伽倻韓國餐廳

重陽節既午飯去咗伽倻韓國餐廳食，貪佢午市套餐包雪花冰。午市套餐有12款選擇，有烤肉有煲有湯有炒飯。烤牛肋骨烤牛仔骨 $198 另加一烤牛肋骨有7細件，烤牛仔骨就有6件。塊鐵板都唔熱既，牛都唔熱。味道一樣甜甜地，都可以，不過唔惹味，質感可以，唔太韌。面頭灑上少少白芝麻粒。跟餐韓式前菜3款，分別係芽菜菠菜，辣泡菜同甜蕃薯兩舊。配有白飯同辣胡椒娃娃菜牛肉湯。炆牛肋骨煲 $168 另加一個煲都唔太熱，有5大舊，都淋不過好肥，味道甜甜地，面頭灑上白芝麻粒。跟餐韓式前菜同烤牛肋骨烤牛仔骨一樣，配有白飯一碗同辣胡椒娃娃菜牛肉湯。呢碗白飯少d。紅豆雪花冰, 芒果雪花冰雪花冰有紅豆同芒果揀，我地兩款都試試。見到上枱份量簡直係受騙既感覺，點解同張相咁大分別，居然由一大碗變咗做一細杯，好離譜，完全違反商品說明條例。白雪雪雪花冰上面有鮮芒果粒同一細pat開心果雪糕。雪花冰無奶味，pat雪糕少得可憐，不如唔好加。紅豆雪花冰就有紅豆蓉加杏仁片，再加一樣咁細pat開心果雪糕，呢個味道就濃味d，同埋杏仁片加咗香脆口感。呢個價錢食呢d野，性價比超低，同埋唔覺餐廳有心做好食物。餐廳樓底高，座位舒適，有窗口位特別舒服。服務