Le Marché Steak & Frites (已結業)

呢日係一個特別嘅日子 我同友人想食西餐浪漫一吓 揀咗呢間喺將軍澳嘅西式餐廳食晚飯☺️美國特選級天然黑白牛肉眼扒 16oz呢塊肉眼扒真係好吸引😙 叫咗五成熟 所以肉質好粉嫩 食落肉質唔會韌 好juicy 超多肉汁🙊 牛肉味好正 16安士真係好大塊 荷蘭蛋黃醬就啱晒啦 幾開胃幾解膩 店員仲有提供四款芥末配嚟食 點咗芥末牛味更突出🐮烤阿拉斯加比目魚用咗牛油紙包住比目魚嚟烤 所以所有精華都保存到🥰 魚肉比較堅挺 唔會好易散晒 仲好香魚油味 魚肉上面有洋蔥 香橙等嘅調味 令到比目魚更有鮮味 比目魚柳本身已經好多油花 加埋香橙呢啲配料 食落完全唔會覺得肥膩🐟 十分推介呢個菜式芝士通心粉呢個side dish份量都幾多 面頭嘅芝士粉烤到啱啱好金黃色 撈勻𢳂起仲有拉絲添🧀 趁熱食真係好開心Shirley Temple入口首先有藍莓嘅果甜味 然後就有少少鳳梨嘅酸 撈埋一齊飲平衡得幾好🫐Blue Lagoon呢杯酸酸甜甜 店員話係用咗檸檬同香橙 配扒都幾唔錯 個顏色仲好賞心悅目添呀✌🏻餐廳仲有薯條無限添食 店員見你食晒薯條會主動問你要唔要refill 服務周到🤓 加咗唔少分㗎 呢間扒房真係令人好難忘 好鍾意

每次係澳南海岸踩單車都會經過Le Marche Steak & Frites，餐廳裝潢有法國小酒館既感覺，而且reception係餐廳正中間，相信職員可以更能注意客人舉手🤔食物選擇唔算多，主菜有四款，而食肉獸既我係為左肉眼扒而嚟到Le Marche Steak & Frites😍- 無限量薯條薯條係我鐘意既幼身款式，可以一啖食幾條薯條。最重要係無限量供應，每次上菜時侯都係熱辣辣😋- 炒磨菇Side dish嚟講呢個份量幾多，蘑菇有一陣牛油香氣，加上炒洋蔥粒，味道非常香口😝- 烤阿拉斯加比目魚紙包魚既方式可以鎖住水份，令魚肉多汁，比一般比目魚更嫩滑。比目魚頂部放上洋蔥，魚肉味道更鮮甜，同時魚肉唔會長期浸泡係魚油入面，口感保持清爽。- 美國特選級天然「黑白牛」肉眼扒客人可以選擇10oz或16oz ，外層焦香，肉質非常粉嫩，肉味濃厚，而且無筋，大大啖咁食好爽👍🏻。醬汁方面我地揀左牛肉汁，職員仲會問我地要唔要芥茉，英法美式應有盡有。飲品方面，我地叫左兩杯mocktail，分別係Blue Lagoon同Shirley Temple既無酒精版本，兩杯顏色好鮮艷，味道唔錯。總括嚟講，主菜好出色，令我