聚Chill

营业中

休息中

屯門紅橋附近的一間小店，個名改得幾好，約埋朋友聚埋Chill下，叫幾款食物開心Share真係唔錯。招牌黑松露卡邦尼意粉 $50 黑松露多，煙肉，洋蔥，蘑菇都多。開頭食幾creamy，但食到尾有少少水，不過我覺得都幾唔錯啦。蕃茄什菌肉醬意粉 $45 都好足料，味道唔錯，不過都係有啲水。炸蕃薯條配黑松露蛋黃醬 $27 正！新鮮炸起熱辣辣，脆卜卜甜蕃薯條配埋個香濃既黑松露蛋黃醬，好食到停唔到口。呢間小店價錢親民，食物賣相味道都唔錯，性價比高。

皆因在附近居住，不論堂食或外賣，聚chill早已成為我的飯堂☺️終於的起心肝為佢寫個食評😂$50招牌黑松露卡幫尼意粉🍝基本上黎到一定會食😋其他餐廳最平都要六十蚊起跳，仲要唔夠呢度好食🤤白汁一定夠配哂成個意粉食，足料又重黑松露香👍🏻😋芝士感滿滿🤤🤤極滿足！$50白酒忌廉汁帶子意粉伴蟹籽🦀雖然帶子唔係用一大塊鮮帶子，係選用細細粒柱貝，但柱貝分量一樣超多！👍🏻加埋蟹籽又多一層口感🤤$50日式照燒汁蜆肉意粉伴蟹籽🐚照燒汁甜甜地，不知不覺就成個意粉食哂🤤又帶出蜆肉同蟹籽鮮甜👍🏻$22香脆炸韭菜豬肉雲吞$22泰式炸魚餅$27炸蕃薯條配黑松露蛋黃醬🍟午市小食跟餐只需加$10-$15😋但分量一樣咁多🤤新鮮炸起熱辣辣👍🏻好味道👍🏻加上價錢咁抵，一次過加幾樣黎食都冇問題🤤好味又抵食🤤仲要係黃店！！！💛良心小店點可以唔撐😋☺️🥰

自己點咗白酒忌廉汁帶子意粉配蟹子，意粉同白汁比例剛剛好，有海量嘅蟹籽，掛滿曬每條意粉。帶子偏少，但呢個價位有咁多粒，都已經冇求。友人就點咗另一推介，黑松露卡邦尼意粉，都好評。最有驚喜係炸蕃薯條配黑松露蛋黃醬，炸得好香口，一啖接著一啖。雖然黑松露醬冇乜黑松露味，但本身蕃薯條好濃味。值得推介。

由於餐廳比較細同座位少，所以需要等位，而當日晚市都只係等10-15分鐘左右。餐廳嘅防疫措施做得好全面，由入去餐廳前要量體溫，亦有酒精搓手液。餐廳的每一張枱都有酒精搓手液供食客作消毒用。————————————————— 📍食物&不專業食評：1️⃣招牌黑松露卡邦尼意粉 $50 意粉軟硬適中，而黑松露亦都冇搶走卡邦尼汁嘅味道，味道啱啱好，成個意粉食完都唔會覺得膩，份量都好足夠！2️⃣牛油炒蘆筍 $25 炒蘆筍都嫩，唔會有渣。食落好香黑椒味，但略嫌有啲油！3️⃣炸蕃薯條配黑松露蛋黃醬 $25 真係好鍾意食呢個炸蕃薯條，上到嚟熱辣辣，炸得好脆好香又唔會油，25蚊嚟講都真係幾多！而黑松露蛋黃醬同炸蕃薯條都好夾，唔夠醬仲可以同店員講有得加醬！🧡感謝用心睇到呢度嘅你地🧡

次次經過都見到門口有好多人等位，今次終於的起心肝就算排隊都要食！😍鋪頭唔算大，得20個位左右，裡面播Viutv唔播Cctvb非常抵讚👍🏼👍🏼介紹吓食咗啲咩先🤓✨招牌松露卡邦尼意粉(+$2天使麵)✨白酒忌廉汁帶子意粉拌蟹子(+$2天使麵)✨炸蕃薯條 配 黑松露蛋黃醬👍🏼👍🏼仲飲左...🤓🥤白桃檸檬梳打🥤荔枝椰果梳打天使麵整得好好食😋好多汁食落口完全唔會覺得乾😍炸蕃薯條不得不讚真係好_好食🤤加左砂糖係上面食估唔到又幾夾🤪然後講下嘢飲呢就不過不失啦😉特飲黎講$18又唔算貴嘅😛要特別讚下出嘢食速度幾快 嗌左冇耐就煮好仲要熱辣辣👍🏼👍🏼下次一定會再黎幫襯(p.s其實已經幫襯左外賣幾次🤪)#黃店#黃色經濟圈