蠔站 (亮賢居)

营业中

休息中

相信好多人黎食都係為生蠔🦪啦，所以頭盤一定係佢10$/隻加拿大海膽，En....日本嘅好食啲🤣🤣，加拿大嘅肥啲，見仁見智啦再Encore生蠔，叫佐半打貴少少嘅，分別係美國同紐西蘭，好瘦，味道口感唔係咁值，相反特價生蠔抵食好多軟殼蟹扁意粉 $158不錯，第二次食，軟殼蟹好香口，扁意粉有鹹蛋香，好正德國豬手$278呢個價錢算抵，建議三至四人以上，好大份，味道都可以，薯角炸得好好食😋

最近身邊朋友幫襯過呢間做緊生蠔優惠嘅餐廳，睇佢啲相搞到我個心囉囉攣，之後忍唔住過嚟探生蠔BB🤣🤣本來聽朋友講$10一隻生蠔都有啲唔係好相信，我諗$10生蠔貨色應該麻麻地，點知嚟到真係好驚喜😌😙😋啲生蠔好新鮮，質素一啲都唔差，真心推介一定要嚟食生蠔$10隻好抵👍🏻 我地2個人食左2打，都只係$140，平時係d超市買，價錢都唔止啦。之後叫左🦀餅& 波士頓龍蝦長通粉，真心推介⭐️ 呢度既蟹餅，好鮮甜，唔似出邊嗰啲溝左麵粉去整，呢間餐廳真係好有水準😌💗波士頓龍蝦長通粉長通粉煮得唔夠軟身，龍蝦汁就幾好味兩個都係我嘅至愛💗💗 真係好滿足😙好幸福😌我係openrice book枱，成張單有八五折優惠，好抵食‼️

嘻嘻🤭上網睇佢地又有新搞作，身份證號碼加生日有「1」「9」就有Discount，岩岩好朋友計過可以有7折，而且逢星期二有著數，即刻openrice訂位先。點知～原來openrice訂位一樣有7折😂唔使對身分證。星期二會有$199/8隻唔同地區生蠔，當中包括Gillardeau，仲跟埋一杯紅/白酒添，雖然佢加一係用原價計，即係$240/8隻，但都好抵呀😍一樣佢地會放到靚一靚，講我地知由邊隻開始食，邊度最清，邊隻開始濃味，邊隻係咩國家，口感味道會係點。一路聽已經一路流梗口水，到食落口個下，發覺同佢講嘅一樣，🤤🤤🤤好正。佢地啲蠔好新鮮，啲味好突出而且我鍾意佢起晒啲肉出黎，食起上黎方便好多。另外都叫左10蚊蠔，今次係法國嘅，細細隻，少少海水咸味，蠔味都好夠，我鍾意👍🏻👍🏻今次試埋個Ham with melon，但用黎傾計送酒都唔錯。依個我每次都會叫，鍾意佢夠香夠脆，個個朋友食完都話正👍🏻👍🏻👍🏻平時次次都會食扒，今次試下豬手。啲皮的確好脆，夠香口，肉質唔會炸到好乾，雖然我自己比較鐘意食軟淋淋嘅豬皮多啲，但朋友食野飲酒的話，依個都係唔錯嘅選擇👍🏻另外值得提下佢個醬：蜜糖芥末子醬，好似有少少花香味

睇左近排Facebook 瘋傳的10蚊任食生蠔，早3日就打電話預訂大角嘴諗住喪隊生蠔。一嚟到門面已經好鐘意，環境舒適又乾淨。一坐底餐牌都未睇，緊係問侍應嗌蠔有無限制先啦，下？無限制？點嗌都得？唔係呀化？waiter哥哥仲好好服務咁話:不如我幫你地落左生蠔先，你地食住點菜，慢慢諗！唔好講笑，今時今日咁既服務態度點搵到呀？我諗住喪砌10蚊生蠔咋喎，你咁好態度，我點都叫多幾多菜啦，首先叫住12隻試下貨先。開頭果盤海水味好重，有啲鹹，都細隻但又未去到無肉既，不過都幾新鮮，鐘意海水味可能ok，但我就一般。。但食完真係未夠喉。咁點？嚟多打啦，第二盤明顯無咁鹹，而且比第一盤大隻肥仔啲。到第三盤一嚟到嘩。。。巨過我隻手指公呀，我地一共食左3打蠔(P.S五人中有兩個唔食蠔)其實第三盤有一隻有臭味，我朋友咬左一啖放左埋一邊，收枱時waiter哥哥見到，好貼心咁問左句係咪壞，我地答係佢即刻叫師傅開多隻俾我地雖然我地真係好飽，但最終都share埋最後一隻。食生蠔點唔配白酒？我地叫左支價值278蚊既Australia Sauvignon Blanc，易入口又好飲！贊！其實第一盤過後，我地點左一份18安士牛扒，7

朋友有coupon特登搭的士黎食。今次叫左加拿大海膽，海膽好大塊夾起唔會爛，好新鮮，好濃嘅海水味，一啲都唔腥，海膽味十足。生蠔一打12隻，四個品種，可以自由選擇。蠔吧入邊有成十幾款，有幾款法國蠔價錢比較貴就要補差價。我哋揀咗美國、澳洲、南非同埋愛爾蘭嘅蠔，全部都唔使補差價。全部都係即開即食，好新鮮，有蠔味，有海水味最好食係南非嘅品種，好特別大隻得嚟好爽滑。主菜叫咗三個，第一個係白酒煮青口，酒味十足，個汁好creamy，青口都好大隻但份量唔太多，三百幾蚊有啲貴。煎牛扒係一個驚喜，價錢係一般西餐廳嘅價錢但質素就好好。牛肉有好香好香好香（好重要所以講三次）口感一流。蘑菇意大利飯係我食過第三好食嘅意大利飯（第一好食嗰間餐廳已經執咗，第二好食果個大廚係我老公）。蘑菇切到好細粒，融入左意大利飯當中。意大利飯煮到剛剛好，煙煙韌韌唔會好似粥甘。至於個汁，好杰身，份量剛剛好覆蓋成個意大利飯。每一啖都好滿足，每一粒飯都比個汁重重咁包圍住。好食真係好好食，但扣除＄300 coupon，每人都要＄500，地區係平價民居附近地鋪，抵唔抵食就見仁見智啦！