沙拉姆咖喱屋

营业中

休息中

想食重口味嘢就好似月經咁，每個月總係想食一兩次諗起油麻地小街內有一間一直只係路過而沒有入內嘗試嘅咖哩，咁諗起就去左啦果時正值午飯時段，入內已有數枱客人，環境乾淨企理，座位亦夠寬闊係冷氣有點兒不足，可能位子偏後餐牌，餐具放置非常整齊諗唔到食咩嘅話，頭一擰就見到廚師推薦，樣樣都好吸引不過一條友食飯叫得太多會嘔，咁店員見我咁猶豫就幫我揭左去咖哩果頁介紹，話曬係佢地招牌野最後點左個燒羊肉咖哩同埋印度洋蔥烤餅飲品LIST毫不猶豫點左自己喜好嘅sweet lassi等食期間，送左份印度脆餅，配有薄荷香草汁拎上手時仲有微燙手嘅熱度，食落香脆惹味咖哩同烤餅一併到來燒羊肉咖哩濃郁嘅咖哩上有一點薑絲，香蔥，芫茜等配料增添賣相之餘亦更突出咖哩香味個人喜好嘅關係，羊肉雖不像我所想咁有陣陣羶味，但肉質頗嫩，搭配正宗印度咖哩同薯仔，非常出色印度洋蔥烤餅添加左洋蔥嘅餅香口非常，食落軟熟有咬口，而沾上咖哩嘅烤餅更係提升左數個層次，識食一定係襯塊餅仲係熱氣騰騰時擺曬入口甜乳酪味道豐富濃郁，跟平常於印度餐廳飲到嘅乳酪差不多，但甜味略嫌有點過重整頓飯份量十足，環境良好數位印度籍店員(定唔知老闆)年輕靚仔，友善禮貌，值得再來

話說今日下午成班兄弟踢完友誼賽，個個都勁肚餓，想搵啲好野食醫下個肚。沖沖下涼，就有個朋友話帶大家去食好野，佢又有揸車，咁梗係要痴車坐啦，結果一行4個人就出發去食野啦。揸車就當然方便啦，不過我睇過搭地鐵，行都係5分鐘就到，都幾就腳。去到門口，就已經聞到好香好濃嘅味道，加上我地非常肚餓，就更顯食慾。可能因為星期五晚嘅關係，都需要等10分鐘左右。入到去坐低，就見到一本厚厚嘅menu，好多唔同嘅選擇。因為太多選擇，唔知點揀好，就叫左服務員幫我地推介幾道菜色。而我就話一定要食羊，所以就揀左以下呢幾樣菜色。分別有烤雞腿，薄荷燒雞腿，燒羊肉咖哩，菠菜燒牛肉，咖哩芝士菠菜，印度蒜蓉烤餅，同埋印度洋蔥烤餅。先黎嘅係佢地嘅招牌菜烤雞腿，呢個雞腿真係冇得輸，好香真係好香，食落個雞好鮮嫩，啖啖肉，正！跟住到薄荷燒雞腿，都幾重薄荷味，好清新，好食！之前就燒羊肉咖哩，菠菜燒牛肉，咖哩芝士菠菜，同埋2個烤餅一齊到。岩晒，烤餅可以同埋啲咖哩汁，菠菜味一齊食，而且啲烤餅新鮮出爐，熱辣辣，好香口！不得不重點推介個燒羊肉咖哩同個咖哩芝士菠菜。個羊肉好鮮嫩，如果鍾意食羊嘅，呢個係必須要試！跟住個芝士菠菜，開頭叫嘅時候以為佢係