La Serre

营业中

休息中

本身book咗打風果幾日，臨時同餐廳講轉時間都OK, 好幫到手。餐廳嘅員工即刻覆同處理，都好好人呀。其實呢間餐廳之前都去過㗎喇，但係呢就只係飲少少嘢嘅啫，今次係因為掛住呢度嘅氣氛好舒服，所以就嚟咗食晚餐啦。我地揀咗坐外面，天氣涼咗，呢個位夠靜又夠涼，又可以望下海，好正。我哋頭盤就叫咗一個煙三文魚牛油果沙律啦。一個人份量就剛剛好。然後主菜方面，就叫做蕃茄醬西班牙紅蝦意大利幼面。雖然應該唔係新鮮貨，但係調味汁好味，蝦做到算爽算彈牙，令到我地秒清咗碟面。🤣我朋友就叫咗一個烤西班牙黑豬梅頭肉配蘋果蓉。塊排都幾厚身，肉汁豐富，而且呢個部位唔肥膩，食完唔怕有罪惡感，而伴菜都擺得幾靚。蘋果蓉就令甜味更突出。嘢飲方面呢，就叫咗一杯藍色夏威夷同埋一杯Bailey朱古力奶昔。估唔到藍色夏威夷超級有驚喜呀，有椰奶，Rum同埋橙。意想唔到咁夾同咁fresh! 今日最推薦係呢杯！💕 Bailey朱古力奶昔就係同想像中一樣，你儂我儂，夠哂濃味。最後有埋個甜品就剛剛好。呢個芒果cake 個mousse 好creamy 好夠味，上面仲有粒粒芒果又靚又增加口感，仲有個餅底好厚，我中意😬。

終於有幸黎參觀「觀塘新地標-5000萬噴水池」，果然壯觀又宏偉🤣🤣 其實係因為今晚食飯間餐廳5分鐘距離就係呢個噴水池，所以順便參觀埋。.講返今晚呢間位於海旁既觀塘區西餐廳，對著個海夠晒Chill，有室內外位置，當然夏天我係唔會坐出面既🤣 食物方面就係法式+西式。配美酒佳餚享受呢個環境，確係寫意。.🍴蒸原隻雅枝竹配松露醋汁 $98好耐之前係法國食過一次，無諗到原來香港餐廳都有😱 亞枝竹-人稱熱情蔬菜，亦有「蔬菜之王」美譽，因為擁有豐富營養和醫療價值，而且卡路里低，又不含脂肪及膽固醇。雅枝竹外形特別，花托上有一層層花瓣般葉子，迭成球狀，但其實只有小小花芯部分可食，配上松露醋汁，簡單又清新先可以食到雅枝竹個味道。.🍴烤西班牙黑豬梅頭肉配蘋果蓉 $188蘋果同豬本來就很相襯，烤西班牙黑豬梅頭肉加入酸酸甜甜的蘋果蓉，不但令味道更有層次，蘋果蓉中和豬梅頭的肥膩感，回味無窮。.🍴法式三黃雞飯 $188三黃雞出名肉質鮮嫩又重雞味，雞皮烤得呈現金黃色的三黃雞配上雞油飯，搭上香菇同醬汁，簡單地討人喜歡。.一餐好既西餐當然少不了Wine, 欣賞呢度呢支意大利酒莊Casanova Di Neri既「Rosso

平時散步經過依間餐廳己經好想試，因為覺得餐廳室內好有情調而室外就好寫意。今日約咗個係觀塘碼頭附近返工嘅朋友食晚飯，一於試下依間餐廳。餐廳室內及室外嘅座位都好有空間感，而室內樓底高所以就算full house都唔會覺得嘈，非常適合飲嘢傾計。三黃雞份量多，半隻三黃雞非常肥美，外皮煎得香脆，雞肉嫩滑，印度米煙韌除了油香味十足，蒜、香草及野菌味十足，整體非常惹味。西班牙黑豬梅頭肉質鬆軟內裡juice，配上酸酸甜甜蘋果蓉，非常醒胃。新鮮薄荷滿滿一杯，薄荷味十足加上青檸，非常清新。新鮮熱情果加上新鮮青檸，酸甜度適中。

依家好多食肆都好貼心會為客人準備一個信封用黎裝口罩，但係印有自家店名就比較少見，我覺得圖案好靚。餐包有軟身和結實兩款。烤西班牙黑豬梅頭肉配蘋果蓉($168)，非常之厚身，第一眼還以為係牛舌，餐廳選用梅頭肉我覺得唔錯，因為肉質較腍身，而且筋位較少容易咬，煮至岩岩熟透鎖住肉汁唔乾身。素肉千層麵($168)，叫返個素食菜式感覺上健康一d，千層麵配茄汁簡直係絕配，頂層曬上芝士碎，將千層麵味道更香口惹味。Passion Fruit Squash($58)，用百香果、青檸、梳打水、雪碧調製而成。鮮西柚汁($45)，鮮榨味道始終係最清新，西柚味好濃郁，對腸胃都有益。