春水堂 (香港西九龍站)

营业中

休息中

春水堂開業之今一直都未去試飲因為位置上唔方便好地地行街唔會行左去高鐵站幫襯春水堂😂.今次新年回鄉探親轉坐高鐵🚄就算幾趕時間都不忘買返杯係高鐵上慢慢嘆.（比起飲 Starbucks 更喜歡飲台式飲品😊一黎可以揀甜度 二來更多茶類飲品揀）.當時係早上10點正一去到春水堂係無客既 唔需要排隊（開心🥳）因為趕住搭車😂.買左兩杯珍珠奶茶試試佢$27蚊杯.珍珠size 同軟硬都適中奶茶叫左少甜少冰 係岩口味啦好怕飲野好飲到好似飲糖水咁甜.硬件： 珍珠奶茶幾好飲 下次經過會再幫襯軟件：d staff 就係典型木口木面（可能太早？或者對慣大陸客？）不過做野效率好 野飲好快到 真係做野👍🏻👍🏻抵讚唔似有時去到d台飲鋪頭佢地無咩客時會好公開拎電話出黎玩或者掛住傾計玩都唔沖你杯野飲🧐.整體而言： 會再飲👍🏻後記： 過關時有一刻擔心過野飲會唔會過唔到關😂以為自己去左機場啊 答案係無問題既😊.新一年祝大家新年快樂 日日食好西 食極唔肥啊😆🧧🧨

同屋企人坐高鐡回鄉祭祖，响高鐡站食咗個快閃午餐之後，仲有成個鐘先至夠鐘過關上車，响站內四圍行，又不時影吓相，突然見到一個搶眼嘅名字 "春 水 堂"！記起哥哥提過呢間台灣珍珠奶茶鼻祖，見無咩人排隊，立馬買杯珍珠奶茶試試，食完飯之後飲返杯奶茶是常識吧。差不多等了約五至六分鐘就有得攞喇，呷一啖......奶味濃滑又有茶香，好飲！飲管比平常的尺寸幼一點，可能因為內裡的珍珠也比較細小，但係口感又煙煙韌韌非常過癮，珍珠份量又唔會太少，份量比例剛剛好，好快就飲曬嘞。

香港西九龙高铁站有一间，之前响台湾的时候饮过真系觉得好惊艳，可惜香港的杯装只有一种，无分大中小，觉得唔够喉，珍珠好弹牙，奶茶味道唔错，珍珠系比较细粒的，台湾叫大的珍珠做波霸，小的叫粉圆，都可以统称为珍珠，仲睇到其他的饮品都好想试，可惜胃只有一个

被譽為台灣珍珠奶茶既始祖「春水堂」係香港開張,不過第一間分店選址就隔涉左少少，係新建既西九龍高鐵站入面，對想飲既人但又唔會係呢一頭返工、返學既人黎講，只可以放假/週末特登過黎飲。飲品店環境以一間係高鐵站入面既外帶台式飲品店黎講店面都唔細，而用色好實在、樸素，比到人一種以飲品而唔係裝修討你歡喜既形象飲品選擇較傳統既選擇，唔係打GIMMICK/新口味，要用最正宗最元祖既珍珠奶茶做賣點。珍珠奶茶　$27(冷)當然係要試佢招牌中既招牌，最傳統既珍珠奶茶。本身冇乜期望，覺得都會係普通一杯珍珠奶茶，估唔到有驚喜。第一啖入口，茶味濃郁，隨後奶味又充斥係口中，口感綿密，原來因為有搖茶既步驟，搖過既奶茶層次更好飲，更加一度令我覺得係用鮮奶沖，因為質感較厚身，唔似用奶精，而珍珠係粉圓，所以比較細粒，加上係用天然蔗糖，唔會太甜，雖然佢都唔係用上鮮奶，但能夠做到好似用鮮奶沖既奶茶味道確係厲害，佢既奶同埋茶比例仲有啲似港式茶餐廳奶茶既味道，如果你中意飲港式茶餐廳既奶茶，相信呢杯都會岩你口味。不過等既時間耐啲，買既時候冇人排隊，但杯野飲都等左5-7分鐘左加，比較慢。本身冇期待過會好飲，因為珍珠奶茶實在做到成行成市

珍珠奶茶始祖終於開到黎香港，黎開西九站緊係要黎試下啦！之前係台灣飲過仲上埋佢地個diy班學整，所以好想再飲一次。叫了少冰少甜,覺得仲係有少少甜，不過我係中意冇咁甜的,茶味好香，珍珠依舊好有咬口好煙un!帶有D甜味。佢既特色就係d細珍珠，一啖滿滿一口好滿足！

假日沒事幹就睇下香港引以為傲交通公具【高鐵】當伯伯都識得慳車錢慳時間唔係香港搭嘅時候，你還會搭嗎?雖然冇坐到高鐵，但係見到春水堂招牌後決定入去試一試。春水堂設於站外，號稱為世界珍珠奶茶發源地，所以點都要買一杯。買左杯醇奶茶系列下的珍珠奶茶。店舖強調每一杯都係用心製作，所以客人等候時間會比較長。大約半小時後，珍珠奶茶終於到手啦!珍珠奶茶(少冰少甜)$27飲落明顯感到奶香，而茶味不太濃。珍珠偏細粒，但略嚴太細所以咬感不足。不過飲到後期，碎冰會沿飲筒而上，入口難而分出珍珠定碎冰，扣分。整體一般，奶茶比較細杯而價錢相對較貴。

很多年前去台灣旅行飲過春水堂珍珠奶茶。印象係好大杯。今日係為左春水堂而去西九龍高鐵站。無位坐。排好耐隊,啲人都比較新手。可能新開緣故。茶底都可以，可是珍珠比較細粒。不過27蚊係呢啲地方買還可以接受。

上網見到D人話春水堂係西九龍站開左香港第一間分店，作為珍奶粉絲既我當然要去試下啦。本身知道間野咁出名，話係珍奶始祖，之前係台灣飲過都覺得幾正，自然對香港分店都有些少期望，好彩結果令我相當滿意!杯珍珠奶茶，茶香味十分突出，第一啖已經飲到好香茶味，堅正! 而且佢飲落吾算好甜，比起其他牌子少甜好多。加上佢D珍珠好好咬，細細粒又軟軟綿綿咁好正。總結而言，成杯珍珠奶茶水準十分之高，茶味香濃突出，甜度岩岩好，口感幼滑，質素黎講同台灣一模一樣，$27抵飲既。希望佢可以一直keep住啦!