卿記工房

营业中

休息中

偶然係網上睇到介紹呢閒小店嘅炸雞脾，好想試下， 今次專登好遠咁走咗去買嚟食，希望唔會令我失望。買咗一隻炸雞脾，即買即炸，要等大概15分鐘。 等候期間買咗一份燒賣 ($10/6粒) 攝時間。 燒賣 ok， 有魚味，但唔算太彈牙， 係食咗就算，唔會留有深刻印象果種。主角 "炸雞脾" 終於炸好。 呢度嘅炸雞脾唔係 sell 大隻，所以唔好諗 size會好大。 食第一啖無肉汁，但雞肉唔鞋， 炸得好脆，雞肉醃得幾入味。再食幾啖，肉汁就開始澎湃湧出來。 因為隻雞脾唔大隻， 好快手就食完。 以炸雞脾來講, 算唔錯，無失望。

之前聽日講話蒲飛路開左間卿記工房，個炸髀好味道，今日揸車經開就過黎買黎試下。因為佢標榜生炸，所以我預先早十分鐘打定去落order，去到唔駛等好耐就有得拎，免得抄牌。一拎上手果然新鮮熱辣，雖然望落去就冇想像中咁大隻，但外皮炸到金黃色，證明佢地啲油唔會好耐都唔換，即刻忍唔住即刻攞出黎食。一咬落去，個雞皮係炸到好脆，入面啲肉好嫩好多汁，冇乜雪藏味，啲椒鹽同五香粉醃得好入味，幾好！既然一場黎到，冇理由淨係買雞髀就算架，所以再買埋佢個燒賣同腸粉返屋企食。呢度嘅燒賣$10 6粒，雖然唔係夜市嗰啲$20 四粒咁大粒咁抵食 😆😆，卿記亦都唔係重點賣辣椒油，但以$10 6粒黎講，佢對得住個價錢嘅，燒賣亦唔會一咬落去就一pat粉咁又或者散開曬，都食到魚肉嘅味道，同埋佢個辣椒油又真係幾喜出望外喎，有咸香亦唔會太辣，我食得出嘅入面有炸蒜同蝦乾咁，所以特別香，不過個辣汁就唔太掛得住喺啲燒賣上面，感覺上兩者好似分開左咁。最後個混醬腸粉都唔錯，腸粉有米䊢嘅香味，又唔會好死實實咁，混醬足夠，係外賣返到屋企先食凍左少少，如果唔係應該會再好味啲。總括黎講，佢個炸髀係值得突登黎食嘅，其他都係水準之作，下次黎再試埋佢個炸雞粒