茶茶台式料理 (已結業)

今日約左人係油麻地拎野~搞掂之後就同老公係條街搵食，見到呢間台式料理個logo幾得意，門口貼哂menu，覺得都幾岩食於是就入去試試~入到黎見到好多檯都叫鍋食，咁我地就叫左一個鍋、一個飯再加d串燒喇~沙茶牛肉鍋好多配料滿滿一鍋送上檯!有鵪鶉蛋、牛肉、牛丸、炸薯仔、金菇、豆腐等等~本身入面既食材已經熟左，然後係湯底度一路滾一路令食材索d湯底既味~因為食材係熟既關係，等食既時間就少左好多，岩哂心急的我~湯底好香沙茶味，愈滾得耐個湯底愈濃，我地d菜留番最後食~吸盡湯底既精華~超入味!另外仲有d醬料俾大家選擇，仲可以落蒜蓉同吃~更加香!鹽酥雞扒滷肉飯鹽酥雞扒係台灣出名既炸物~食台灣野梗要試下佢啦!呢間餐廳整既鹽酥雞扒都幾大塊，炸到金黃色但唔會令人覺得有油膩感，咬落去好酥脆，雞肉未至於嫩滑但就一d都唔鞋口，切開一件件容易食~而滷肉亦滷得入味，唔會過咸，配飯食一流!燒物我地叫左燒菇、燒牛舌、串燒雞肉、串燒羊肉、炸大腸串、串燒金菇煙肉卷~冬菇同牛舌用左蒜蓉一齊燒，一上到檯係超級香，所有串燒都落左孜然粉同少少辣粉去燒，所以全部都好夠味好香，好快就食完一串又一串~爭d唔記得講鹽酥雞扒滷肉飯係跟餐~而加20

半年前食過一次，之後都一直心思思想再食，但係search極都搵唔到，原來餐廳改左名，咁就約朋友食多次。餐廳改名後多左串燒系列，我地就每款都試下。羊肉串較普通，最好食莫過於牛舌，好厚好大塊，而且唔難咬。每人揀左一個鍋，分別有藥膳豚/牛鍋，巴蜀烤魚鍋同咖哩奶蓋鍋。友人嘅bb辣烤魚鍋好辣！至於每鍋嘅配料都好豐富，慢慢食唔經唔覺就食哂，超級飽。打邊爐仲有得配芝士茶實在太好，我地叫左芝芝莓莓同芝士綠妍/紅玉，質素真係唔錯，有粒粒草莓肉，真材實料！

今日小弟同女友人加埋兩位朋友黎左呢間餐廳開大餐月頭出左糧係爽既要大吃一餐減下壓本身小弟已經好鍾情奶蓋飲品，我對小火鍋都好熱愛的說.. 今次我地4個人每人叫左既鍋分別有藥善豚肉鍋x2，巴蜀烤魚鍋同埋咖哩奶蓋鍋。四個鍋既湯底都好獨特，我個奶蓋咖哩先正濃味得黎有奶香好creamy ..我地叫左勁多小食有鹽酥雞扒，台式夜市小香腸，酥炸花枝墨魚丸，蒙古羊肉串，燒雞肉串，燒雞翼，厚燒牛舌，蒜香燒茄子，鐵板炒韭菜，燒翠肉瓜同埋燒冬菇.. 全部都好正，叫到好似食放題咁..野飲我地都叫左芝士莓莓，芝士綠妍同芝士紅玉.. d飲品都好唔錯拍得住大陸d奶蓋茶.. 整體黎講成餐我超滿意大滿足的說. 因為咁樣食法每人都只係300蚊左右.. 講真邊度搵，完全滿足晒我對食既價錢同品質既要求..

今晚同朋友聚餐，各住東南西北，所以又係去香港的中間—旺角覓食🤣！今次冇book餐廳，決定隨心睇下揀下食咩，行到去豉油街⋯朋友就比餐廳門口既特色飲品吸引左入去👈🏻 餐廳主要係做台式料理，睇餐牌係主打火鍋，另外仲有台式飲品，好多款都好吸引咁（選擇困難症Again.........今次就係比佢既特色飲品吸左入黎！芝士桃桃太好賣，今日既限量完左😭😭😭點左芝士莓莓！驚—喜！首先眼前一亮，個杯好令🙊，而且勁大杯！比普遍的台式飲品店大杯。飲落有驚喜！好好味，莓莓粒粒的清甜，然後厚厚既奶蓋，愈後愈濃厚的芝士味！一向食飯係落單前都會參考下openrice 既分享同推薦，發現原來餐廳都幾新，而佢依杯特飲就好高評價，仲有人指同喜茶95%似，所以我都跟住點⋯飲完真係都幾同意🤔⋯⋯但唔洗排大隊（新開，趁住未咁多人知，👉🏻目前👈🏻仲係唔洗排長龍👈🏻😎）本人點左烤魚鍋！店員都好親切咁關心食到既辣度，雖然我好辣，但唔係食到好辣🤣，所以就推薦我點bb辣♥️一鍋上來就已經好香，見到湯底個時，都擔心太辣，但好彩係店員推薦個陣揀左岩自己既辣度，所以岩岩好！香辣入口，又不會太刺激，對我依種鍾意辣但又唔食得好辣既人而言，店員姨姨既

今日發現上次食評已刊登，仲見到個網上訂枱功能，兼且有七折，所以就訂左今晚再試多次！今次一行兩人，試吓個沙茶牛肉鍋，同韓式泡菜鍋，由於我朋友唔食豬肉，又唔想個鍋有咁多肉味，佢哋好好咁幫我地轉咗做牛肉，仲分開上添！之後再叫返個臭豆腐，今次仲試埋燒冬菇添，勁多蒜蓉，正到飛起！好似上次咁，嗌咗個滿杯紅油子！一路食一路飲特別夾，我朋友就嗌左杯茶，唔記得咗乜嘢茶啦，佢不嬲都唔飲甜野，由於冇帶走甜，侍應都幫佢換咗杯走甜嘅不另收費，服務態度超好！另外有個阿姐，是不是會問你加唔加湯，要唔要多隻碗，又幫我地轉唔食嗰啲嘢，好細心！是日平均消費唔使$200一位，非常抵食！性價比高！