清真牛肉館 (龍崗道) (已結業)

牛肉餅:今次回復正常喇!皮夠薄,牛肉鮮味有肉汁.正.不過真係幾貴.牛腩麵:牛腩好香又夠淋,麵質好淋有口感,湯味濃,今次雪菜多番D,可惜湯底淡左小小.但都幾好味.現場所見客好似小左好多,如果再加價,可能會再小D人食.

好久冇來食,之前食品質數唔穩定.今次再試一試.牛肉餅$32/2件:招牌菜,質素一路下降,中但價錢一路上升.皮好油,好硬身,肉汁有雪味,口感一般.比上次再差落下.酸辣湯:酸辣味好重,正.當中有蛋,牛肚.不過油份重手左小小.牛腩麵:牛腩好香好稔,麵為上海麵好有口感,湯味濃,不過比起之前雪菜小左好多.價錢越來越貴,食品質素下降,開始有小小變質.

呢日朋友仔揸車出九龍城買野, 反正無咩攪作, 我就一於唔客氣做坐上客 買完野, 就開始肚仔餓, 又係時候搵食嚕~朋友仔諗左一陣, 就帶左我黎呢間清真牛肉館...因為我地到既時間尚早, 所以唔使等位, yeah~(不過都有好幾個人響門口等緊外賣...)我之前未食過, 所以就由朋友仔拍板好了!一行 3 人, 個個都係細食之人...所以無叫太多野食, 淨係叫左:牛肉餅 (x3)酸辣湯 (細)併盤 (唔記得左個名 =.=)牛腩麵等左大約 15 分鐘左右, 上餸速度都好快, goodgood!!先上枱既係, 牛肉餅: 圓形餅餅, 外表睇無咩特別, o岩o岩燒起, 熱呼呼的耶! 咬一啖, 哇!! 好味呀, 仲有好多肉汁添呀, 推推推!!! =v=+跟住黎既係, 酸辣湯: 好在叫左細, 都幾大盤....味道好讚, 夠酸夠辣, 正!! 推推~再黎就係, 併盤同牛腩麵: 個牛腩麵我覺得無咩特別, 唔特別好食, 又唔係唔好食, 一般啦~ 至於個併盤, 一上枱, 我地幾個都 O 左咀...無記錯, 呢個併盤好似要成 $8x, 細得可憐, 食落又無好好食既感覺, 真係完全唔值!!! 彈彈彈~呢度既食物算唔錯