置地廣場內，要喺側邊一部特別嘅𨋢先上到去，有兩層咁高，中間仲有條玻璃樓梯，更有室外露天位置，環境超大，氣派非凡。呢間居酒屋係世界各地均有分店，亦曾經獲得 Miele Guide 亞洲二十大最佳餐廳🌟今次係品嚐restaurant week dinner menu，$680有成15道菜，大部份都非常出色，而且上菜速度快，服務質素亦好好，店員充滿活力，而且發現原來即使係restaurant week都可以order生日牌，非常貼心！自己唔係特別喜愛日本菜/居酒屋嘅人，但都覺得呢一間幾出色，食到超飽🥰！
.
✷𝑀𝑒𝓃𝓊✷
☞ DiningCity Restaurant Week Dinner $680
♥ 麵豉湯 (3.5/5)
唔係麵豉湯嘅愛好者，一向唔太鍾意嗰種酸酸鹹鹹嘅味道，不過呢個內裏有豆味超重嘅豆腐同埋海帶，算足料👌🏻。
.
♥ 薄切油甘魚配柚子松露汁 (3.8/5)
相對普通啲🙈聞落去有香噴噴嘅松露味，但入口唔多覺，比柚子味蓋過咗，而且柚子味酸得來又好鹹，相對重口味咗啲。
薄切油甘魚配柚子松露汁
108 浏览
0 赞好
0 留言
.
♥ 岩蝦天婦羅 (3.9/5)
用上岩蝦製作嘅天婦羅🦐同平時一大條嘅長蝦天婦羅唔同，反而係細細粒。
口感亦冇平時嗰啲咁爽口，反而有啲似蝦餅。
配上沙律醬一齊食，係一個簡單可口嘅小食😆。
岩蝦天婦羅
124 浏览
0 赞好
0 留言
.
♥ 迷你牛肉他他筒 (4.4/5)
當初就係比呢一個頭盤所吸引 (唔知有冇人見到都諗起chaat嘅signature)，不過呢個就係好好食嘅他他🤩🤩🤩。
將牛肉剁蓉，唔似得平時咁大粒，加咗少少香蔥、芝麻，配上香脆嘅雪糕筒，內裏仲有少許朱古力脆皮，味道口感平衡得好好，超好食🥳！
迷你牛肉他他筒
175 浏览
0 赞好
0 留言
.
♥ 辣味牛油果沙律 (4.4/5)
雖然好普通，但係一個好味嘅沙律🥗！
蔬菜極度新鮮，牛油果夠熟，最出色係表面仲有啲脆脆，撈埋一齊食超好味。
辣味牛油果沙律
211 浏览
0 赞好
0 留言
.
♥ 火炙薄切和牛 +$100 (4.3/5)
聽店員強烈推薦加咗呢個和牛，話係店舖嘅signature💫。
Size比我想像中細，不過油花的確好靚，輕輕咬一兩口就呑得。
超級有驚喜又未至於，不過的確係好食嘅牛。
火炙薄切和牛
145 浏览
0 赞好
0 留言
.
♥ 精選壽司及刺身組合 (4.6/5)
♥ 日式生蠔刺身 (4.5/5)
♥ 辣味油甘魚卷 (4.5/5)
跟住終於嚟到壽司刺身嘅環節。
坦白講，自己對壽司刺身嘅要求唔算好高，除非好腥，如果唔係大部份都可以接受。不過今次嘅壽司刺身真係有驚喜，係超有wow factor🤩🤩🤩！
所有刺身都超新鮮鮮甜，生蠔就偏爽口。
另外壽司亦唔係普通魚生加飯，而係加入左各種調味☺️有紫菜芝麻味好香嘅油甘魚卷，亦有入口即溶配上脆片魚子嘅三文魚火炙壽司，加埋一個彈牙嘅墨魚壽司，全部都好好味！
而且壽司飯微暖，唔會過酸，仲反而帶點甜味添，係好出色嘅壽司！
精選壽司及刺身組合
151 浏览
0 赞好
0 留言
.
♥ 紫蘇牛油甜粟米 (4.6/5)
一向唔食粟米嘅我超級鍾意呢道菜😚有少少似fukuro嗰個焦糖牛油粟米，不過今次就用上香草、紫蘇葉等等。
粟米本身嘅味道唔算好重，取而代之係表面嘅鹹鹹甜甜香香配料，所以我更加鍾意，味道層次分分鐘比起Fukuro嘅更豐富🥰！
紫蘇牛油甜粟米
222 浏览
0 赞好
0 留言
.
♥ 三文魚伴芝麻青瓜漬物 (4.6/5)
三文魚伴芝麻青瓜漬物
44 浏览
0 赞好
0 留言
♥ 麥麵豉醬燒雞腿肉 (4.4/5)
麥麵豉醬燒雞腿肉
166 浏览
0 赞好
0 留言
♥ 麻香辣汁燒牛柳 +$150 (4.4/5)
麻香辣汁燒牛柳
215 浏览
0 赞好
0 留言
已經好飽但仲有多道燒物🤯
🐟三文魚真係煮得好出色，非常之滑，配上甜甜地嘅燒汁好好味！唯獨係皮比較韌，唔脆。
🐔雞髀肉就非常之滑溜，用上麥麵豉醬，所以味道偏鹹，如果可以送飯會更好。
🐮燒牛柳揀咗三成熟，非常粉嫩，但完全冇血水未。切成牛柳粒咁，咬幾口就呑得。雖然話係用辣汁，不過又唔多覺辣，反而覺得都係普通嘅甜豉油咁😂好味不過唔算非常特別，覺得如果加咗$100和牛就未必需要再加呢款牛柳，除非你想食兩兜雞肉 (一兜已經好多)🤣。
.
♥ 綠茶香蕉蛋糕伴椰子雪糕及花生拖肥醬 (4/5)
作為抹茶控會覺得呢一個綠茶蛋糕唔夠抹茶味🙈反而似係一個原味磅蛋糕。味道主要就係花生拖肥醬，加上表面嘅糖漬香蕉，都好食但少少偏甜。
綠茶香蕉蛋糕伴椰子雪糕及花生拖肥醬
92 浏览
0 赞好
0 留言
.
♥ 日式香芒椰子燉蛋伴熱情果泡沫 (4/5)
呢個就相對簡單，雖然話係燉蛋但似yogurt多啲，另外中間亦有少許慕絲泡沫。
主要係芒果同熱情果醬嘅味道。
日式香芒椰子燉蛋伴熱情果泡沫 (
84 浏览
0 赞好
0 留言
——————————————————
✨整體味道: 4.4/5
✨環境裝修: 4.4/5
✨服務態度: 4.4/5
✨性價比: 3.8/5
✨再訪興趣: 3.8/5
.
💞整體來講
食到非常滿足🥰雖然當中某些頭盤同埋甜品相對驚喜冇咁大，但絕大部份菜式都好高水準，尤其係壽司同刺身，真係非常鮮甜美味！另外好欣賞佢哋活力十足嘅服務，環境亦時尚現代，非常之靚，係慶祝佳選！

(以上食记乃用户个人意见 , 并不代表OpenRice之观点。)
  • 推介
    已推介
  • 检举
1 已推介
    张贴
    评分
    味道
    环境
    服务
    卫生
    抵食
    用餐途径
    堂食
    推介美食
    薄切油甘魚配柚子松露汁
    岩蝦天婦羅
    迷你牛肉他他筒
    辣味牛油果沙律
    火炙薄切和牛
    精選壽司及刺身組合
    紫蘇牛油甜粟米
    三文魚伴芝麻青瓜漬物
    麥麵豉醬燒雞腿肉
    麻香辣汁燒牛柳
    綠茶香蕉蛋糕伴椰子雪糕及花生拖肥醬
    日式香芒椰子燉蛋伴熱情果泡沫 (