牛摩+ (沙田中心) (已結業)

團購買左嚴選特級澳洲和牛放題120分鐘，試下佢嘅和牛質素如何。首先講湯底，我地揀左一個蕃茄湯底，一個昆布湯底。蕃茄湯底都有幾濃郁蕃茄味，用黎淥麵同雞肉等比較淡味嘅嘢就最啱。至於昆布湯底就十分清淡，基本上得少少咸味。我地呢個套餐係包豬，牛，雞同其他配料任食任飲，配料選擇唔少，有蔬菜，丸，腸仔，麵，仲有沙律BAR，應該有嘅都有，飲品方面仲有沙冰，芒果沙冰係好味嘅，不過長期製作中... 配料都係一般貨色啦，冇咩特別，主角和牛就有點令人失望，質素唔多平均而且牛肉都切得比較薄，搞到唔係好食到咩味。如果一次過食半叠牛，牛味就唔錯喇。比較令我地有驚喜嘅反而係豬，次次送黎嘅都咁靚，而且好有豬味，雞都唔錯呀，煮耐左都唔覺老。最後到甜品，呢度得frozen yogurt 食，而且配料好少，得兩三款脆脆仲要唔多新鮮。呢度嘅frozen yogurt係我地食過之中最難食。yogurt應該係溝左好多水，味道淡而冰感重，一啲都唔香滑，比較似雪葩，好辛苦先食完一碗..

果日我同班朋友九點幾去拎位所以就算叫12位都好快有位都唔洗點等呢到既環境非常好好乾淨裝修亦都好新淨食物器皿都好乾淨衛生食物好多元化除左打邊爐基本嘅牛，豬，丸，菜之外仲有咖喱飯，SUSHI，乳酪雪糕等等幾新穎特別價錢方面我地係9:00-9:45PM呢個SESSION入坐60分鐘任食＄98再加一幾抵食因為個個都食到好飽好滿足咁走等我介紹下D野食先牛係牛摩嘅招牌但係我覺得有D普通因為同豬相比下豬好食好多 豬骨湯好夠濃又夠甜極力推介呢款野飲 GOOD用餐時間9:45-10:45PM 因為得一個鐘要爭分奪秒 所以野食擺到成張檯都係服務方面我地當時嗌野食既情況都幾混亂不停加單又盛但服務員都將D單跟得好足冇乜點漏單最後仲醒我地一人一杯乳酪雪糕食