山城小麵 (懷仁街) (已結業)

今日又黎大埔搵食，唔係地膽既我地又睇openrice決定天氣咁熱我地想食D涼伴既野，而我地又鐘情麻辣野，所以就簡左尼間試試佢！唔係住尼頭既我地都覺得地點有D隱蔽，唔係特登搵食都唔會經過阿。　咁我哋就分別嗌左兩個一人餐，每個一人餐都會包一款麵食同埋一款小食，仲可以加配嘢飲或者糖水，每人都係$60左右，超抵食！咁我哋就分別嗌咗麻辣手撕雞涼麵，燃情刀削麵，蒜泥白肉同埋手拍辣青瓜。先講小食，麻辣汁好夠味! 辣味比麻味重~蒜泥白肉唔洗多講都知道好惹味! 所以三兩下手勢就比我地清曬喇~最估唔到既係青瓜竟然咁大份咁大舊，好有驚喜! 食得好滿足!主食方面，我地就比較推介燃情刀削麵，因為佢上邊都有D肉絲而刀削麵都又滑又彈牙，加埋D麻辣汁真係一流!相反，麻辣手撕雞涼麵都好味，但就冇乜特別喇，手撕雞份量都唔多，可以試下其他野!　我地今次都係叫左野飲，配埋豆漿好正阿~不過見到個紅糖涼粉糖水都好想試，唯有下次再黎喇！總括黎講真係又好味又抵食既一餐! 應該短期內都會再黎

好耐無去過大埔，有一次朋友介紹懷仁街新開一間麵店，話好ok，所以得閑就過去揾食試下。朋友發版order幾樣招牌菜，試過之後果然樣樣都好ok！擔擔麵不同於外面的麵食，唔會啖啖花生醬和芝麻醬味道，反而比較小清新又有足夠的醬味道，麵非常爽口！涼麵可以選擇辣or走辣，辣涼麵真的非常適合夏天！青瓜絲俾得好夠，減低了辣椒帶來的辛辣，又帶來好清爽的味覺體驗，麵質地不同湯麵，有少少{簡}水味。紅油抄手！一級推薦！！手工包的抄手大大粒，加埋香味十足的辣油，真係食完想再encore！老闆娘說抄手是跟足重慶包法，讓醬汁可以充分被兜住，咬落去的時候痲香、辣香交織在口腔裏，真係好想推薦俾全世界！燃情刀削麵也是拌麵，刀削麵筋道十足，好似去了強國大西北食手拉麵的感覺。呢個我地叫小辣，食到肉燥非常香！食完真係好滿足隱藏菜單出現！！超級酸菜魚! 呢道菜當時在菜單並無出現，是熟客先可以預定的，托朋友的福我地可以試到。酸菜魚非常滑，酸菜味道十足，裏面的配菜例如金針菇和豆卜吸曬湯汁，非常夠味。想食的朋友記得問下老闆娘點樣預定啦！！