喜萬年酒樓

营业中

休息中

有少少時間， 又未肚餓，所以11點幾便去飲吓茶，坐一吓，簡簡單單點左幾樣嘢食，便當提早食午餐1. 喜萬年鮮蝦餃 (特) - 多蝦，蝦餃大大隻👍🏻2. 蟹子燒賣王 (特) - 唔錯3. 四寶雞扎 (特) - 味道唔錯，都幾大碟，魚肚都算大嚿👍🏻4. 焗叉燒餐包 (中) - 熱辣辣，皮薄，唔錯5. 春風得意腸 (頂) - 類似炸兩，不過入邊係蝦肉6. 懷舊蛋散 (中) - 糖漿喺面，咬落很脆口👍🏻其實碟碟都有返咁上下份量，所以四個人都食到好飽😅

晏晝，食點心嘆茶第一次嚟呢間酒樓，地方都幾大叫咗些少點心姐姐好快沖好壺茶過嚟最快嚟到嘅，係豬腳薑醋味同豬腳完全地融合咗一齊，好入味，好好食；雞蛋就唔會太硬，咬開一半加淋啲醋，好味道呢個叫春風得意腸，腸粉入面包住蝦春卷，軟中脆口，好得意嘅口感，似炸兩但比炸兩好食呢個尖椒入面，應該係蝦膠，就咁食唔沾鼓油都好味香煎韭菜蝦餅，裡面韮菜味好出，好味糯米雞同燒賣都ok總結：豬腳薑一定要試吓，其他嘢食都唔錯☺️

喺灣仔番咗好幾年工，一直以為想飲茶冇咩選擇，點知仔細再搵搵先發現哩間老字號嘅存在，一食發覺咁出色，當然要寫番篇食評推介吓啲心水點心小食啦 (特別係發覺眾多食評大部份都係介紹緊佢嘅晚市食物)~首先係佢嘅🥨蛋散蜜芽糖夠重手唔怕一邊有糖一邊冇，仲配上香香嘅黑白芝麻🥰再嚟就係🦑酥炸魷魚鬚佢嘅炸皮夠晒薄，有別於平時喺其他茶樓食到嘅炸皮，哩度嘅比較鬆化，唔係好實一大片咁，更唔會覺得成口粉咁～然後就係佢嘅🍯蜜糖黑椒雞中翼唔好睇佢係普通炸雞翼咁簡單，隻隻夠多肉漲卜卜不突止，仲要炸完都非常juicy，加上調味甜得嚟幾惹味，係估唔到傳統茶樓會出現嘅出色食品。估佢唔到嘅仲有哩個🥘咖哩牛筋腩煎米粉米粉煎好切成好幾份好方便分食，再配上微辣嘅咖哩牛筋腩，脆脆地咁十分滋味除咗上述嘅介紹，仲有🦐蝦餃燒賣等必食點心都做得好好~件件都king size再加埋大大隻蝦仁，十分足料！總括而言，食物味道好，坐位唔會太迫，上菜又快，下次lunch hour想飲菜要再嚟先得！