達人烤肉 (已結業)

近排阿媽好迷好迷韓劇，就連出街食飯都話要食韓國菜，咁我就梗係陪佢去喇 呢晚我就揀咗達人烤肉 入到去就叫咗呢款新推出既火燒五花腩同其他小菜，而最有印象都係呢度火燒五花腩，皆因侍應係放低碟肉後就會淋上燒酒再點火燃燒，其間酒香四溢，呢個時候就梗係影相喇 之後侍應就會將充滿酒香既五花腩剪成小片放在烤爐上燒，一陣之後四周就充斥著陣陣肉香 燒熟後既五花腩外脆內嫩，食在口中完全唔覺得油膩，反而食到肉質好新鮮，同時入面仲好juice，以生菜包裹進食就倍添風味，阿媽都話勁好食，我都好有同感 不過燒好後就要快d食，唔理佢就會好快燒到乾晒，會變左好似腳皮咁硬，所以一係食快d，一係就夾起先，唔係就會浪費晒，之後再燒埋高級牛仔骨同豬皮後就食到飽晒，今餐好滿足呀~~~~ 

今晚11點半先去食飯...gathering 約咁晏都係第一次...因為太晏關係, 唔洗等位!!! yeah!!!今次一行10人去食~~~點左兩個set, (只係記得其中1個set: 有五花腩, 牛助骨肉, 牛肉眼, 特級牛肋骨, 大蝦)另外點左2份雞胸肉~~再加左D海鮮, 豬皮.呢到除左有爐邊蛋, 仲有特別的芝士粟米!!! 出面少見! 味道好正, 因為有粟米溝輕左, D芝士唔會好"漏"!當然其他例牌的泡菜, 辣醬, 海鹽, 芽菜唔少得啦! 呢到都有埋裝滿洋蔥底的碗!! 方便每啖肉都可以連埋黎食!除左set的五花腩, 我地仲點左個紅酒五花腩!! 店員會幫手燒, 個五花豬因為沾左酒的關係, 會噴火的!!!食落唔會好重紅酒味, 但係同一般五花腩比, 香口好多!!! 其他牛肉肉品都好香牛肉味, 唔會"淡某某"...另外要提提佢個護心肉, 好有豬酥味! (當然係香同好味果隻!) 第一下聞到以為怪怪地, 食落好香豬肉味! 推介!!!另外提提大家, 食到咁上下, 見到個鑊燶燶地, 記得叫店員換鑊!!!

今次黎食係朋友介紹， 我都食過唔少韓式烤肉，呢度通風都唔錯，韓國人服務態度都好好， 得閒會過黎幫手燒比我地食。今次黎食既護心肉好食過某d 出名既韓式烤肉店， 護心肉好香，質地好得意，係值得一試，另外牛腸真係好好食， 超香，質地好有趣， 亦都好肥， 不過我想試下平d $125果隻，但係已經賣哂，朋友話$125 果隻更肥更好味，，所以今次係食$175 貴d 果隻牛腸，都係十分值得一試。而呢度既烤爐旁邊既係蛋同芝士粟米， 好好味， 呢度既泡菜小食都好食，辣度剛好，又可以refill!今次黎食 , 職員換左4次碟， 都不時幫手過黎燒，都好唔錯ga, 我都會再黎。