咖啡灣 (已結業)

朋友搬去將軍澳之後都未試過入去搵佢食飯，知道我鍾意紫薯，叫我一定要黎試呢間cafe。由於實在太肚餓，就算兩個女仔都要瘋狂order，嚇親店員，哈哈。巴拿馬火腿沙律配油醋汁 $72呢個係春季限定菜式，店員再三提醒要撈勻先好食，如果唔係乾番茄會好鹹。的確佢真係好鹹！不過同新鮮加油醋汁嘅沙律菜一齊食，其實係剛剛好，反而我無諗過巴拿馬火腿相對無咁鹹，整體係清新之餘有豐盛嘅味道。西班牙海鮮燴飯 $118好神奇，呢個海鮮燴飯竟然有濃烈咖哩味道，飯粒都幾好咬，唔會有未熟嘅部分，加上有好多大粒又唔同種類嘅海鮮，係幾豐盛嘅主菜，你亦唔會覺得佢好油膩。玫桂山雞翼 $68玫瑰、桂花同山賊味雞翼分別帶出甜香辣嘅味道，雞翼本身皮夠脆肉亦好有新鮮雞肉味，加分！三款入面窩最喜歡桂花，唔講以為係柚子雞翼，但又無柚子咁酸，食完超開胃，玫瑰都好有清新花香味，好似係原味雞翼浸在花池中，如果想食無咁heavy嘅小食，係佢啦。紫薯雪糕窩夫 $86每間窩夫都有一粒迷你紫薯，入口軟糯帶微甜，最好就係一口紫薯雪糕＋紫薯＋窩夫，咁就口感味道都兼顧到，本來以為蜜糖星星錯曬，但一齊食又加多一份脆脆口感，連埋淋上去甜而不膩嘅士多啤利同朱古力

近排在寶琳附近返工，發現新都城又大又多美食，在地鐵站一出就見到咖啡灣，一年多前在荃灣都試過，覺得環境很好，裝潢設計又少女風格，所以和住附近的朋友一起來下午茶。玫桂山雞翼是朋友最愛的，有三款不同口味，分別是黑椒味、玫瑰花蜜味、桂花蜜味，朋友喜歡黑椒味，鹹香味重，我就喜歡甜蜜滋味嘅另外兩款。櫻花蝦明太子意大利粉很重奶油味道，鋪滿木魚碎和櫻花蝦，日本和意大利風格混合，煙肉和蘑菇份量都不少，最喜歡每啖都吃到明太子。愛心窩夫的窩夫底真是十分出色，香脆得來雞蛋和牛油味很重，草莓又清甜，配合其他雪糕一起吃，真是滋味無窮，賣相出色同時都很好吃！下午茶餐優惠又好吃，可惜香港島沒有咖啡灣。