德豐打冷粉麵餐廳

营业中

休息中

約了同朋友慶祝生日，其實係我想捉佢陪我買電腦，所以我哋到深水埗黃金商場 ， 之後朋友非常體諒我，唔想我太破費，所以去茶記食已經好開心。之前同事到過德豐粉麵，覺得幾好味，今次 到我試下這裏的潮州菜， 餐廳光線充足 ，晚上客人也特別多。 餐牌上食物非常吸引， 可能我和朋友都很喜歡吃潮州菜， 但兩個人不能點太多， 心大心細揀了很久才決定食咩。我點了一杯熱奶茶， 最喜歡深水埗平民化的價錢， 高質的味道，這杯熱奶茶令我想起舊香港懷舊的情懷，茶味非常濃郁。 然後到潮州XO炒麵線， 一上枱時我和朋友 都非常驚喜，估唔到咁足料，好大份， 炒得一點也不油膩， 但有保持到鑊氣，勁惹味，好想再encore啊！之後到糖醋麵，見到都流晒口水呀🤤！每次食潮州菜我必點糖醋麵， 但絕對唔係間間潮州菜館的糖醋麵都好吃， 今次有驚喜這裏的糖醋麵濃郁麵味滲出淡淡香味，配上砂糖和醋一起吃，正！我發覺深水埗都有很多臥虎藏龍的餐廳， 永遠都支持香港小店。

今晚同朋友出深水埗行高登，突然大家提起好耐都無食過打冷，之後就見到呢間打冷鋪。佢外面睇其實似茶餐廳，好在有一個打冷明檔掛晒啲鹵水鵝，如果唔係真係唔覺眼。可能係茶餐廳裝潢嘅原因，衛生情況比之前食開嘅打冷店好，店面亦好夠光猛。叫左鹵水鵝，韭菜豬紅同煎蠔餅，配一杯茶記熱奶茶認真過癮。豬紅好入味有微辣，比起車仔麵d豬紅果然唔同層次。鹵水鵝都好正，肉好冧，肥瘦適中，入口好甘香。煎蠔餅好足料，有好多蠔仔，亦且唔會太薄，口感不錯！三個人三碟野食清光，arm arm 好夠飽，每人都係60-70蚊。抵食！