滿記甜品 (朗豪坊)

营业中

休息中

今次黎到滿記甜品, 點了一碗白雪黑珍珠 ($27):材料好多樣化,裡面有香蕉, 桂圓肉, 芒果, 亞塔子同黑珍珠。Out of 咁多樣野, 我最鐘意既竟然係桂圓肉!因為味道好清甜, 而且有咬口。芒果酸酸甜甜, 配好滑既黑珍珠, 幾好食。至於亞塔子呢.....因為我第一次食, 覺得味道怪怪的...最特別就係那個雲呢拿汁, 因為雲呢拿味好香,加上係冰 with vanilla ice-cream, 令成碗糖水夠冰凍。唯一美中不足既係, 我覺得滿記甜品既湯匙稍微有點大,食既時候, 有點唔方便....

星期五同一班舊同學食朗豪坊食完晚飯後,因為傾到慶起,所以就再搵個地方再傾過,唔使諗實會嚟呢度架啦.一行四人嚟到,其實都差唔多十一點但好鬼多人在等位,要等七張枱左右啦,仕應先俾張落單紙你睇住想食咩先,三個朋友都已諗好晒,還久一個有選擇困難的我未諗到,一路睇下傾下就已有位了,都幾快喎,入到裏面佢地三個都已叫晒,但我還沒有諗到想食咩,情急之下就叫左一個楊枝甘露涼粉啦,佢地三個叫左一個白雪黑珍珠,一個紅豆沙加湯丸,一個西瓜西米露啦.糖水都好快就嚟架,西瓜西米露係西瓜汁底所以成碗都係紅色架,白雪黑珍珠則係千眼嚟架加一些龍眼肉,椰果,香蕉及芒菓,賣相都好靚喎,我諗味道都應該唔錯呀.我的楊枝甘露涼粉個樣雖然唔太吸引,但味道都幾好呀,凍冰冰好消暑呀,都好多芒果粒架,涼粉都切到適中size,柚子唔會太酸,酸酸甜甜咁好味喎

每次去滿記....都唔使睇MENU....因為一直對白雪黑珍珠情有獨鍾...除左主角黑珍珠仲有芒果..香蕉粒...海底椰...圓肉...配料十足不過最特別都係個冰底.....類似忌廉冰....每啖都好似食雪糕咁.....炎炎夏日......絕對係消暑佳品