妹記大排檔

。大排檔。日常。多謝谷友請食飯，仲要去到一直都想去一路都無去到嘅妹記大排檔！以前成日聽到話佢要Booking，成日都去唔到，估唔到今次竟然有位喎！話就話大排檔，但其實佢係室內，仲要樓上，仲要有冷氣嘅🤭一行四人，叫唔到咁多，盡叫啦！我哋先叫咗馳名妹記炸豬手 - 外皮脆卜卜！ 個味道啱啱好！鬼馬油炸鬼- 配埋酸汁，酸酸甜甜啱啱好！我哋仲叫咗黑椒薯仔牛柳粒- 以為佢其他嘢可以啦，呢一個真係有啲失望…咸咗啲….牛還牛薯仔滑薯仔咁….豉椒炒蜆 - 個汁太杰…蝦醬炒通菜 - 正正常常..有鑊氣嘅最後我哋仲飲咗佢地嘅特飲荔枝烏龍茶，都係普通🤨唔知係咪期望太高呢..定係名過其實🤨🫣不過全場有好多年輕人喺度幫襯，試吓無妨🤔…查看更多

滿心歡喜食大排檔，但妹記已經唔再係一般大排擋，似係普通連鎖茶餐廳咁。炸豬手 |豬手係好食嘅，個豬皮非常脆，咬口聲音清脆響亮！但都係偏鹹（豬手唔鹹就唔係豬手）所以叫咗啤酒送，就啱啱好。口水雞 |個醬比一般食嘅口水雞味道較淡，似係就咁用豆瓣醬淋上去。而且雞肉唔係原隻雞件，而係用雞扒，所以比較鞋身。鬼馬油炸鬼 |繼炸豬手之後好食嘅炸墨魚餅，非常香脆，炸皮唔厚，墨魚肉都好彈牙，好味～啤酒 X 戰鬥碗 |黎到妹記點可以唔飲啤酒，仍然好喜歡用戰鬥碗，好有風味～總括黎講，妹記野食不是完全差，但價錢偏貴，而且氣氛都無真嘅大排檔咁Chill～所以唔太抵食…查看更多

有朋自遠方來，當然要帶佢去食下一啲香港地道嘢，地道嘢又點少得大排檔哩！之前book定位，唔駛等就即刻可以入座👍🏻，今日點咗幾個小菜同一個例湯，最值得欣賞嘅當然係此店招牌菜嘅炸豬手，遠方嚟嘅朋友非常欣賞，差啲連骨頭都唔放過😅，其他仲有小炒皇、豉椒炒蜆、椒鹽排骨、黃金蝦...... 都合乎期望，但個例湯就😓，原先點嘅時候話係木瓜紅蘿蔔煲豬骨湯，點知嚟到就變咗個老黃瓜煲豬骨湯，算啦！但味道鹹左d⋯⋯ 希望下次去會好啲啦😆…查看更多

是晚一行五人小聚，由於本人多年前曾嚐試過尖沙咀的妹記大排檔，故對其食物質素有信心。我們點了炸豬手、鬼馬油炸鬼、酥炸墨魚嘴、魚香茄子煲、琵琶豆腐、什菌生菜會鮑片(大約的名字)同桌友人對隔壁炸豬手虎視"擔擔" ，order時幸得侍應提醒豬手有兩款，分有肉和無肉(?!) 雖然本人不好豬手，但仍淺嘗一塊，肉有點難咬開及味道偏鹹，與吃中式燒肉相近😂 雖然皮脆，但不是我的菜。而且份量很多，吃不完！相反兩款炸物深得我心，尤其鬼馬油炸鬼，皮酥而不油膩，內裏是墨魚滑，吃完一塊又一塊都不會感覺很熱氣！酥炸墨魚嘴外型及口感像吃雞軟骨，兩款炸物配以不同醬汁，很Match！魚香茄子煲正常需要配以白飯吃！但這個味道不會很鹹，讚！唯一要彈是香味不足，沒有大排檔及酒樓做的岀色，不驚喜亦不失望。至於其餘兩個菜也是合格，但沒太大深刻印象。另外要讚的是電話訂位時表明需人齊才可入座，但老闆(?!)在我們未齊人提前讓我們先入座，而且沒有交枱時限！在今時今日尤其旺角區超級難得！而且整晚員工們服務都好好！我已納入這餐廳為我下次開飯名單中！…查看更多

知道旺角都開咗間妹記，所以今日約咗幾個朋友嚟食。妹記形式好似大排檔，當然要同朋友啤啤佢🍻唔叫支啤酒點叫黎過妹記，戰鬥碗萬歲！😄👍🏻🍻炸豬手 🐷人多叫到炸豬手真係好豬手外脆內軟而且好香口，豬皮炸到好脆好干身，雖然皮下痴住脂肪但食落口感好煙un完全唔似食緊肥肉！真係超好食！鬼馬油炸鬼👻墨魚滑唔係好彈牙，食落冇咩特別而且仲好多油，麻麻地酥炸墨魚咀外層脆身內裡軟熟，食落好香口，好食！炸蠔餅外皮炸粉比較多但口感好鬆脆，炸粉整得幾好但可惜蠔仔比較少。…查看更多

妹記大排檔今日朋友約左旺角gathering 食飯，其實帶我去既時間我都唔係好知今次食邊間。係女人街入面行，佢仲話有一棟野係食野既我都冇咩印象。上到去見到妹記，仲話尖沙咀有間店好出名嫁喎，我都係唔係好識，同時又心諗大排檔姐 ...... 點知野食嚟到完全令我改觀！鬼馬油炸鬼有別於一般油炸鬼，表面有油炸鬼既脆，裏面就有墨魚滑。感覺新鮮之如，味道都好食，值得一試！墨魚咀望落去有d似雞軟骨，食落外脆內軟，都幾香口。炸豬手炸豬手一向自己好鐘意食，見到有得叫都想試下。妹記既炸豬手唔會炸過龍，脆而不硬。可惜既係今次叫既野唔多，冇機會試埋其他野。下次再試！…查看更多