晶荷軒

营业中

休息中

去Disneyland玩完一日咁攰，晚餐要就腳當然選擇去迪士尼酒店餐廳食啦🤭早上臨出發時已經打電話去book枱，原來諗住食西餐，但fully booked，中餐廳有位，最終決定照去。結果冇令我地失望🤭好豐富嘅晚餐😍❤️片皮鴨賣相已經相當唔錯😍層皮好有光澤食完真係好好食，外皮脆，肉質鮮嫩，配埋佢嘅醬同埋配料一齊食，多重口感，真係又香又好食🤤一定要試👍🏻❤️鮑魚海鮮煲勁多唔同材料，呢味菜又係好出色👍🏻有煲仔嘅香味之餘，煮得好入味。❤️口水雞有擔擔仔嘅風味，配埋面頭嘅花生碎好香，又嫩滑嘅雞👍🏻總結，雖然貴但真係值得一試👍🏻原本以為通常呢啲餐廳得個貴字，但竟然令我地有surprise 🥰完全想像唔到嘅出色👍🏻

中午食完翠樂庭(其實係華特-有興趣可以參考我另一篇staycations 第一站🤗)夜晚就去食晶荷軒！掛住佢個片皮鴨同一鴨兩食吖😆1.片皮鴨半隻:一如既往皮脆肉不鞋。係用黎包住佢果塊皮厚啲者。啲皮用唔曬有啲嘥。2.兩食包鴨鬆:有得揀鴨鬆炒飯同呢個。我揀左包鴨鬆。本身自己係勁鐘意啲泰式生菜包。呢個中式，一試無妨。有啲松子炒埋一齊。口感唔錯！3.迷你佛跳牆： 次次都有叫黎飲㗎。個湯似燉湯。啲湯料全部都燉到好淋。4.迪士尼小炒: 今次個兜炸得脆，可以食埋。上次太厚！水準有進步左啲。5. 蟹肉炒新竹米粉: 食左以上甘多野都有啲飽，個粉都唔錯，用蟹肉，蟹糕炒既，都幾好食。有蟹糕既香，但略為有啲乾。

星期日同屋企人入迪士尼玩，順便去左酒店既晶荷軒中菜廳食野，食左啲好得意既公仔點心落肚，好邪惡呀！原本以為啲公仔好睇唔好食，點知又唔錯喎！啲包全部都好足料，天鵝酥炸得好鬆脆，好香芋頭味，好食唯一美中不足既係叫左片皮鴨，個皮冇想像中咁脆，有啲失望總括黎講，呢間中菜廳水準唔錯，下次一定要黎食埋其他公仔點心！