九份飽 (淘大商場1期)

营业中

休息中

之前行過見成日有人排隊， 打算搵日試下㗎啦。 今日星期日晏咗食早餐， 所以冇食午餐， 晚餐就可以早啲去食， 大約5點去到，唔洗排隊， 食完又可以行下商場，等消化吓先返屋企。今日叫咗三個不同的刀削麵、鹽酥雞、鹽酥排骨、肉鬆蛋餅、薑母茶、珍珠奶茶，全部都對版， 又唔貴，有下次😂

行經淘大商場，見到台灣特色滿滿嘅台式餐廳，入咗去好似台灣九份一次，古色古香，滿滿嘅燈籠🏮令氛圍更好😍台灣擔仔米粉($43)- 台灣擔仔米粉都幾地道，米粉份量十足，大大份，魯肉碎香濃惹味、滷蛋鹹香綿密、爽口嘅芽菜等等，成個擔仔米粉風味十足😄玉米起司蛋餅 ($32)- 蛋餅香口薄身，配料豐富，用量十足，啖啖都食到滿滿嘅玉米同cheese，仲溶到可以拉絲，好吸引🤩涼拌牛肚 (辣) ($30)- 牛肚口感爽口，咬落幾有嚼勁，入口冰冰涼涼，加上辣辣地，幾上癮，作為夏日小食一流☺️鹽酥雞 ($38)- 鹽酥雞都係我嘅最愛之一，外脆內嫩，外表嘅油香脆口配搭埋鮮嫩多汁嘅雞肉，多重嘅口感配搭，台式菜中嘅No.1小食一流😋珍珠奶茶 ($23*2)- 食得台式菜一定要嗌杯珍珠奶茶，奶茶茶底香濃唔澀，入口香甜細滑，珍珠都好正，Q彈煙韌，互相配合，好好飲啊💕食物質素水平幾正，價錢仲要好親民，CP值超高，值得一試😆

上週末放假去咗九龍灣探朋友，佢帶咗我去佢樓下一間新開嘅台灣小店食飯，入到去裝修充滿住台灣復古味道🤤 加上嘢食價錢好實惠，拍得住台灣嘅價錢，就算而家飛唔到，都可以當去咗轉台灣咁🥰呢個擔仔米粉都幾有驚喜😳 睇佢外表平平無奇，但佢個湯底好好味，充滿住肉燥嘅味道🤩 而米粉就有別於新竹米粉嗰種腍身嘅口感，佢係比較爽口啲，似廣東米粉多啲🤣魯肉飯係我喺台式料理之中最愛之一，我哋嗌咗細細碗試下，佢魯肉嘅瘦肉比例較多，雖然食落都幾腍，但如果肥肉多返少少食落口感更正🤤 而個飯都淋滿咗魯肉汁，食落一啲都唔dry，唔覺唔覺就會食咗好多啖🤓因為唔係間間台灣餐廳都有蚵仔煎食，難得見到呢度有，當然要嗌返份啦🤣 蚵仔煎份量以呢個價錢來講都算幾多，佢個皮夠煙韌，配上蠔仔同菜同甜辣醬，味道同口感都貼近喺台灣食嘅👍🏻今次揀咗海苔肉鬆芝士味，餡料都好多下，唯獨是芝士就唔係好夠🙈 皮嘅口感似手抓餅嗰種，雖然唔係最好嘅口感，但點埋辣椒醬一齊食，幾惹味，唔錯！而呢一個都係我嘅必嗌item😍 不過可能因為我哋嗌咗半糖，個奶茶味唔算好出，偏淡少少，下次都係嗌返正常好啲🤣 而珍珠就幾煙韌幾有咬口，合格有餘呀！最後，明明食到好飽都仲係要嗌

好久沒吃過台灣食物了，這次就找了朋友一起去吃，選了在他公司附近的一間比較有名的來試試。香酥雞扒魯肉飯（４８元）這個真的是食肉獸必點的一款，炸得非常香脆多汁的大大塊雞扒，調味應該是用上鹽酥雞的口味的，所以吃起來就像跟吃鹽酥雞一樣，但又比較大塊，吃起來比較多汁，又脆又多汁！而魯肉飯也煮得非常入味，魯肉入口即化，醬汁香濃，拌飯一流！起司蛋餅（２８元）蛋餅吃起來外皮是ＱＱ的，又有蛋香，內裡還包裹住芝士，雖然只是普通的，但芝士量還不錯，芝香十足，還可以拉絲！流沙芋丸（３５元）之前計劃去台灣的時候就一直想試，怎知道原來這裡也有，就點來試試！芋丸比想像中的要大個，外面炸得非常香脆，內裡的是香芋，比普通的芋頭多了點香味，軟綿綿的，然後中間的流心是奶黃，奶香比較足，整體感覺不錯！刈包（３０元）刈包裡的五花肉如果弄得不好的話就會很難吃的，但這裡弄得挺好的，五花肉肥瘦相間，入口即化，滷味十足，吃的時候再配上酸菜就很好地中和到五花肉的油膩感，然後是鬆軟的包皮，整個配合得很不錯，愛吃五花肉的人可以試試！九份芋圓（３５元）這個芋圓的份量真的挺足的，比很多糖水店的還要好！這裡加了大量的仙草，芋圓，珍珠，豆花和紅豆，

今日去咗九龍灣shopping，行經見到呢間新開嘅台式餐廳，望落去Menu幾唔錯，所以決定買外賣返去食😋香酥排骨飯 ($45)- 排骨好大舊，望到香脆嘅表皮已經好吸引，鹹鹹香香，食到舔舔脷香酥雞扒魯肉飯 ($48)- 雞扒炸到金黃金黃，望到已經流晒口水，雞扒外皮酥脆香口，食落脆卜卜，雞肉滑嫩多汁，食得好滋味- 魯肉飯都好好味，醬汁地道，夾埋香酥雞扒一齊食一絕紅燒牛肉米粉 ($49)- 紅燒牛肉大大嚿，而且牛肉一啲都唔乾身，紅燒汁都好香濃惹味，連埋米粉索晒啲汁，好好味滷味拼盤 ($35)- 滷味嘅款式都幾多樣化，例如有豬耳、雞翼、滷蛋、牛腱同豆腐，款式好豐富，而且滷得好好，醬汁香濃，非常入味，食落好惹味珍珠奶茶 ($23)- 茶底都幾突出，而且珍珠Q彈，幾有嚼勁，甜度都適中，配台式菜一流整體來講呢間台式菜好好食，而且價錢都好親民，望到餐廳嘅內部設計都幾靚，幾有特色，遲啲睇吓有冇機會堂食，食埋其他菜式😄

今日約咗Gym buddy放工後做gym，gym房喺淘大商場附近，咁啱九份飽係淘大商場開咗分店，gym buddy又好耐冇食過台灣野，所以我哋決定試吓九份飽嘅新分店！我同朋友7點去到門口，點知餐廳已經大排長龍🤣，人氣非常旺盛。九份飽走懷舊風格，餐廳每個角落都掛上舊式招牌，包括電髮院、戲院、照相館等等📷天花亦舖滿紅色燈籠🏮- 懷舊魯肉飯肉粒肥瘦均勻，而且切得好大粒，食落鹹中帶甜，而且醬汁夠多，每一啖飯都唔駛乾淨淨。另外配上一片醃蘿蔔，酸酸甜甜兼解膩。- 肉鬆起司蛋餅餅皮煙煙韌韌，蛋同餅皮煎得好貼合，入面嘅芝士呈半溶狀態，加上香甜肉鬆，真係食到停唔到，如果每朝起身都食到蛋餅就正啦😫- 滷味拼盤拼盤有豆腐、雞翼、雞蛋、豬耳等，味道唔會太甜，每款滷味都好入味。- 鹽酥雞香脆外皮下肉質非常嫩滑多汁，調味恰到好處，唔會過鹹。叫咗滷肉飯再加$10就可以有一杯蜂蜜檸檬。而我叫左珍珠奶茶。九份飽嘅珍珠奶茶味道亦唔錯，珍珠有咬口，甜度適中。以後每一次做gym之前都要嚟九份飽食返個滷肉飯先😍

今日和朋友往九龍灣在份飽食台灣菜, 我們點了香酥雞扒魯肉飯, 香燥雞扒肉燥面、酥炸花枝丸、滷味拼盤、珍珠奶茶和芋頭牛奶。香酥雞扒魯肉飯雞扒熱辣辣, 肉質鮮嫩啖啖肉, 口感十足, 魯肉飯飯粒軟綿, 魯肉肉質鮮甜味美,口感十足, 整碗香酥雞扒魯肉飯食落美味, 口感豐富；酥炸花枝丸炸得金黃, 食落有彈牙有鹽酥香味, 食落惹味；滷味拼盤有豆腐, 雞翼、朱耳、蛋和牛展, 牛展食落軟腍, 豆腐鎖上滷水汁, 食落香甜；最後珍珠奶茶我選了少甜, 珍珠奶茶奶茶茶味香濃, 奶味香滑, 珍珠大小適中, 甜度適中。餐廳裝修是五六十年代台灣, 很有古早風, 餐廳食物美味份量十足, 價錢合理, 食了一頓高質美味台灣菜。