豬屋日本料理

营业中

休息中

見外賣自取個價錢超級抵，咁就坐低試吓水溫睇吓掂唔掂檔先~🤭🍽️三色田園盛 $68茄子同翠玉瓜燒得好靚，翠玉瓜咬落口感唔錯，而且夠鮮甜。紫心香芋丸好特別，外皮脆卜卜，內裏軟心香芋餡料味道濃厚，煙煙韌韌好特別。🍽️福岡流心芝士漢堡扒拉麵 $69有幾款湯底可供選擇，今次揀咗豬骨湯底。豬骨湯底味道濃郁，拉麵煮得好彈牙唔會好腍身。流心芝士漢堡流心效果相當不錯，相當邪惡又滿足。🍽️秋田便當 $94除咗螺肉之外仲有三款刺身: 三文魚、甜蝦、帶子，帶子好鮮甜。吉列雞扒份量都幾大份，食落外脆內軟，完全唔難咬亦都唔會好乾身。豬軟骨好入味及腍身，配埋咖喱飯食唔錯。呢個價錢咁多款嘢食我覺得幾抵。🍹激爽手打鴨屎香檸檬茶 $18(套餐升級)最近好Hit嘅鴨屎香檸檬茶！鴨屎香檸檬茶茶底濃厚，配上香水檸檬嘅酸味好味又解渴，澀得嚟好好飲！.拉麵同便當都唔錯，下次再嚟！😆

上水馬會道遠望見到一間新開嘅舖頭，大大個「豬屋」招牌吸引我眼球，近睇原來係新開左一間以和風風格裝修嘅日本料理，以為餐廳只係食豬嘅我實在太年輕啦，睇返餐牌先知道竟然包羅萬有，有牛有雞有海鮮，咩都有，而且行親民路線，經濟實惠，咁我梗係唔執輸要try 一 try 啦~我同羊羊一共叫左2個便當，分別係鹿屋便當同秋田便當，外加一分汁燒金茹牛肉卷。鹿屋便當💰$92😋⭐️⭐️⭐️⭐️⭐️便當內有豬軟骨、炸雞扒、縲肉，三文魚2件、帶子2件、甜蝦1隻、咖喱飯見到都流口水，一份便當，多款美食，完全滿足到我咩都想食嘅想法呀~海鮮刺身正正常常，但係炸雞扒一般般，粉有啲多，如果轉成煎雞可能更好，不過值得一讚係個豬軟骨，不但非常入味，而且好腍，簡直係整個便當嘅亮點。秋田便當💰$94😋⭐️⭐️⭐️⭐️便當內有豬頸肉、鯖魚一條、縲肉，三文魚2件、帶子2件、甜蝦1隻、咖喱飯比較鹿屋便當，秋田便當就中規中矩，叫得「豬屋」，逢係關於豬嘅食材，都烹調得唔錯，豬頸肉都幾好食，本身唔會咸，同咖喱飯配搭上黎都幾，而鯖魚方面，都煎得幾香口，呢個便當都幾好。汁燒金茹牛肉卷(4件)💰$48😋⭐️⭐️⭐️⭐️⭐️好鐘意食吉野家金茹牛肉卷嘅我，見到有金茹牛肉卷，忍唔住