國金軒

营业中

休息中

國金軒母親節要孝敬母親大人，當然要搵一間有質素保證嘅餐廳。呢度每碟份量都係三份，我們三個人食啱啱好。🍅蜜餞本地黑豚叉燒⭐️⭐️⭐️⭐️⭐️$ 308素聞國金軒叉燒出色，果然名實相副。叉燒採用本地黑豚靚豬，肉質嫩滑，肥瘦相間，入口綿香，好好食！而且份量算多，如果可以再燒焦少少，會更好口感。🐖🍅金箔筍尖蝦餃⭐️⭐️⭐️⭐️⭐️ $98蝦餃真係要大讚！首先，賣相美觀，金箔亮眼，老人家最愛。而蝦餃嘅靈魂就係蝦😋，所以用料一定要靚。鮮蝦肥美彈牙，筍尖係筍心部位，爽口嫩滑，出色。🍅龍蝦湯花枝鮮竹卷⭐️⭐️⭐️⭐️⭐️ $88花枝鮮竹卷用料豐富，肉質實淨彈牙。龍蝦湯鮮味渵郁。我們三人分享，龍蝦湯一滴不剩啊！🍅田園雙蚌帶子腸粉⭐️⭐️⭐️ $98帶子隱藏喺腸粉內，完全帶唔出鮮味。腸粉皮亦唔算特別滑和薄。下次都係叫返鮮蝦腸粉好啲。🍅金山鳳梨叉燒包⭐️⭐️⭐️⭐️ $88呢個包款類似菠蘿包，不過佢嘅「菠蘿皮」比較薄身，口感都比坊間嘅滑，所以長者食都唔會驚整親口腔。但又保留咗香、脆嘅茶餐廳菠蘿包特色，最好笑係食到尾真係有少少菠蘿粒，甜甜地，唔錯。🍅金湯竹笙蟹肉灌湯餃⭐️⭐️⭐️⭐️⭐️ $108蟹肉豐富，餃內溢滿濃湯，一咬落去，湯汁四濺，齒頰留香。🥟🍅燒汁和牛

今日同屋企人去咗位於尖沙咀The Mira Hong Kong 三樓，米芝蓮推薦嘅高級食府國金軒嘆☕，食呢度嘅靚點心🍤首先，呢度環境雅緻，招呼亦週到好多人嚟食高質點心放題，對大胃王嚟講係抵，但會員就無折呢度啲點心唔平，平均要八、九十蚊三件，我哋六個人，要打孖上，就要百六蚊六個人叫咗九樣鹹點本身興趣不大，呢度嘅鹹水角做到外脆內軟，新鮮熱辣，係我食過最好食嘅upgrade咗嘅芋角，法國鵝肝同芋蓉融為一體，鬆化嘅「蜂巢」，咬落去，感覺好幸福第一次食和牛嘅包上面有片金箔，蝦肉彈牙，皮薄饀靚，餃皮重有摺，絕對係手功之作蘿蔔糕切粒，煎得香透，X.O.醬炒得惹味外脆內軟，可惜個餡甜咗啲白胡椒豬肚湯好暖胃，飲完好舒服，雲吞超水準，六粒一人一粒無數過有冇十八層摺皮，但又係功夫之作，皮薄餡靚，拍得住鼎x豐甜品馬拉糕鬆軟，不太甜豆腐花雖然貴咗啲，但木桶份量夠六個人食呢度點心除咗义燒包稍甜，其他味道都恰到好處，唔會過鹹或過甜，全部高水準正所謂一分錢一分貨無錯嘅，但亞妹係會員有折；埋單連加一，折咗大約千五蚊，呢度無論環境，服務同食物，都係高質素，米芝蓮絕對係實至名歸

好鐘意去國金軒飲茶，呢度嘅點心真係樣樣都好好食🥺雖然價錢比起其他茶樓可能貴少少，但絕對有質素保證！成日覺得食點心呢啲咁肥膩嘅嘢，一定唔可以嘥𝚚𝚞𝚘𝚝𝚊，要食就要食好啲🤪另外要讚一讚呢度嘅服務好好✨.love going to cuisine cuisine for some yum cha 🤤 the dim sum here is really high quality 😆 even though its pretty damn expensive compared to the regular chinese restos but for sure the quality makes it worth it 😋 also their service is just top notch 👍 make sure you reserve seats because its super packed!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 8/10服務 𝐬𝐞𝐫𝐯𝐢𝐜𝐞 8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.5/10