Niku Niku (已結業)

最近都好少出街食嘢，難得同男朋友嘅紀念日，特登搵咗呢間位於大坑嘅人隱世高質和牛燒肉店黎慶祝。呢間燒肉店係朋友推薦嘅，佢推薦我一定要嗌和牛橫膈膜厚切。平時喺其他燒肉店食過好多唔同部位嘅和牛，呢個部位的確係好少見，好有新鮮感。價錢雖然唔平但係份量都算幾多，和牛來講非常抵食。由於未試過呢個部位嘅牛肉，我哋就叫咗店員幫我哋燒，手勢非常專業，仲特登拎起塊牛肉俾我哋打卡 和牛橫膈膜唔會有極端油脂感，但又唔會太瘦，肉哋濃厚，啱曬唔想食咁肥膩既人。由於我同男朋友都想食入口即溶既和牛，店員就推介左和牛肉小排比我地。大理石紋好豐富，賣相超吸引！！店員幫我地燒得好高水準，適當嘅熟度，入口即溶。和牛薄切sukiyaki 配蛋汁亦係店員既推介，大家即管聽店員推介，因為佢地真係無介紹錯，真係好好食！和牛好薄好柔軟，配埋濃郁既蛋汁同壽喜燒汁，真係天堂既味道，無誇張！最後以牛尾湯拉麵做為晚餐既終結，個湯有濃厚嘅牛味但係又帶有清甜既味道，好解膩，啱曬燒完肉食。我真係好期待下次再黎nikuniku 燒肉！！！！！

大坑既Niku Niku坐落街角，從餐廳時尚感十足既外觀已經散發出一絲高傲嘅特質，彷彿同大坑其他餐廳與眾不同，的確Niku Niku既和牛實在頂級。上一次食Niku Niku係2017年，niku niku嘅價錢定位屬於$401-800，當時仲係一個迷途小書童，當然負擔唔起咁昂貴嘅晚餐。幸好當時係eatigo見到Niku Niku既名字出現，而且有50%拆扣😝，結果我能夠食到我認為可以作最後晚餐嘅和牛橫膈膜厚切😍。今次再次來臨Niku Niku，我既身份已經變了，從學生哥成為上班族，身邊仲多咗女朋友。今日藉着拍拖週年同女友光顧Niku Niku☺️。Niku Niku一共有兩層，我地同上次一樣坐係地下，地下有三枱，環境十分舒適。職員首先送上三款醬汁，分別是酸汁、味噌同自家調製既醬汁。- 梅酒on rock Niku Niku特選既梅酒易入口，但唔會死甜，味道更香醇，配和牛一流。- 特上和牛小排一碟有四片，職員建議燒至五成熟，甚至生食😨。和牛小排油脂分佈超平均，肉質柔嫩，而且之後既After taste好強烈，不過我更期待油脂入口即化既感覺。- 和牛尾湯麵🍜職員推介我地石頭鍋飯同和牛尾湯麵

老夫老妻多年，已習慣不在情人節正日慶祝，因為實在不想‘享用’又貴又趕又難食的情人節套餐；不過適逢今年是十週年紀念日，老公說他會安排節目，我當然也就卻之不恭啦。星期六當晚，我被老公神神秘秘地帶往大坑，走進一間門口好像貨倉一樣的餐廳，內裡的裝潢是同樣的方方正正非常平實，餐桌的數量不多，座位十分寬敞而舒適。看到餐牌後，‘今晚食乜餸’終於揭曉，老公原來都是安排了‘情人節套餐’，當中包括和牛十食(嘩！)，還有沙律，海鮮，黑毛豬以及日本赤雞，看來非常豐富，令人十分期待。等食期間，先來一壼冰涼的清酒輕酌淺嚐一下，冰鎮後清酒的辛辣度減輕了不少，入口甜甜涼涼的，飲完後一股暖意會從喉嚨位置慢慢滲至全身，舒服得很。就在我們開始飲到微醉之時，四款前菜一拼送上，由左至右分別為‘煙肉沙律’，‘牛筋伴黑薯糕汁煮’，‘和風生牛肉片’以及‘和風生拌和牛’；款款看來都相當吸引，放在一起就更是賞心悅目。其中我最喜歡的便是‘煙肉沙律’，因為我本身喜愛食菜多過食肉，這沙律啖啖都是清甜爽脆的新鮮菜蔬，再夾雜着香口的煙肉脆片，加上酸甜清爽的醬汁，簡簡單單卻是十分開胃。至於‘牛筋伴黑薯糕汁煮’，牛筋煮得腍滑又入味，不過黑薯糕似乎已煮