孖寶車仔麵

营业中

休息中

葵涌廣場人氣食店之一，經過仲有下午茶餐（下午2:30至6:00），有啲肚餓入去幫襯支持一吓。下午茶：孖寶車仔麵（$44）三餸配熱飲豬大腸、牛腩、魚旦、油麵，豬大腸有咬口入味，牛腩一般般有幾舊比較嚡，魚旦好味有彈性，油麵合格。牛柏葉、牛肚、豬紅、米粉，牛柏葉雖然爽口但無咩味，牛肚煙韌唔太痴牙，豬紅普通又係伙無咩味，米粉正常。爽滑腸粉（$10），有三條，尚算滑，撈埋甜醬、麻醬、芝麻，合格之作。整體合格以上，味道OK，價錢合理。

·孖寶車仔麵👯葵廣有好野食😋😋配料種類豐富車仔麵😌小食可以選擇嘅小店😍💛💛💛💛💛～～～～～～～～1️⃣孖寶招牌麵($48)+ 孖寶辣汁($3)＊擁有六款餸嘅招牌麵，包括豬大腸、豬肚、雞翼、咖喱魚蛋、豬紅同埋蘿蔔😌😌＊蘿蔔炆得夠入味，雞翼亦都煮得非常入味，又香又甜＊其他餸麵唔錯，小編今次就揀左烏冬餸麵底，烏冬煮得唔會太腍，麵條有彈性同口感😋更值得讚嘅係孖寶辣汁，辣度好夠，味道都幾特別，非常適合喜歡食辣嘅朋友🥵😂😂(score: 4/5)·2️⃣自選3餸車仔麵($48)+ 秘製汁($0)＊小編揀左咖喱魷魚、麻吉燒同埋腐皮春卷配上米粉，秘製汁唔算話太辣，微甜配上柔和嘅辣度，食落有少少似沙嗲醬，味道吸引又惹味＊腐皮春卷味道同口感都十足，麻吉燒中間用咗年糕做餡，配上外皮嘅內軟外彈牙，真係唔錯！😋但咖喱魷魚🦑係另外用碟仔上嘅，但啲咖喱魷魚係凍嘅，所以食落麻麻地，小編試過浸落去湯度浸返熱佢，咁就算冇咗陣咖喱味又😂😂🙈🙈🙈(score: 4/5)·3️⃣爽滑腸粉 ($10 / 3條)＊腸粉食落口感唔會太腍，香味十足😉😌😌值得一讚嘅係佢落嘅醬汁非常多😍，滿滿嘅醬汁加上腸粉，再配上啖啖嘅芝麻好香！真係一道唔錯嘅小食😍

朝早係葵芳食早餐，食唔到太多野，所以去左孖寶車仔麵叫少少野食兩個人叫左個湯、腸粉、魷魚同埋一枝豆漿就岩岩好叫左嘅早餐個魷魚爽口，就咁食冇咩特別，但配埋佢地個秘製咖哩汁就好惹味水魷魚配秘製咖哩汁叫腸粉果時，d姐姐會問你係咪全部醬都要我果時講左要多麻醬，之後一黎到見到係多到氾濫腸粉滑嘟嘟好味爽滑腸粉呢個湯係出奇地好飲，做早餐係會令個人暖笠笠我好中意佢個豬大腸，因為好淋之餘仲唔會臭!豬紅都好滑，配埋韮菜食簡直係最佳拍檔韮菜大腸豬紅湯