小菜王 (福榮街)

营业中

休息中

週末食飯，揀咗深水埗有名小菜王，訂咗位6:15pm，嚟到嘅時候餐廳只係坐咗10%客，等家姐搵位泊好車，已經成7pm坐滿客，所以揸車嘅朋友最好都係坐公共交通工具嚟食飯嘞😅今晚我哋揀咗砵仔焗魚腸、炒聖子、黃金蝦、京都肉排同埋蝦醬炒通菜😋因為而家已經唔係好多地方可以食到砵仔焗魚腸，所以見到餐牌有d度菜式，就第一時間話要點，真係冇令我失望，魚腸新鮮滾熱辣，加d胡椒粉就更加鮮味可口，正👍🏻 但係怕腥嘅朋友就唔好叫啦，無謂浪費😆豉椒炒聖子好味，鑊氣夠又夠份量👍🏻👍🏻👍🏻黃金蝦🦐新鮮彈牙，鹹蛋黃惹味，略嫌份量太少😋京都焗肉排鑊氣夠，份量非常充足👍🏻蝦醬炒通菜惹味，但略嫌煮得熟過龍🙄加埋啤酒同汽水＄679👍🏻

今日和幾個朋友有事相談，約在深土埗的小菜王。小菜王有兩間小鋪，店面沒甚裝潢，就是上了鋪的大牌檔模式。而此店的廚房設於石硤尾街街邊，霸了半條街，有一般舊式大牌檔的鑊氣。我們被安排到其中一店的閣樓，沿路要走經鋪後洗手間、儲物房及地盤般的鐵通木板梯。 由於時間尚早，我們為第一檯閣樓的客人。齊人後我們略略點了數個小菜，正想開始今日的話題，但小菜居然五分鐘內立即奉上，真快手。 豆腐魚雲湯：一大碗魚湯滾起，大約可分八小碗。魚湯香濃，豆腐也滑，加入白菜仔，清熱消暑。 沙薑雞：肥雞滲滿沙薑醬汁，另配以薑蔥蓉。雞味略嫌不足，但也不差。 砵仔焗魚腸：很傳統的菜式，魚腸配以雞蛋、油條及粉絲，放於砵仔焗香。魚腸不腥而份量十足，蛋亦香滑，加少許胡椒粉，口感一流。 黑椒牛油蟶子：不作一般豉椒炒，蟶子肥美，以牛油及黑椒香味襯托蟶子的鮮甜，不錯。 油浸筍殼：最初店員建議點一條大的，但最後卻售罄，唯有改了一條較小的。筍殼香煎得皮脆肉滑，簡單浸以豉油上碟，美味。 美中不足就是不夠吃吧。 腰果椒鹽骨：椒鹽骨炸得香口，不過伴菜的腰果更為出色。 蛋白肉碎浸莧菜：OK 啦。 蒜蓉蒸勝瓜：勝瓜切開十多片，每片鋪以足料