林記小食

营业中

休息中

友人推介林記的燒賣，一search之下，原來有三間之多(白田、西貢及紅磡)，但其實紅磡和其它兩間是沒有關係的。據説這裡經常大排長龍，可能因天雨關係，當日倒不見人龍；但人流也是不斷。想一次多試幾味，點了魚蛋$7、燒賣$10、紅腸$7、雞肉腸$5及腸粉$10；在雨中吃燒賣；沒有浪漫、只有狼狽🤣五款中有三款也吃得滿意，自家製魚肉燒賣全人手製作，魚肉跟麵粉的比例恰到好處，煙韌彈牙。勁辣魚蛋爽彈帶魚肉香，配咖喱勁辣汁同吃更是一流；連我這不愛吃辣的人也會愛上，可知幾吸引了。豬腸粉滑捋捋、厚薄適中，配心水醬料同吃，滿足。忍不住買了點生的燒賣及魚蛋；隨時想吃就吃，可惜沒有咖喱汁隨附，風味有點扣減。 林記小食地址: 紅磡差館里 21 號

小編聽得多呢度既燒賣腸粉有幾正，就專登過海黎會一會佢啦！今日大約4點到達、小編坐地鐵黎由銅鑼灣坐到黃埔落車b出口行左大約10分鐘，好彩今日唔係好熱ｏ者！講返呢度既食物、小編因為要留肚食晚飯所以淨係叫左1串燒賣和咖喱魷魚，燒賣食落係唔錯既，唔會話好粉咁或者好似鴻x堂d燒賣落曬d肥豬肉落去，呢度堅係魚肉燒賣、雖然冇d人講到話好彈牙，但其實味道唔錯、even食完之後都冇話好口喝咁！反而佢個咖喱魷魚就離曬譜，縮水縮到差唔多食唔到咁滯，完全係冇味冇道、唔知想點！冇下次啦反而如果再去既話會encore燒賣同埋試埋佢地既腸粉

食咗早餐未呢？魚肉燒賣係香港人的小食，不論早，午，下午茶時段或晚飯總會有香港人食番一串魚肉燒賣的。林記小食多年自製魚肉燒賣，粒粒都係佢哋用人手包出來的，熟客都知道而且非常愛戴，說起林記他們必定會叫你要試魚肉燒賣的。昨天去黃埔花園梗係要去試一下啦～沒錯，在任何時間都有排隊人士，但他們的效率很高，只需等5至10分鐘就可食到美食了。好~讓我感覺下人手打魚肉燒賣是什麼感覺的，口感很實在，不像在街上買的鬆泡泡軟淋淋一口粉的感覺，因為質感很紮實彈牙，魚味很重吃不到太多粉，燒賣皮很薄，吃完後我在懷疑那一種才是真正香港的正宗魚肉燒賣的街頭小食。 有試過嘅朋友一定明白我嘅感覺，未試過朋友又不妨去試試，可能你都會有我同一個感受

特登去林記朝聖！去得紅磡點都要去林記食串燒賣同魚蛋😎不過佢啲魚蛋都令我幾失望😢可能因為燒賣好食太多魚蛋好粉😢而且有少少腥🤔佢個燒賣真係無得輸！真係好好食！好有魚味又彈牙加埋辣油更惹味香口😍

個人十分十分中意食燒賣，小食黎講魚蛋或者燒賣，一定係投燒賣一票。好耐以前見雜誌有介紹過紅磡有好食既燒賣，亦都有住呢頭既朋友同我講過差館里果頭有間燒賣幾出名。有日去黃埔食飯，早左到，有啲肚餓，就心血來潮去左尋訪呢間出名既小食店。實在無諗過連食燒賣都要排隊等候，去到見到人龍都有啲嚇親。多數人都會叫燒賣腸粉，腸粉都係另一愛好之物，可惜食埋會太飽。叫感一串燒賣，彈牙有咬口，魚味其實唔算好突出，但唔係單單用麵粉整，今時今日已經好難得。點埋豉油，都好惹味。難怪小食店到有咁多人排隊。

終於感受到秋天有涼既感覺😳 呢間係紅磡既魚蛋檔我食左十幾年（應該有），幾乎每次經過都要買串食，有時餓既話就會叫$10蚊腸粉魚蛋（雖得三粒魚蛋，但都夠食既）要多麻醬，單食魚蛋就會加小小甜醬，好食好多。同埋佢既魚蛋係我中意食個種有d彈性個隻，如果你地經過一定要去試，好好味😍如果今日唔係有好多人排隊，我都會食腸粉😭 因爲腸粉雖然唔係新鮮手拉，勝在熱辣辣，調醬又調得好味。但凍凍地既天氣食番串辣辣地又熱既魚蛋，好幸福既感覺🤔好多人食林記一定會食燒賣，因為魚肉有胡椒粉味，有魚味，有咬口得黎唔似粉做。識食既，達達教你食兩溝，三粒燒賣三粒魚蛋，記住！燒賣要落咖哩汁，會好食啲！食過好食既，味再買囉，$8食到兩樣野，係抵食既！呢種味道既魚蛋，現在已經買少見少！出面無得食嫁啦😂💡現在的小店已經好多都因租貴，因物價貴而支持唔住。一間好食既小店，要靠大家既支持先可以繼續保留屬於大家的味道。請支持小店😉

話說男友住紅磡區 , 故小妹特別留意此區美食 , 日前在 Openrice 見到有關林記小食的食評 , 一眾資深食家評價甚高 , 決定前行拜訪 ~下午五時半左右到步 , 幸未見人龍 , 魚肉燒賣 & 牛肉燒賣各一 ~熱辣辣的 , 正~ 看 ~ 拍張照片也充滿蒸氣 ! 沙龍相似的 ~ 俾相機消毒完畢 , 正式試味 ...嗯 ... 該怎麼說呢 ... 或許是稍為比普通街邊小販好吃一點 , 不過大概是期望越高 , 失望越大之過吧 , 真的無甚驚喜  ......  而且 Openrice 的高評價天令小妹對它要求更高 , 略嫌豉油欠缺了燒賣豉油應有的微甜度 , 只純帶咸味 ......此刻記起當年花園街極好味燒賣 , 真的相距甚遠了 ! 可惜 , 往事 , 大概只能回味 ...