茶木‧台式休閒餐廳 (已結業)

在尖沙咀做完facial,朋友想來個輕怡午餐,於是帶我去了台式喫茶店.真係鄉巴佬,原來此店已經遍地開花,雖然室內陳設是塑膠假花..我點了個香辣牛肉麵和熱鮮菓茶.熱騰騰香噴噴的麵上牛𦟌份量頗多,有幾大件,味道濃郁,肉質很稔卻沒有散開,儼如刀削麵麵條好Q,蘿蔔清甜,老實說真是幾好食𡃓,至於正宗與否就不得而知了.看見隔枱的"好多事"成座山仔那麼高,又麵包又cream又雪糕又生果又糖醬,很不誇張;不過個人而言就興趣缺缺,始終覺得"潮流"與"品味"或"好味"未必成正比..當這個城市以為雜七雜八就是美感,大鳴大放就是自由,我們常掛在嘴邊的核心價值和美食文化已被摧毀得體無完膚,墮落到一文不值..幸好在這𥚃除了潮流的玩藝兒,還能吃到一碗味道純粹,烹調直接的牛肉麵..

一直都想試茶木，但成日好多人排隊，最終都係唔排閃人!今次去都見大約有20人排緊，見得閒就照排，期間職員攞左碟鳳梨酥比客人試食，宣傳產業之餘又可比客人解下悶係唔錯的方法，等左25分鐘左右就有位，比預期中快!座位尚算舒適，不過冷氣太大，加左外套仍覺得凍!煙三文魚沙律新鮮美味可口，再多d沙律醬更好!牛肉麵湯底濃厚的牛肉味，麵質QQ，但紅蘿蔔應該無煮過，超硬!水果茶內有不同水果大約5種，橙，火龍果，士多啤梨等，仲有2粒話梅，好好味，酸酸甜甜一流，而朋友的咖啡只話好難飲!最後甜品，朱古力口味的厚吐司，內裡部份麵包脆脆有蜜糖包住，好甜加上雪糕立即好飽好頂胃，不過都係值得試下!