翠華餐廳 (欣榮商場)

营业中

休息中

叉燒肥瘦相間，舊舊厚切，燶邊焦香，蔥花滑蛋蓋飯，配個濃稠蜜汁豉油醬，賣相同味道都相當岀色。碗飯上枱個樣係靚過餐牌張相，怪唔知個名叫神之叉燒飯。 記住加碟菜，翠華油菜係我係茶記食過最高質素的！白灼菜心苗配蒸魚豉油，認真說比酒樓做的高幾班，色澤同口感都一流，豉油調得好好味。焗芝士西蘭花小朋友會喜歡，有拉絲芝士、車厘茄、粟米、白汁。甜品：超感應芝士奶蓋阿華田西多，完全冇過甜，奶蓋微咸，西多士脆邊入面係蘸滿蛋汁金黃色，華田粉有混合脆脆唂咕味勝於甜味，未切開奶蓋已經「感應到」要像熔岩般流動～高度推薦。翠華經典：生磨蛋白杏仁茶，每次都會飲，蛋白份量足料，杏仁茶底味道天然，濃淡適中，入口舒服。

早排約咗個朋友去上堂🙂上堂前當然搵地方食個lunch😜醫下個肚🙂‍↔️食物真豐富😂神之叉燒飯（熱門必選）⭐️⭐️⭐️⭐️叉燒採用特製的醬汁醃製😗然後烤至外酥內嫩😛炒蛋炒至金黃色🤪非常滑嫩🙃鐵板京川蝦球炒雙麵黃蝦球好鮮甜、麵條好彈牙爽脆、辣香於一身,口感豐富多樣😉焗芝士西蘭花經過焗烤,變得柔軟多汁😍表面鋪滿了香濃的烤芝士🧀口感柔滑綿密,入口即化😋手打草莓檸檬茶更有香氣和濃郁的果香,同時會帶有一些草莓的顆粒感,口感鮮爽微酸甜😌手打芭樂檸檬茶口感清新和酸甜🙂尤其在炎熱的夏天可以帶來舒爽的享受😗餐廳位於土瓜灣欣榮花園～座位空間非常闊落😜而且舒適度好高😀唔會感到好擠迫🙃

翠華餐廳 (欣榮商場)📍土瓜灣馬頭角道33號欣榮商場地下8-10號舖今日到訪朋友響欣榮花園嘅家中作客，朋友提議到樓下這間翠華餐廳醫肚。呢間翠華餐廳幾大間，門口同招牌好顯眼，店内裝修有點工業風格，坐位以卡位為主，坐位之間闊落，客人坐得舒服。店員推介他们的鐵板牛柳，上枱嘅時候，蒜蓉汁系另上嘅，客人可自行倒入鐵板上面，食鐵板最有趣相信就系呢個倒汁動作。牛柳軟嫩多汁，配上濃郁的蒜蓉醬汁及蒜蓉，香氣四溢十分下飯。羅宋湯湯底濃郁,酸度剛好，開胃又不會過於油膩。神之窩蛋叉燒飯，色香味俱全，叉燒肉質嫩滑，蜜汁包住整件叉燒，叉燒邊位微微燒焦，配搭滑溜嘅窝蛋，蛋汁流溢，令人回味。。脆"嘩"奶油豬雖然分量好大一個（2件）,外層酥脆，內裡軟熟，沾點煉奶，非常好味。

朋友推介「翠華餐廳」叉燒飯，我又不妨一試！神之叉燒飯~叉燒飯是本土名物，也是極受香港人歡迎的美味燒味，眼前的叉燒肉味鮮香，瘦的部份腍滑，肥的部份爽脆，叉燒邊位還有微微的焦香，配搭香濃滑蛋與自家醬油下飯，的確色、香、味俱全。我選擇神之叉燒飯套餐，除了招牌忌廉咖啡和腍甜菜心苗，我們還加配炸薯條和椒鹽腐乳唐生菜。法式黑椒牛柳（ 8oz）配意粉與黑椒汁~牛柳嫩滑無比，鮮味濃郁且有彈力，黑椒汁令味覺如錦上添花。粟米雜菌忌廉湯~幼滑綿密可口。牛油豬仔包~脆卜卜又添牛油香，極之吸引！樽仔奶茶~原本的樽仔奶茶，改用杯，不失香滑回甘。沙爹牛腩麵~冶味沙爹牛腩麵，我喜歡加配牛筋，雙重美味！細心的安排~小朋友座位。

有朋友係深圳落嚟搵我玩，一定要帶佢食🇭🇰香港名物啦～😂講起🇭🇰香港最有代表性嘅茶餐廳，必定係屹立多年嘅翠華 ✨～😏翠華燒味一向都有水準，見到竟然有自稱「神之叉燒飯」，一定要試吓有咩咁巴閉啦。😂🌟推薦❗️神之叉燒飯（$80）識食一定食燶邊叉燒，焦糖化嘅外皮香脆可口，厚切半肥瘦叉燒甘香鬆軟，蔥花炒蛋半熟軟滑，蛋香十足，配上秘製甜豉油，絕配！😎神之叉燒飯係午市套餐，可以配埋時菜或飲品～飲品梗係要叫港式茶餐廳名物——「茶走」，即奶茶中不加糖，用煉奶來代替，港式風味！👍🏻星洲炒米（$80）炒得幾乾爽，配料都幾多，有蝦仁、青紅椒絲、火腿蛋絲等，配上辣椒醬就更惹味！☺️不過最驚喜嘅係，見到「瀘州老窖」 X 翠華聯名推出「醉Fun Fun濃情奶茶｣系列，酒鬼me梗係要試吓啦！有凍飲、熱飲及隨身瓶，隨時隨地都飲得！😂香滑奶茶配上百年傳承濃香白酒，味道真係好嶄新！😳我就覺得味道唔錯！奶茶嘅味道冇被白酒掩蓋，白酒嘅味道繼續係好突出！就好似飲緊奶茶味Cocktail，絕對值得一試！🤩

路過土瓜灣的欣榮花園，見到久違了的翠華招牌，搶眼奪目；一於試試知名港式茶餐廳如今質素如何。餐廳裝修帶點cyber punk味道，土瓜灣只此一家。芝士焗西蘭花🥦西蘭花新鮮爽脆，芝士香濃，心水推介⭐️⭐️⭐️⭐️神之叉燒飯叉燒肥瘦適中，配以香滑炒蛋及香噴噴白飯，十分美味。⭐️⭐️⭐️⭐️⭐️咸牛蛋潛艇三文治麵包鬆軟，跟咸牛炒蛋可謂絕佳配搭。瀘州老窖醉fun fun 濃情奶茶香醇易入口，中式白酒及港式奶茶味道超級夾，喜出望外，可入選港式創意cocktail。⭐️⭐️⭐️⭐️⭐️凍檸茶；港式茶記永恆之選，能匹配任何食物。⭐️⭐️⭐️⭐️