德美壽司

营业中

休息中

【尖沙咀】德美壽司位於尖沙咀厚福街嘅德美壽司，價錢親民，料理款式多，又坐得舒服，非常適合同一班朋友嚟聚餐。今次我都唔執輸，帶埋幾位朋友仔一齊嚟豪食。星期一7點30左右嚟到，基本上唔洗點等位。 ✨三文魚、帆立貝刺身兩款刺身都好肥美。✨海膽花之戀，海膽鮮甜美味，一次滿足兩個願望。✨池魚，新鮮，肉質爽口。✨秋刀魚，秋天當造魚鮮食材，呢個時候食到嘅秋刀特別肥美，唔點豉油食，更突出魚油甘香之味。✨火炙左口魚，油脂重，入口即溶。✨鵝肝壽司鵝肝煎至外脆內軟，咬落口時鵝肝嘅油香迅間滲入整個口腔，係當晚最想encore嘅料理。✨牛油果軟殻蟹卷牛油果新鮮而且係有少少油香味個隻(唔係cheapcheap無味牛油果），軟殼蟹好大件啊，有驚喜！✨日式煎餃子食嗰時餃子皮已經有啲淋，味道正常，不過不失。✨土佐豆腐酥脆內嫩，都係不過不失。✨鰻魚朴葉飯朴葉，係朴木嘅葉，有啲類似我哋嘅荷葉飯。呢個飯偏爛，因為個飯本身濕氣重再加埋飯爛，出嚟嘅效果非常怪，我地咁多個都覺得唔好食。附送甜品係紅豆糕。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🐱總分：✨✨✨✨✨✨✨(7/10)💰人均消費：$230📍地址：尖沙咀厚福街8號H8 5樓⋯

今日收工行過厚福街，見到德美壽司外賣有九折！之前食過覺得佢哋嘅壽司幾高質，見有九折咁抵就決定買啲嘢返屋企食晚飯。牛油果軟殻蟹卷🥑牛油果加軟殻蟹絕對係我最鐘意嘅combination！軟殻蟹嘅份量好多，炸到脆卜卜，再加上青新嘅青瓜絲同完全成熟嘅牛油果，簡直係perfect match！加州卷🍣加州卷同樣地內餡好豐富！有好好食嘅玉子，蟹柳，青瓜同勁多勁多蟹籽，再加上沙律醬嘅點綴，係細路大人都鐘意食嘅卷物👍🏻地雞大蔥串🐔依到都有幾多串燒選擇，今次就試吓雞串。四大舊嫩滑嘅雞脾肉調味調得岩岩好，雖然係串燒加外賣，但係絕對唔會乾淨淨，再加埋好多大蔥係上面，蔥控必叫！黃金汁焗蠔🦪手掌咁大隻嘅焗蠔✋🏻蠔肉鮮甜多汁，大大舊肉，加埋上面creamy嘅黃金汁同紅蘿蔔粒，真係好好食😍

今日終於去左試人氣超高既德美壽司啦 好彩我地早到 因為7點幾已經多人等位到排滿左𨋢口😱 我地好幸運 可以坐吧台 睇住師傅整壽司😆壽司方面我地揀左三文魚腩同火炙帆立貝 食落果然高質 非常新鮮 三文魚腩好肥美 仲好大件🤤 帆立貝燒過後更香 入口就要溶化啦🍣我地仲叫左牛油果軟殻蟹卷 師傅好細心咁分開左2碟比我地2個人 等我地食得方便d☺️ 軟殻蟹卷上有4-5片牛油果 中和炸物既油膩感 食落好清新👅主食我地就揀左野菜牛肉鍋 呢個牛肉鍋晚市泥講未免太抵食啦掛😍 $74入面有勁多牛肉 幾款蔬菜 粉絲 豆腐 冬菇等 十分足料🤤 湯底濃郁所以全部食材都好入味 加埋面頭隻雞蛋簡直係畫龍點睛👍🏻最後我地都揀左一款小食 紫蘇沙追魚海膽天婦羅😋一睇就見到有勁多海膽 食落紫蘇葉味好出 同海膽都幾夾🌟

尖沙咀太多日本餐廳，真係花多眼亂，但真係要試過先得。我同朋友一行三人去到德美，等左一陣就有位了。 牛肉鍋好好食，粉絲比一般的粗，有口感，味道好 燒雞翼好香，必食 壽司好新鮮 牛油果軟殻蟹好食，味道好Match 鏝魚飯，鏝魚ok,但比較小，飯太多，汁太小。 餃子味道OK ,皮薄料多，燒茄子賣相靚，但味道一般。雜錦天婦羅，賣相靚，炸粉夠薄，炸蝦啖啖肉，有秋葵，蕃薯🍠，冬菇,茄子,南瓜🎃，好食總結：性價比高，味道好食，新鮮，值得一試再試

厚福街H8 有間壽司店德美壽司，平日晚上也有超多食客，安排坐在bar枱，可以一路看師傅弄壽司，一邊吃。食材很整齊有條理，食物很精緻，師傅也很熟手。甜蝦壽司 $36，甜蝦好甜，蝦尾有細心擺放，芥辣八爪魚軍艦 $30，芥辣八爪魚多到滿瀉。活赤貝壽司 $65，也鮮甜，不過偏貴。火炙帆立貝壽司 $42，火炙洋風三文魚壽司 $33，火灸燒得剛好，比起前幾天放題吃的火灸壽司明顯優勝。牛油果軟殻蟹卷 $77，分開了兩碟上，牛油果好香，實在太喜愛這味道，軟殻蟹卷內有蟹膏，更美味。活鰻魚朴葉飯 $97，份量很多，燒鰻魚配上鰻魚汁，入口即溶，好吃，只可惜飯一般，汁不夠，且口感不及壽司飯。

夜啲去等位都等到傻，好彩成幢H8都仲有好多其他選擇，萬一要等好耐又好肚餓都可以去其他樓層睇下！三文魚茶漬飯初次品嚐茶漬飯，很好奇飯同茶到底點樣撈埋一齊食？點知試過後不知不覺就會愛上那股清香的玄米味道🍵，既飽肚又美味！感覺又健康！仲加埋我最鍾意食嘅芫荽，更加香！😻紫蘇沙追魚海膽天婦羅 Basil Sha Jui and Sea Urchin Tempura非常精緻，同時份量都幾少😂不過真係好好味嘅！有啲好Hea嘅餐廳嘅天婦羅咬落去只係一pet粉！相反今次食嘅呢一隻天婦羅炸得非常好！非常可口香脆！紫蘇葉淡淡嘅清香最令人印象深刻！反而海膽嘅味道並唔突出！沙追魚食完我都唔知自己食咗啲咩，分唔到同靖魚嗰啲有咩分別😂😂牛油果軟殻蟹卷Soft Shell Crab Roll with avocado都係好有驚喜嘅一個卷！條炸軟殼蟹真係好大條好完整！個股油益味並唔會好似其他餐廳咁重，蟹味亦都非常突出！卷物上面嘅牛油果非常新鮮，又夠熟！有一種接近入口即溶嘅感覺！蟹籽分量又夠多！鰻魚朴葉飯精緻得黎份量又唔細，用個木兜裝住感覺又高級左！鰻魚切得厚身又多肉，燒到微焦，非常香口而且啖啖肉！醬汁嘅味道亦都恰到好處

剛從印度公幹回來，當然第之時間是找吃的！香港是個福地，什麼國家的菜式都有，當中日本菜上至過千下至幾十都有！是晚好想食壽司，見食評不錯就誤打誤撞上來名食街厚福街！竟然不用等位，一上到來發現此店跟上環一樣，男友一早已對上環店的午餐讚不絕口，所以令我對這餐晚飯非常期待！散點了些壽司，因為愛吃的我們想每樣要兩件，所以沒有點set, 否則398的set是幾豐富的！另叫了普通價錢的清酒，忘了名字，總之是易入口的！先來的是魚加海膽天婦羅！認為這道菜幾考功夫，白色的魚肉剛熟，配以濃郁的新鮮海膽，加上紫蘇葉，配合得天依無逢！任何架了海膽的東西都不會難食的！壽司上！超興奮！最有每款都好新鮮，最喜愛的是呑拿魚及葱吞拿魚腩碎！真的不得了，好新鮮加入口即溶！下次來吃午餐我一定會只點京葱呑拿魚腩容飯！海膽再次不用説有多正吧！另外小食炸雞軟骨新鮮熱辣，沒有不好食僟的理由！男友鍾情軟殼蟹，最後追加了池魚壽司和軟殼蟹卷！池魚壽司等一次食，男友很喜歡，我也吃得出是鮮美貨式！卷物也不錯，不過無什麼特別，我已飽到走不動了。。。這店明顯主打壽司刺身，不過其他選擇也很多而且水準高！晚餐後還送甜品，芒果奶凍還不錯！下次一定要來吃性