同德素食

营业中

休息中

我本身係一個食肉獸，所以好少食齋，因為以往嘅經驗話我知，食齋係食我唔飽嘅。朋友話帶我食好齋，仲要包我食得飽，咁大食嘅我就梗係要試吓啦！餐廳環境走簡潔路線，地方唔算大，但感覺舒適。餐廳好細心，見我哋5大3小喺限聚令下要分開兩張枱坐，就特意安排我哋一行人入房坐，咁就算分咗枱傾起偈上嚟會大聲啲，都唔怕嘈到其他客人 因為我係第一次嚟，所以全程都係由朋友話事發板點菜！等咗一陣，驚喜就陸續送到，直頭係一浪接一浪 我估唔到”齋”都可以煮到咁岀神入化，多姿多彩 最緊要係食得飽，飽得嚟又唔會滯！！！同德真係打破咗我對素食嘅印象！我一定要帶多啲朋友嚟食，等大家都一齊驚喜吓

其實和屋企人已在這裏吃過很多次，尤其是造節。 因為妹妹吃純素，其中一個姊姊吃奶蛋素，每次要家庭聚餐🏠也很難找適合的餐廳。同德有樣好處就是餐牌上面每道菜式也有標明有沒有奶🥛、蛋🥚、菇🍄等食材，令我們很容易便選出菜式。除此之外，這裏的員工雖然忙碌，但也會盡量提供協助。而且這裏面積不大，但也不會覺得坐得很迫既感覺。同埋呢度d客都好好，好少聽到隔離好嘈或者成個場好嘈既情況。再加上呢度食物質素好好😋，無話好難食既情況出現。💰價錢亦相對地貼地。所以如果係幾個朋友聚餐或者係同食素既朋友仔黎係好適合👍今次做節再次黎食