牛角次男坊 (荃灣廣場)

营业中

休息中

Lunch食咩好？唔知多唔多朋友仔係荃灣呢頭返工呢~荃灣廣場多唔同類型嘅美食，我平時經常都會同同事係荃灣廣場搵嘢食~ 「牛角次男坊」就係食過嘅其中一間，之前試咗佢個【牛角燒肉丼】同【醬燒牛舌丼】都真係好唔錯，咁啱有日男朋友放假過嚟搵我食Lunch，咁就帶佢去試試呢間順便介紹埋畀大家~ 「牛角次男坊」主打日式燒肉飯，Lunch比Dinner更抵食！Lunch有午餐定食，價錢六七十蚊左右，前排係丼飯定食，最近轉咗做盒子飯定食，套餐配有前菜同味噌湯，主食可以自選一款燒肉，都可以雙拼！ 🧡午市燒肉自選盒子飯定食【鹽燒豚腩片+燒美國草飼牛腹腩】（$69）燒美國草飼牛腹腩醬汁好重味，鮮甜惹味，撈飯食一流，超開胃！鹽燒豚腩片就切得好薄，肉質有彈性，調味無燒牛腹腩咁重，肉味更出，可以食到脂肪嘅香味！ 🧡午市燒肉自選盒子飯定食【醬燒牛舌+鹽燒麴一口牛】（$78）醬燒牛舌大塊薄切，爽口有嚼頭，但又唔會好韌，熟度啱啱好，一入口會係醬汁嘅香味，之後越嚼個牛味越出，好正！鹽燒麴一口牛都幾大粒，外脆內嫩，一啖咬落超滿足！

本身唔係唸住食呢間，但晚上無奈無乜店有開，所以見到佢仲可以買外賣就決定食啦！因為就到閂店時間，所以用光速去選晚餐食咩好～🐷牛⃝ 角⃝ 燒⃝ 肉⃝ 丼⃝：即煮即拎反上車食，一開！嘩！！好香好正！份量好足夠（不論係肉量定飯量），而撈飯個汁唔係好咸帶點甜甜。呢個飯係十分推介呀，我一定會再買黎食啊！🍖牛⃝ 舌⃝ 飯⃝：份量都係十分夠啊，出奇地多呀～但個飯相對上少左dd汁，令到整身有d dry。但多蔥呢一點令我加分，因為我鍾意食蔥🌿🌿🌿

最近因為疫情既關係，好多舖頭都做緊外賣自取優惠🤩 小編平時番工都會帶飯，但有時都會想食下出面既野，琴日午餐就嗌左 OPEN RICE 外賣番公司食啦～😋-💎 牛角燒肉丼 $44.3 《原價$59》（9/10）以為$44已經好平？如果嗌夠$80既話，入個code仲可以全單減$20‼️ 同多一個朋友仔一齊嗌就已經夠，計番即係$35都唔洗🤯 抵到呢🤑講番食物先🤣 一打開已經係超香～ 燒肉比想像中多，而且軟硬度係岩岩好😋 再加埋牛肉汁黎撈飯，真係好想食多碗飯😭 飯既份量唔算多，對男仔黎講可能真係會唔夠飽，但係以咁平既價錢黎講，真係已經稱得上為 平靚正‼️ 物超所值呀～ 依家冇得去日本，所以咁樣過下口癮都好啊😭

疫情之下宜家夜晚無左堂食 夜晚除左做個乖寶寶食媽媽飯之外, 就係叫返個外賣返屋企食了~ 咁岩行過牛角次男坊竟然見到佢做緊外賣75折~!! 價錢實在太吸引了吧~!!!1️⃣牛角燒肉丼 💰$59 > 💰$44.25燒肉份量都幾多, 厚度適中唔會太薄, 每一塊都燒得好香, 少部分仲燒到有d焦脆邊邊添~~ 肉質幾唔錯, 略微多左ddd根XP燒肉同飯中間放左好多芽菜同紫菜啖啖飯除左紫菜之外仲有好香既燒肉汁同燒肉香味添呀~ 係好懷念既味道T.T 太好味了~! 原諒我太耐無食燒肉了><可能價錢真係幾吸引, 排隊既人真係好多>< 最後比我發現可以網上落單XD 可以搵返上面張圖掃下個QR Code👆🏻 同埋記住預鬆ddd時間, 外賣太多所以出餐會等耐少少🤏🏻😉