哥哥添飯•妹妹泡茶

营业中

休息中

兩個sets都好豐富，除了另加嘅前菜三小碟，仲有兩個小泡芙&西蘭花（有些魯肉係上面）⭐️無辣鹽酥脆炸雞🍗配椰菜絲沙律及魯肉飯炸雞外脆內嫩滑，加埋椰菜絲沙律平衡返啲油膩感⭐️岩鹽咸豬肉拼皮蛋醬生菜包🥬配蒸刈包平時其他台灣店好少有得叫刈包，四者配搭一齊食唔錯😁有好多台式飲品選擇，多到好似係專門店咁😆，我哋就選擇咗呢兩款⭐️乳酪芝芝荳花鮮芒荳花鮮芒夾埋一齊，好似食咗糖水咁😆⭐️蘆薈巨峰果肉爆冰蘆薈好多，加埋巨峰好fresh😆

好耐無去觀塘創紀之城，今日順道經過，就去哥哥添飯•妹妹泡茶食返餐。好耐無黎，餐牌轉咗新，成本雜誌咁，有冷盤小食，酥脆炸物，招牌牛肉麵，推薦菜式，豬肉系列，海鮮盛宴，素食蔬菜，店長推薦，飲品，同台式甜品。今日每人叫咗一個餐先。無辣鹽酥脆炸雞配椰菜絲沙律及魯肉飯 $108無辣鹽酥脆炸雞一客兩件，大個件係雞胸連雞翼，炸得皮脆肉嫩，味道鹹香適中，配椰菜絲好夾。椰菜絲沙律另外配有酸酸地既沙律醬汁。呢個雞仲可以揀辣炸雞。魯肉飯大大碗同熱辣辣。面頭魯肉甜甜地同酸酸地，份量唔少，配白飯好好味。避風塘風沙排骨酥配椰菜絲沙律及魯肉飯 $108避風塘風沙排骨酥一客8件，炸得皮酥肉腍，係稍為乾身少少。面頭加上炸蒜。加$10可以升級定食套餐，包時令前菜三小碟，魯肉青菜或者杞子燙青菜，同小甜品。好抵！係成份餐咁上俾你。時令前菜三小碟時令前菜三小碟係漬物拼盤，魚仔花生，同糖漬苦瓜。質素都唔差。漬物拼盤居然有牛蒡，好健康。杞子燙青菜杞子燙青菜係油墨菜，好嫩好翠綠，真係好清又健康不過味道唔寡。魯肉青菜油墨菜配魯肉當然更好味。小甜品係兩粒冰凍忌廉泡芙，好refreshing。另外再叫兩個小食。皮蛋拌酸薑 $32皮蛋一隻半

每次搭車經過 都會講💬好想食呢間野講過唔知幾多次之後 終於都可以食到 滿心期待🥰聽個名覺得好特別 起初以為係兩兄妹開既食店問返先知道 原來係老闆既一個情意結 都幾有意思🫢食店係行台式路線 設計風格簡約清新 帶俾人感覺好舒服😌餐牌上既食物款款都好吸引🤩有無一個方法係食極唔肥😭➷🔹 無辣鹽酥脆炸雞配椰菜絲沙律及魯肉飯先黎個店長推介既皇牌雞肉系列🐓鹽酥雞係台式食物既代表 仲要係皇牌 無理由唔試既🤤成個套餐係相當豐富 超級大大舊鹽酥脆炸雞🍗熱辣辣炸起 咬落口脆卜卜 雞肉唔乾身👍🏼調味上都恰到好處😋基本上都唔需要再沾醬汁其實食完炸雞都已經飽一半😆仲要加埋碗魯肉飯魯肉飯亦都係無法抗拒 如果佢再俾多啲魯肉汁就好喇🤏🏼跟餐仲會有漬物數小碟同蔬菜🥬仲有兩粒泡芙仔😍做得皇牌都無令我地失望😋反而仲會有驚喜👍🏼🔹 岩鹽咸豬肉拼皮蛋醬生菜包配蒸刈包呢個配搭好吸引到我🤩刈包唔係成日都有機會食到㩒落去個種軟熟度軟綿綿😆豬肉片帶有微咸 煎得有啲脆身👍🏼加上生菜可以減低油膩感🥬皮蛋醬變成咗個靈魂 皮蛋加蒜蓉混合成醬夾埋一齊食惹味感出晒黎 成個刈包既配搭都唔會乾身🤤同樣地都會有漬物數小碟同蔬菜🥬 兩粒泡芙仔跟埋唔好睇佢得