六両三

营业中

休息中

🍜🥢🥣主打台灣牛肉麵小店▫️QR code落單🆗 三寶牛肉麵 （川味紅燒湯底）- $95呢碗價錢較貴，但有齊晒牛腱、牛肋條、牛筋，全部都煮得好淋，好易咬，份量都算多，每款都有三件。唯湯底較淡，有少少藥材味。同埋麵條好似烏冬甘粗，卻冇烏冬咁彈牙，可能台灣麵係咁。湯底裏面嘅油麥菜就幾好食，新鮮翠綠，而且爽口。🆗麻辣鴨血豆腐 - $48 + 冬粉及紅燒湯 $15鴨血有4大件，都幾滑，而豆腐係好索汁嘅蜂巢豆腐，呢個辣度是固定的，真係好辣，食到譚仔三小辣以上嘅人先好試。冬粉就好似粉絲咁，好索汁。🆗百頁豆腐（半份）-$8半份有2件，少少彈牙似魚腐，嗰醬好似甜醬。☑️ 白桃烏龍茶 - $10幾好飲，入面有個茶包，應該冷泡左一段時間，所以濃味，白桃及烏龍味都出。

去到尖沙咀想食台灣野，見到呢間小店好多人推介就試試🤪餐廳裝潢好古色古香，全木系嘅設計。不過位與位都幾狹窄，食嘅時候已被人撞過幾次😂價錢算親民，款式選擇唔算多，不過大家都係食個幾款～ 🔸 麻醬麵（HK$50）因為唔太想食肉，就叫左款寡啲嘅款🤣呢款拌麵有花生醬同麻辣醬，麻辣味比較重，加上青瓜絲食到後期都唔會太單調😀🔸滷肉拌麵（HK$46）呢碗拌麵上面就有好多滷肉，肥肉偏多，滷肉好入味😁不過食到後期就有少少鹹～🔸百頁豆腐 （HK$25）小食方面呢度冇咩炸物，試咗呢款百頁豆腐，喺台灣好鍾意食😍熱辣辣配上特製醬汁，好有古早味

餐廳不大，下午時段要排隊入座，餐廳內裝修很有台灣風味，木枱木櫈。大熱天時點了一個涼拌菜百頁豆腐，豆腐豆味濃，皮蛋流心，麻醬味香濃，木魚絲及蔥花香口。牛筋牛肋條麵，牛肉湯清甜，肉味香濃，牛肉軟腍，牛筋腍滑有口感，麵條煙韌。滷肉拌麵，滷肉半肥瘦，麵條煙韌，芽菜清爽有助去油膩感。

要喺香港食到地道同古早味嘅台式菜地方唔多台式料理比人一種獨特嘅古色古香味香料同醬汁絕對影響台灣菜嘅特色 呢間店又🧐📔黃店 六両三@尖沙咀 5/8罷市 捐款比星火 派文宣———————————————————1.紅燒牛肉麵🐮🍜牛肉夠厚 唔老 但唔夠入味 湯鹹同油左少少 麵略腍🤔2.滷肉飯🐷🍛半肥半瘦嘅滷肉 夠味 滷汁多少少仲好 不算太特別😬3.滷水溏心蛋🥚滑溜溜 溏心位做到 唔錯😀4.甜不辣🐟🥠魚肉有鮮甜味 醬汁嘅配搭亦為甜不辣加分😋5.百頁豆腐🥛同一個醬汁配滑溜嘅豆腐亦都十分唔錯 豆味十足👍🏾6.涼拌小黃瓜🥒小黃瓜夠爽口 但調味上相對普通 就係醋加少少醬油🧐.📒✍🏾整體分數: 6.5/10 🤓⛅️

#中意嘅請分享請點讚🍻----------💛#黃店💛5/8, 13/11罷工💛20/10為遊行人土免費提供礦泉水及冬瓜茶💛11/11一半收入不扣除成本捐星火💛合作設計香港聖誕卡,免費派發----------🍚滷肉飯 小$18 大$28大碗睇落好細碗但食落都好飽，滷肉肥瘦適中，撈飯一流。-😋百頁豆腐 $254件百頁豆腐好實心好飽肚，而且好香豆味、好香滷水汁，面頭再加微辣嘅甜酸汁更開胃。建議share食，因為食哂4件會好濟🤣。----------🔎六両三🚩尖沙咀宜昌街3號地下

行經尖沙咀，見到這間小店，全木裝修好有台灣feel，一打開門，已經聞到陣陣湯味，原來是台式牛肉麵專門，才中午十一時半左右，已經有如此濃烈的湯味，一定要是他的牛肉麵。川味紅燒牛筋麵，牛筋又粗又長，非常諗，勁入味，幼麵條好滑，湯底好香但不算辣，無論麵或牛筋都非常夠份量。川味紅燒牛腱牛肋條麵，牛腱帶有少許牛筋，口感一流，而牛肋條勁濃郁牛味，又夠諗，湯底如果可以多些就更好，因為全部被我喝清。午飯時間，可以加$18配少食及飲品，我揀了百頁豆腐及冬瓜茶，第一次食百頁豆腐，原來挺彈牙的，很有趣。再加$15配一份滷豬腳，超值呀，豬腳非常諗，又入味。店員全部是年輕人，無論落單、上菜、清理都好有禮貌，非常滿足的午餐，下次要試他的滷肉飯，因為隔離熟客一個人order 了兩份，肯定非常好味。

行經呢間鋪頭見到佢嘅裝修好復古，有少少似日式嘅風格，原本以為係食一間日本野，點知原來係食台灣菜。小妹都好耐冇食台灣菜，於是入去幫襯下。食得台灣菜梗係要食牛肉麵啦，佢呢度嘅牛肉麵種類都幾多下，主要係嗰啲牛肉部份有好多唔同嘅配搭。俾個餐牌大家參考吓：我哋嗌咗個百頁豆腐做餐前小食。佢叫就叫豆腐，但其實質地似一舊魚糕咁，好實淨，配埋佢嗰個甜不辣醬，又幾夾喎。例牌食台灣菜我都會食佢哋嘅滷肉飯，呢度嘅滷肉飯令我喜出望外，坊間嘅滷肉飯一般都會好容易食幾啖就會滯，但係呢間嘅滷肉飯唔知係因為個飯定係個滷肉汁嘅原因，真係有種越食越想食嘅感覺，唔係老吹，係真係食到唔停口！！仲要佢碗底都有滷肉汁㗎，唔使驚食到一半要食白飯～正到！川味紅燒牛肉麵：個面湯底好濃味，見到餐牌寫話係冇落味精用骨熬㗎。牛肉嘅份量都好多，有成四大舊。牛肉嘅咬口好軟腍，仲好入味。麵嘅話建議大家揀粗面，因為粗面嘅咬口好煙韌，配埋個軟腍嘅牛肉，味道同口感都一流！朋友揀左川味紅燒三寶牛肉麵，佢話三種牛嘅口感都好唔同，但全部都好入味，個湯底仲要辣辣地，表示好正～總括嚟講，台灣菜我就唔係經常食，但真係第一次食到一間我覺得一定會再黎嘅台灣菜鋪頭。仲要價

黎到尖沙咀行街，今晚好想食滷肉飯同台式小食，上網搵左一陣就鎖定呢間人氣台式餐廳 - 六両三。選用木椅木枱，裝潢好有特色好精緻，枱底有掛勾方便掛袋。餐廳有多款牛肉麵、牛肉切盤、台式小吃等，選擇都頗多，而且價錢相宜，性價比高！滷肉拌麵HK$46麵條口感Q彈，滷肉具嚼勁，醬汁又香又濃，十分開胃，簡簡單單的拌麵，卻令人回味無窮！滷肉飯HK$28 滷肉份量頗多，未食已聞到濃濃的滷肉香，滷肉入口軟腍，香口而不油膩，而且珍珠米入口煙韌，正！滷水溏心蛋HK$16，蛋黃半生不熟，口感軟嫩！百頁豆腐HK$25比一般豆腐口感更為Q彈綿密、紮實，讓人一口接著一口吃不停！燙青菜滷肉汁HK$26油麥菜份量十分多，新鮮爽脆，配上香甜滷肉汁，健康又滋味！皮蛋豆腐HK$38香甜軟綿的皮蛋配以清涼嫩滑的硬豆腐，淋上台式醬汁及木魚碎，開胃又消滯，冰冰涼涼的口感特別適合夏天食！冬瓜茶HK$18冬瓜茶有助消暑解毒，味道不會過甜，甜度剛好。兩人埋單剛好二百元左右，抵食又好味，值得推介！

行經尖嘴鬧市，見到一間裝修別緻的小店，係小清新既氣息，有別于周圍的大商場食店，價錢也不貴，就想試下。店鋪應該係主打牛肉緬，當然系要試既。點解標題我話系“真正天然”，因為食完碗緬之後，（我當時因為氣管不適無叫飲品），系完全無口渴既感覺！所以應該無咩放味精。平時出去食野，有幾惹味，翻到屋企就有幾口渴。哩個緬湯底都濃，但就完全無口渴~川味紅燒牛肉麵（$75）我揀既系牛肉麵。首先肯定要呷一啖湯，味道香濃又唔會膩，頭先提過，之後系完全唔會口渴。牛肉燜得好入味，肉入面都系上到色既，係有熬煮一段時間。另外，幼緬都記彈牙既。我最鐘意混埋香蔥一起食。下次食既時候，我要點粗麵同埋多蔥試下先！川味紅燒牛肋條麵（$80）朋友點做牛肋條緬，應該系一樣幾湯底。佢俾左舊牛我試，我覺得牛肋條好食過牛肉，佢中間系有D筋既，軟軟糯糯，我下次都點哩個算了。同樣，佢都鐘意D緬百頁豆腐（$25）哩個豆腐比較實凈，其實個口感更似魚皮頭。沾上哩個醬，有少少似滷肉飯既汁，又有少少酸既醬，都配合得幾好，味道同口感都比較特別，推薦~豆腐咬開系好實凈既冬瓜檸檬茶（$23）鋪頭好細心咁擺做橡筋俾長髮女仔扎好頭髮食緬。整體來講，牛肉麺真係好好

今天晚上選了這間好地道又抵食的台灣菜，好受歡迎的台式料理。地方都幾方便。雖然唔算大地方，但乾淨整齊，以淺色的木材選材，好簡潔的設計。牆上更有彩色蝴蝶的掛飾，簡單而美麗，更貼心為客人放袋子而製作了不同位置的掛勾！滿滿的客人，坐滿了餐廳，這邊的燈光好舒服有家庭感。開放廚房掛著一個個寫著台式菜餚的燈籠，好特別的設計。台灣音樂播放著，好聽感覺好！1. 百頁豆腐一份4件、醬汁甜甜的、豆腐入味彈牙又不失香滑！2. 涼拌小黃瓜喜歡小黃瓜的爽脆，又涼快的又香口的，酸酸咸咸的味道3. 滷肉飯大碗又抵食、魯肉香軟、肥瘦剛好又唔油膩、吸了醬汁的飯香軟、上面有片黃蘿蔔好爽好口感4. 川味紅燒三寶麵三寶包括了金錢腱、牛筋及牛肋條，金錢腱好軟腍好軟筋、牛筋好軟好入味、牛肋條香口好滑，不同口感不同軟腍感配合得好好、麵條好多份量又多，配上油墨菜，入味湯汁無味精唔咸又好飲更有微微辣味的口感5. 凍檸檬冬瓜茶4片檸檬的酸配上冬瓜茶甜甜的，好涼涼的

今日約咗朋友在尖沙咀做facial，做完之後plan咗去吃韓燒，正當我地行去搵食嘅時候，突然朋友嘅boy friend 打電話畀佢，於是一個電話就把朋友撬走，只好嘆一句「重色輕友」。無法啦，得番一個人，唯有自己在附近逛逛搵食啦。唔想去商場d食肆，又唔想去food court，於是就係尖沙咀嘅橫街小巷左穿右插，忽然見到一間裝修古樸的台式麵店，門前仲有好多人排隊添，心諗應該差極有譜啦，反正有時間就去排埋一份。真係幸運指數爆燈呀，前面排隊嘅都係三五成群，只有我係一枝公，啱啱店內仲有一張兩人枱的吉位，於是等咗幾分鐘就可以入座，有食神啊！店內面積雖然不是很大，但裝修雅緻，座位安排唔迫夾之餘，而且仲好整潔，店主還在牆上安裝不少掛鈎，方便客人將物品掛起，咁就坐得更加舒服啦，真係好細心啊！採用開放式的廚房，前面有吧枱位可看到廚師煮食嘅過程，下次再嚟一定要坐。看到點餐紙上「台式小吃」有成10款咁多，其實樣樣都想試，不過今日只得一個人，就先點4款嚟試吓先。涼拌小黃瓜黃瓜咬落爽脆，醋味濃，酸酸地，非常開胃，而且有很多蒜粒，充滿蒜味，正！滷水溏心蛋半凝固的蛋黃加上嫩滑的蛋白，還帶有淡淡的滷水鹹香，空口食或拌麵

台式餐廳這兩三年在香港大行其道，風風火火，台式飲品店開到成行成市，台式火鍋，台式麵店也是。 今次食呢一間係某飲食雜誌介紹， 見佢menu太貴精不貴多，主打牛肉麵 ，滷肉飯。 牛肉麵唔貴，滷肉飯更加係街坊價。店主居港的台灣基隆人， 但為咗開鋪 佢都特地回台灣陽明山麵店學師，主打是湯底冇加味精，由牛骨，香科，藥材炒製而成，落足心機時間。去到見到店面不大， 有小日式居酒屋風格， 餐單亦只有一頁紙，簡簡單單。我們叫了碗川味紅燒牛筋細麵， 一碗川味紅燒牛三寶粗麵， 溏心蛋， 百頁豆腐紅燒牛筋麵 ，細麵非常幼滑， 湯底清甜 有淡淡嘅藥材味，雖叫川味但並不辣 ， 牛筋很多，很入味。川味紅燒牛三寶粗麵，三寶為牛腱，牛筋，牛筋條，牛筋條似是牛筋腩，肉中帶筋，牛味重，非常美味。粗麵比幼麵彈牙，傳統上亦更多用於配搭牛肉麵。溏心蛋見有評價話太鹹，我覺得就配面，或飯就剛剛好，半熟鹵蛋對我來太吸引，自己獨。吞了。百頁豆腐係豆腐加壓再切成片，片狀中見到干絲，因為有多層干絲，很吸味，所以只加了一點滷水汁就足夠。總括黎講性價比高，抵食。

喺門外見到呢間餐廳可能會以為佢係日本餐廳，但其實呢度係專做台灣地道菜嘅！一身木色打扮同傢俬都滲透出一陣台灣古早味～店內可以見到師傅嘅煮食過程，見師傅好認真仔細，每次都會量過麵條重量再煮。牆壁上嘅毛筆字寫咗師傅嘅宗旨 — 唔用味精！見到呢句都食得放心啲喇。果然係主打牛肉湯底，牛肉麵有好幾款嘅選擇，另有啲台式小食。皮蛋豆腐冰涼清爽，上面加咗整半個皮蛋，再撈埋啲木魚絲同豉油膏，啱哂夏天熱辣辣食又開胃～百頁豆腐同我想像中有啲唔同，但質感都唔錯，清清哋配甜醬又幾好喎。湯底應該熬咗好耐，散發出清甜嘅牛肉味，但又唔會太濃而遮蓋牛肉味。牛肉同牛筋都唔少，牛筋比較軟熟，反而少咗啲彈牙感，牛肉嘅質感幾好，幾入味～蔥油麵嘅油份量控制得好，唔會食到好膩但麵條又唔會好乾，惟肉碎比較少。