媽咪雞蛋仔 (已結業)

媽咪雞蛋仔相信無人唔識，分店遍布香港各區，總有一間在附近，鐘意食佢係因為覺得佢口味選擇都幾多，唔會食到厭。牛油果朱古力雞蛋仔($35)，哩隻味係期間限定，梗係叫一份黎試下，整個雞蛋仔都有綠色和啡色，咬開入面充滿左牛油果同朱古力，好足料，朱古力味道唔會甜搶過牛油果味道，製作時間得岩岩好，外脆內軟口感。黃金雞蛋仔($33)，鹹蛋黃既味道真係冇人可以抗拒，自己都忍唔住先偷食一粒先，同樣外脆內軟口感。飲品跟餐可以每杯減$4。芒果梳打($20)，芒果味濃，冰涼解渴，而且唔會太甜。港式奶茶豆花($20)，奶茶都幾滑，而且加左豆花，飲野之餘亦有d野咬下。

是日一行3人突登黎慕名去試雞蛋仔，因為知呢間雞蛋仔啲味好特別，黎到唔洗點等，已經可以點餐，不過雞蛋仔即叫即製，所以都等左約十五分鐘先有野食。我地比較貪心，3個人所以點左3款味黎share，分別係有機栗子雞蛋仔，牛油果朱古力雞蛋仔同抹茶紅豆雞蛋仔，另外仲點左紫薯牛乳。先講杯野飲，紫薯牛乳，雖然好凍，我都揀左凍飲。底有好多紫薯蓉，有啲都幾大塊，每吸一啖都食到好多紫薯，所以飲一杯都好飽肚。不過雖然有甘多紫薯蓉，牛乳其實真係得奶味，同紫薯係分開既，建議加埋啲紫薯落去打，甘就唔會兩件事甘獨立。整體杯野好飲，好真材實料，但果奶重返啲紫薯味，成件事會更好。到重點雞蛋仔啦，先講牛油果朱古力雞蛋仔，呢個係令我最期待既味，同時係食完令我最失望既味。首先啦，佢啲邊邊位冇牛油果，所以一開始食完全食唔到牛油果，但去到中間位其實都幾足料，牛油果都幾多。其次係果朱古力味太搶，完全遮哂牛油果啲味。再黎就係唔知係咪牛油果有調味過，食既時候果雞蛋仔某啲位有啲鹹味，所以果味道有啲位甜，有啲位鹹，食落有啲奇怪。整體唔算難食，只能講係期望越大，失望越大。然後到有機栗子雞蛋仔，呢個真係好推薦。食落係連邊邊位都有栗子蓉，有啲仲有成