炊燒

营业中

休息中

渣甸街一帶有多間價廉物美的特色小店，是寸金尺土的銅鑼灣中最划算的，其中這間新開的串燒店充滿人氣，晚市一早便滿座要排隊。串燒即叫即燒，可選小、中及大辣，惹味得令人垂涎三尺。燒雞中翼 - $18/1雞翼塗上一層香甜的蜜糖，撒滿惹味的孜然粉和少少白芝麻，有少少微辣，咬開雪白的雞肉嫩滑多汁。孜雞肉串 - $18/1整串肥美肉厚的嫩滑雞腿肉好多汁。滋味雞軟骨 - $24/2大大粒雞軟骨好爽脆帶微微油香。薄切燒牛舌 - $48/1一片片薄切的牛舌軟嫩多汁，略帶嚼勁，頗有風味。鹽燒一口牛 - $48/1一粒粒牛柳肉軟腍多汁，簡單的鹽和孜然粉已帶出濃厚牛味。爆漿芝士腸 - $24/1酥脆的芝士腸咬開爆出芝士，還撒滿鹹香的芝士粉。蒜香燒生蠔 - $38/1超大隻生蠔，拆出肥美肉厚的蠔肉好鮮甜多汁，蒜蓉、蔥花和辣椒再提鮮。蒜蓉大茄子 - $38/1大大根茄子肉厚多汁，塗上一層厚厚的蒜蓉醬，茄子肉好嫩滑軟糯。一口番薯仔 - $15/1細細粒的蕃薯仔肉質較一般大的更細膩，質感又軟又甜。經典台灣腸 - $24/2肥瘦適中的台灣腸外酥內嫩，帶陣陣香料味。錫紙娃娃菜 - $38/1整棵拆開一片片的娃娃菜脆嫩鮮甜，錫

銅鑼灣新開嘅川式串燒小店，主打多款肉類、海鮮、蔬菜類串燒，仲有錫紙燒烤同甜品小食等-👍🏻蒜香燒生蠔 $38/隻、$199/半打即叫即燒，上枱時仲見到泡泡出哂煙🔥蠔冇腥味，size都算肥美，鋪滿蒜蓉、蔥花同辣椒粒幾鍾意啲蒜蓉燒得夠熟夠香，蒜味唔會蓋過晒蠔味😙-👍🏻猛男豬頸肉 $18/串咁多款串燒呢個最好食！其實係豬頸肉但menu寫錯做豬頭肉😂表面焦脆，咬落爽口又爆油，油香十足超正🤤！建議可以走孜然，店員會另比一樽孜然粉你自己落，咁就唔怕孜然味過重-👍🏻衰佬五花肉 $18/串另一推薦串燒！肥瘦相間，肥膏爽彈，瘦肉部份亦唔乾柴，入口充滿濃濃豬肉香，邪惡但好食🤪-👍🏻新疆羊肉串 $19/串比想像中大粒，唔係平時見到燒到乾柴柴嗰種羊肉串，肉質都算嫩，唔韌唔老，有少少騷味但可接受-👌🏻燒雞腎串 $24/2串咁多款肉類串燒中價錢最平，味道正常但有嚼勁要咬下-👌🏻麻辣牛筋串 $28/串幾少見有牛筋串食，牛筋未到軟腍，係偏彈牙有咬口麻辣比想像中入味但唔算突出，味道唔錯但份量偏少有啲貴-👍🏻蒜蓉大茄子 $38/條蔥蒜人士必食！茄子軟腍，鋪滿大量蒜蓉夠晒重口味，但同時都比較油膩-👌🏻錫紙粉絲花甲 $68/份

🍢銅鑼灣人氣串燒 加$1冰粉🍢上次喺銅鑼灣食完一間居酒屋嘅時候 發現咗呢間去到9點幾都仲有人排隊嘅串燒店 嗰名好攪鬼一直令人念念不忘😈 今日就畀我同朋友一早嚟排隊 試吓佢嘅串燒究竟係咪咁值得排啦😎-🔥各款串燒餐廳係主打川式串燒 所以大部分饂材都係用辣椒粉 孜然粉同蒜頭醃製而成 佢地嘅食物item全部改名都好有心思 我哋今次就試咗猛男豬頸肉($18) 衰佬五花肉($18)金菇肥牛卷($35)孜然雞肉串($18)新疆羊肉串($19) 惹味燒雞皮($24/2)同割韭菜($24/2) 價錢喺銅鑼灣嚟講 算幾抵食 不過始終係川式串燒 口味就會比較重少少🥵 不過餐廳都好貼心 可以揀大中小辣 仲有辣椒粉提供🌶️-🔥台式食材我哋仲加點咗爆汁牛丸($18)同經典台灣腸($24/2) 食材燒完唔會太乾 外皮脆脆地之餘 裏面都仍然有肉汁 可以加點😚-🐮薄切燒牛舌 $48燒牛舌只係用咗海鹽同黑椒 喺食完咁多孜然味嘅串燒之後 算係比較小清新 呢款都幾推薦-🍆蒜蓉大茄子 $38話明蒜蓉大茄子 落嘅蒜蓉一啲都唔馬夫 基本上每一啖都食到蒜蓉 好香好惹味-🐚 扇貝 $38扇貝都係用咗蒜蓉同少少辣椒 食落都幾新鮮-🥗 鍚紙

今日跟銅鑼灣地膽走入橫街，試咗間非常滿意的串燒店。串燒食唔少，有些太貴，有些食唔飽，有些燒到乾柴，有些又迫又有油煙。以上種種全部都並無發生，所以我給它全五星。價錢：中下，大部份都是十幾廿幾有一串，大大份錫紙類和海鮮生蠔等都是三十多元。味道：孜然味、辣味和鹽燒味都很平衡，不會過鹹。蒜蓉相當重手，十分惹味。其中最欣賞的是所有蔬菜都燒得濕潤多汁，我試了燒翠玉瓜（$28/2串）、燒冬菇（$18）和燒茄子（$38），全都入味，有汁。錫紙類的娃娃菜（$38）和金針菇（$38）軟腍清甜，好好食。環境：光猛寬闊，完全無油煙。甜品：不得不提這個只需$1的盲盒冰粉，真係$1一碗還可以任叫。所謂盲盒是指冰粉上的配料日日不同，我那天是提子乾、蒟蒻和山楂片。如果不是已經好飽，可以食多幾碗。服務：雖然店員只得一個，但勤快有禮；廚房入面出菜也很快捷。我肯定會再約多些朋友再來。

今日朋友生日!!知道他喜歡食串燒,所以特地找了呢間銅鑼灣新開既串燒店，餐廳位於渣甸街，由地鐵站行幾分鐘路程就到喇，不過要留意返餐廳位置唔喺大廈個邊，要行返入內街啊🤣🤣🤣依間專食四川串燒，串燒主要都喺用孜然粉作調味，香口惹味🔥店舖會有個串燒板畀啲客，用嚟保溫，咁就可以放心影靚相~串燒方面價錢都唔貴，大多落在$18-38不等，除咗啲肉類，亦都叫咗啲蔬菜、菠蘿串。當中比較推介孜然雞肉串，蒜蓉大茄子，蒜香腐皮同埋黃金小饅頭🤤孜燃雞肉串嘅肉質嫩滑，夾埋孜然粉食好正；蒜蓉大茄子貴為招牌，果然無令我失望✨同蒜香腐皮一樣落咗勁多蒜，蒜香味十足~蒜蓉愛好者必點😌至於小食方面，黃金小饅頭外脆內軟，攤咗一陣食都仲係脆卜卜!!最後不得不提嘅喺盲盒冰粉，依家限時優惠$1一碗好抵食😋我哋仲以為店家打錯價錢🤣🤣冰粉材料豐富，表面有花生碎、山楂餅、果乾同埋向日葵瓜子，撈埋一齊食口感十足，冰涼既口感正好中和串燒既熱氣✨✨