阿元來了 (北街)

营业中

休息中

放工去完游水，就過黎阿元來了食野，難得唔使等位，好快就入左去坐😋我地叫左個皮蛋豆腐，蚵仔大腸麵線，香腸芝士蛋餅同埋一碗出名嘅阿元魯肉飯😝話咁快皮蛋豆腐就到左，唔好睇佢個樣麻麻地，呢個小食真係十！分！好！味！！如果你鍾意食皮蛋嘅話就一定要試下，濃郁嘅皮蛋味加埋豆腐原來係好夾，10分滿分我真係比100分！！朋友嗌嘅魯肉飯，我覺得佢啲魯肉嘅脂肪同肉嘅比例係十分之好，撈埋飯食十分之一流😛差唔多同時間我碗蚵仔大腸麵線都到左，望落都幾足料，食落蚵仔同麵線配搭得十分之好，蚵仔幾新鮮，食落一啲都唔腥，大腸亦都炆得好腍，加埋芫茜食落好fresh，整體黎講都幾高分👍🏻另外我地仲叫左杯奶茶，但埋單都係200蚊都唔使，十分抵食😸同價位嘅台灣菜我都排呢間排得幾高😼😼

未搬舖之前已經想試,但係一直少去西營盤,今次突燈去食吓,主食叫左個阿元魯肉飯,味道偏向清淡,魯肉唔夠腍，可能係脂肪較少,對比起台灣食到既魯肉飯黎講好似少左份油香,至於台南擔仔麵覺得似食緊車仔麵湯底都偏淡(可能我食開濃味).到小食上菜果陣,反而有啲驚喜。佢個皮蛋豆腐同鹽酥雞都有中上水準,皮蛋豆腐外觀真係嚇一跳一開頭以為上左兜生既鯪魚肉(個樣係怪d),不過食落佢皮蛋同豆腐都整到好融合,皮蛋同豆腐香味都好出,唯一缺點係細碟d鹽酥雞呢個食台灣野必點既小食好彩無令我失望,佢新鮮炸好,唔會太鹹之餘仲幾嫩滑幾juicy.飲品就兩款偏甜百香果綠茶等佢溶冰都好少少芝士奶蓋綠茶無乜芝士味（呢個真係得奶味)