茶木‧台式休閒餐廳 (已結業)

《櫻桃小丸子》這齣卡通可說是筆者的其中一個童年回憶。早前在社交平台得知「茶木」和小丸子有crossover已萬分期待，今日終於有時間和友人到其中一家主題店朝聖。是次到訪的瓊華中心店以櫻花為主題。店內佈滿櫻花枝裝飾，甚具浪漫感覺。本身已是「茶木」常客的筆者，難得一場來到瓊華中心主題店，當然要點些特別的餐點吧。燉飯鍋上枱時熱呼呼的，石鍋邊還冒出小氣泡呢。進食時要小心燙熱。拌了辣茄醬的意大利飯甜酸中又有點微辣，惹味非常。燉意大利飯可以進一步令醬汁深入飯粒，更為入味。燉飯內有牛柳絲和雜菌絲，豐富口感。造型甚具小丸子元素的一款主食。本身平平無奇的賣相，加了花輪同學的樣子作點綴後，頓時生色不少。炸蝦炸得香脆，炸粉不厚，入口後油膩感亦不大。炸蝦下的蘿蔔塊是依據小丸子內的人物角色頭形去裁剪的呢。元貝釀了在大蘑菇內，左右兩邊各一粒；以份量來說可謂相當抵食。元貝煎得兩面金黃，香口又有鮮味。大蘑菇上再加上了芝士汁，醬汁質地偏為creamy。對筆者來說，味道有點偏咸，建議蘑菇可切開佐上白飯來吃。最後是甜品，是花輪同學和小丸子造型的綠茶心太軟。心太軟質地鬆軟，綠茶味非常濃郁，入口後帶有少許回甘。心太軟配上這球綠

細個都曾經每集追小丸子，茶木+小丸子，又好味又可以打卡，裝修得好靚，到處都係小丸子主題。好開心，有花輪同學+小丸子陪我坐。仲有小丸子既朋友。草莓香草蜜糖磚塊($83)，個包焗得外脆內軟，搽左蜜糖好甜，加埋士多啤梨雪糕，一凍一熱口感層次好正。花輪皇子元貝炸蝦飯($88)，個飯形狀跟足花輪個頭髮，元貝放在大菇上，仲有半溶芝士，菇夠多汁。紅燒半筋半腩牛肚麵($72)，雖然哩個菜式冇關於小丸子既產品，但牛肉味濃郁，牛筋好腍，唔錯。小丸子綠茶心太軟($68)，心太軟蛋糕軟熟，綠茶醬味道都幾好，唔會太苦，仲有個生果拿破崙，好脆皮。爺爺抹茶歐蕾($38)，個杯好精美，抹茶既香又滑。花輪玫瑰咖啡拿鐵($38)，花輪同學幾時都咁靚仔。

知道茶木和櫻桃小丸子有主題餐廳真係好開心， 上星期已經試過megabox的小丸子主題，今次就嚟到旺角茶木再encore! 店內已經佈滿所有櫻桃小丸子主題人物的公仔，真是一個小丸子迷瘋狂拍攝的好地方。今次點了兩樣是旺角瓊華分店限定的菜式，小丸子綠茶心太軟$68 & 花輪王子元貝炸蝦飯$88，還有小丸子牛肉麵$86，兩杯飲品爺爺抹茶歐蕾$38和花輪玫瑰咖啡拿鐵$38。小丸子牛肉麵 ~ 茶木的牛肉麵一向保持水準， 香濃的牛肉味湯底，牛腩，牛筋和牛肚都炆得好林又夠入味，喜歡佢的白蘿蔔和紅蘿蔔夠鮮甜， 最後還有麵的質地也煙韌，是一碗有質素的牛肉麵。花輪王子元貝炸蝦飯 ~ 炸蝦脆口，還有兩大粒 鮮甜的元貝，用大蘑菇做底，面層放了忌廉芝士，配上四塊不同顏色的蘿蔔，令到成個賣相更添色彩，還有餐具也非常別緻可愛。超大粒新鮮鮮甜的元貝小丸子綠茶心太軟 ~ 這一個甜品超驚喜的，有兩個小小的心太軟，外皮有綠茶的香味，一切開還有濃郁的綠茶流心，配埋忌廉和綠茶雪糕一起食用， 真是食到停唔到口。 仲有配上一個迷你的鮮果拿破崙做點綴，味道立即豐富起來，餅底鬆脆，yummy!花輪玫瑰咖啡拿鐵 ~ 這杯玫瑰咖啡拿鐵， 我