The BASE (已結業)

觀塘區有好多工廈，繁忙時間有好多上班一族，人多車多，食市就更加多，可以話想食咩都有，但如果要找一間可以坐耐些少嘅餐廳都可能真係諗到頭暈，唔知點算。今次我有朋友生曰就揀咗呢間，三五知己聚餐，因為太趕冇準備蛋糕，但原來餐廳可以幫我在甜品上寫上生日快樂字句，咁我就唔洗兩頭騰找生曰蛋糕，輕鬆好多，個甜品好好味好特別，餐廳環境好舒適，感覺好寧靜，食物整得好靚又好味，口感又好、賣相又靚，我哋傾得好開心，又影相，全個氣氛都好正，下次一定會再來的。

Happy Friday~今晚約左好耐無見既朋友見面。想坐得舒舒服服慢慢傾計,西餐都係不二之選。觀塘工廈真係好多未發崛既好嘢食, 試極都仲有😍。今日就黎到the base環境唔算好大, 只有十張八張枱。裝修大部份都用上木同素色作主調, 感覺幾簡樸舒適。不過星期5晚個場都幾旺,所以最好都係book定位。出邊仲有個幾大既露台, 種左D植物~吹住涼風幾舒服。不過得一個茶几, 睇落都係啱飲野同食煙。如果可以加多D 枱, 其實反而我會揀坐出去。等朋友之際,坐左一段時間, 連水都無支😦唔通要錢? 最後忍唔住問侍應拎,free ge~~ 支水成個感覺好正拉開有成棵薄荷葉, 顏色好green~~好新鮮~~~不過朋友都覺得D水薄荷味好淡~~唔知係咪浸左成日呢😂不過賣相黎講顏值已經好高~~~~~之前都未試過餐牌食物主要有4頁, 款式唔算太多~另外menu 係飲品朋友一黎話好想食薯條, 薯條食得多~~蕃薯條真係未試過~仲要係咖哩😍✨咖哩蕃薯條($58)必食👍👍👍👍👍 : 佢唔係平時薯條果種硬脆~佢係脆得黎好鬆化~甜甜地好好味!!!!咖哩味反而唔係好重, 小小辣幾過癮~~如果個醬係蜜糖就好喇~~又或者落咖哩粉

我地係第一枱客。去到既時候，員工仲briefing緊。 好高興有樽水係枱面，可以自己倒水飲我地兩個人叫左一份小食+兩份主食。小食係炸蝦肉釀雞翼珍寶珠（辣蕃茄醬及薑葱醬），主食係馬來喇沙大虎蝦海鮮孖辮粉及燒原隻魷魚釀墨魚汁意大利飯。先說說小食吧，我覺得這個手工菜係心機菜來的，如果佢係可以半煎炸會更可口，因為雞翼外層有脆粉包住再炸比較乾身，感覺上半煎炸肉汁會多些。燒原隻魷魚釀墨魚汁意大利飯是紫菜包住有墨魚汁的意大利飯再釀入魷魚筒內的菜式。不知是否因為肚子不太餓的關係，總是感覺上有些漏，而飯比較硬身，期望再熟些沒有那麼生較好。原先以為馬來喇沙大虎蝦海鮮孖辮粉是濕的喇沙，結果卻是乾的喇沙。虎蝦很新鮮，汁有些微辣，整體很好。 員工很重視顧客的意見，微笑有禮。用餐後還會與我們交談，傾談食物的質素。整體上感覺不錯，下次想試試需時40分鐘製作的二人份燒春雞~