爆丼屋 (已搬遷) 新店位置

喺Mega box行完IKEA都八點半，大家都肚餓，想快手搵間餐廳食晚飯，唔想等位又唔想一坐低就話last call。搭𨋢到一樓開門就見到「爆丼屋」，望入去估唔到呢間分店環境都幾寬敞舒適，枱與枱之間一啲都唔迫，仲要而家有位同埋收十點，咁我哋就決定入去食個丼，QRcode落單。❀北海豐盛丼 $208刺身款式都有幾款，主角係兩隻大牡丹蝦，蝦膏甘香，鮮甜蝦肉口感軟糯帶爽，仲有帶子、三文魚子、火焰左口魚，最鍾意有海膽。❀三文魚火山盛 $155成個碗唔算大，角切三文魚份量十足，仲有吞拿魚腩蓉，三文魚子，全部都新鮮，鋪滿成個山形咁，遮住晒成碗飯，第一羹都要小心就住𢳂落去，唔想整冧啲刺身，碗飯都擠得好實，全部丼都有跟味噌湯。❀火焰盛丼 $165鋪滿三文魚、左口魚、帶子、蟹捧，全部經火焰更香口，尤其左口魚經火焰後，入口充滿油脂，口感豐富有嚼勁，最頂有生蛋黃，撈飯食更黏口。#爆丼屋地址：九龍灣宏照道38號企業廣場5期Megabox1樓21-22號舖

在MEGABOX行街, 路過見到此餐廳, 入來食個魚生丼飯 食物 : 巨量牛魔盛盒 $158 - 來到應該食魚生飯, 但見到這個牛肉丼有增量, 其他人都食魚生飯, 所以就試咗牛肉, 牛舌軟淋, 好味, 牛肉就較普通, 飯量非常多，不過若再來都會選魚生 火焰盛丼 $165 - 魚生新鮮, 味道不錯, 但份量太少, 不夠飽 一番海老蟹盛丼 $258 - 這個是店員推介, 丼飯上有蟹膏/海老/蟹腳, 全部都好鮮甜新鮮, 非常不錯, 但都是偏細, 不夠飽 環境 : 餐廳裝修整齊明亮, 坐位舒服軟淨, 枱與枱之問不會太迫 地點 : 店舖在MEGABOX內, 非常幾方便 服務 : 職員有禮貌健談, 都是講廣東話 價錢 : HK$639 (包加一服務費)

今次同男朋友去megabox行吓街，就比呢間好爆嘅魚生飯吸引咗，幾年前食過旺角店覺得ok，又試吓呢間分店質素先～丼飯嚟講都算好多選擇，款款都有滿滿嘅魚生😋我叫咗個制霸！鵝肝海鮮盛丼 ($278)😗見到佢有鵝肝真係太吸引，鵝肝煎得啱啱好，入口會有啲脆身，之後就會溶化🤣好味～另外仲有好多塊帶子，經火炙之後變成半生熟，口感有層次😆另外仲有啲三文魚籽做配搭，好有鮮味～另外叫咗個火焰盛丼 ($165)☺️燒過嘅三文魚同左口魚有更多油脂，仲有兩片帶子，相當豐富😆我哋一人叫咗一枝波子汽水 ($28)，好耐冇飲過，一枝原味一枝菠蘿味，回憶返哂嚟🤣呢個丼飯打卡一流，味道亦都幾唔錯，令掛住日本嘅我可以有啲慰藉😋

🍔食物質素：👍🏻👍🏻👍🏻👍🏻   💵價錢性價：👍🏻👍🏻👍🏻📸打卡指數： 👍🏻👍🏻👍🏻👍🏻 🪑環境衛生：  👍🏻👍🏻👍🏻👍🏻      🤵🏻店員服務：  👍🏻👍🏻👍🏻👍🏻想知道又靚又好玩地方， fai.lok.mode仲會ig分享張相攝影心得。 爆丼屋食過好多次，刺身係幾好食，今次特登試埋個未試過火炙刺身。Megabox 比旺角少人好多，唔洗排隊就可以入到。火焰盛丼 ( $165 )醜話說在前面，其實爆丼係因為個碗太細，所以先覺得壽司非常多，但無可否認，啲壽司真係幾新鮮。生蛋好重要，溝左食飯同壽司都滑好多，火炙部分，爆丼屋用比較輕微火炙，所以無太多火炙香味，但就食到火炙後刺身柔軟感。

雖然話爆丼，但只係因為個碗太細，而造出來的效果，男友吃完後完全不夠飽。魚生用料還算新鮮，但價錢偏貴，貴價比人打卡，同一價錢有其他選擇。用app下單不太user friendly, app上根本看不到丼有甚麼食材，要另外問店員取餐牌。店員態度有待改善，只顧聊天和禁電話，不會主動看看客人有沒有需要，顧著按電話，喊了幾聲都沒有聽見，非常無奈。因需另加一服務費，自助下單，但店員沒有服務，服務費不值。試過就算，不會再來。

位於megabox的爆丼屋主打重量級大丼飯，星期六晚上黎到不需要等位，人流亦未見好多🧐記得以前係旺角分店食過一次，座位好逼坐得唔係幾舒服，九龍灣店就好好多喇🙆🏻‍♀️叫左兩個丼飯，跟配味噌湯🍥舀落去見到都幾有誠意😯入面有海帶牛肉豆卜紅蘿蔔🥕😳🔆火焰盛丼$𝟙𝟞𝟝火炙經常都係我首選🙈丼飯鋪上三文魚、左口魚、帶子同蟹棒🍣最吸引的自然係兩款魚類，半生半熟的雙重口感，掌握得不錯👍🏼不過未算好肥美🔆燒鰻魚盛丼$𝟙𝟞𝟠 鰻魚數量超多的😍而且件件都好厚肉😋值得一提係雖然下層只係飯，但壽司醋嘅用量好適中，令人可以就咁食白飯都唔會覺得dry🔆玉子明太子燒$𝟜𝟝 玉子外層燒至乾身香口，內裡保持嫩滑🥰配上明太子沙律醬，雖然因為味道太濃食落有點涸喉，但成個配搭都係好食🐰大丼飯個樣真係幾吸引，刺身份量都好足夠😎一個飯都唔平，食海膽拖羅果d當然價錢就更高，但我會驚食呢種丼飯未必用料好好，所以食番普通少少好了🤣

人氣爆丼屋終於爆出旺角，今次係 Megabox 開分店。入到去用QR點餐非常方便，而且丼的款式多，亦有其他丼以外的選擇。三色海膽丼盛作為海膽迷真係要會一會佢，海膽多到一個點。點餐描述就話兩款日本海膽，一款韓國海膽，總之就係滿滿海膽。近睇海膽既質感絕對令人著迷，每一口都係海膽，食到你懷疑人生，正！火焰盛丼帆立貝，左口魚裙邊，松葉蟹棒，三文魚全部炙燒香噴噴，連飯都一樣散發住灸燒香味。松葉蟹棒配沙律醬無得輸，左口魚裙邊油脂夠晒豐富，帆立貝同三文魚灸燒恰到好處，唔會令人覺得過左火。其實個碗真係會令你懷疑個份量係咪好少，但食食吓又真係唔少喎。