越男仔

营业中

休息中

🔸珍寶拼盤B $208🦐沙律之心蝦多士×4第一時間試蝦多士，面頭鋪滿芝麻，芝麻下面係一大舊蝦膠，非常彈牙，中間夾住半溶芝士🤤，底層係多士。其實食落唔發覺有多士，因為舊蝦膠仲厚過多士🤣，多士炸得香脆唔油膩，好味到連食兩舊😋。🐟三文魚手撕雞檬紙卷×4餐牌寫三文魚，但食落似吞拿魚😅。好特別，好食，同平時嘅檬紙卷好唔同，不過唔覺有手撕雞，檬紙比較煙韌。🦐蝦餅×2香脆彈牙，沾上枱面自家製蒜蓉辣醬惹味提升。🐓蒜蓉牛油雞翼×2香濃牛油味，不過脆漿較厚，有啲熱氣。🔸招牌豬頸肉 $79食落外皮好脆，好似腩仔咁脆🤣。應該係成塊炸完先切，因為入面一啲都唔油，好有驚喜，唔怪得係招牌，果然冇叫錯👍。🔸蒜蓉牛油雙蝦扎肉撈金邊粉 $108蝦頭炸過，唔使浪費大蝦頭嘅膏。生蝦開邊，但蝦殼係橙色，感覺外殼係熟，但蝦肉係生㗎，好特別😳，蝦肉鮮甜。🔸青檸香茅薑蜜 $38青檸香茅青新，薑蜜辛辣。🔸冰凍新鮮水果茶 $32第二杯半杯，正丫，好多菠蘿粒粒，唔太甜，普通紅茶底。比起一般越式餐廳係少貴，但食物特別，用料好足，係新派越式菜，值得嘗試。📍越男仔沙田沙田圍路1-7號勵城花園地下1號舖

今日一家人去河畔，經過見到有越南菜，大大隻字寫左其中一款我勁喜歡的菜式，原隻尤魚釀咖哩飯，便一行人入左去試下。由於時間倘早，唔需要排隊便有位，不過座低之後半個鐘左右，就爆座要排隊了。座低之後，發覺有太多的選擇，有好多菜式都未試過，而且聽個名又好想試。例如：招牌椒鹽軟殼蟹、海膽炸春卷、越式蛋包炒金邊粉、扎肉雞皮串、咖哩粉絲海鮮大脆包、燒吞拿魚柚子檬紙卷…等等，太多了，不能詳列。最後和屋企人商量過後，我們點了這些菜式。個人特別喜歡尤魚釀咖哩飯，不是很多地方會提供。而軟殼蟹沙爹粉絲大脆包也很特別。