穴 (世貿中心) (已結業)

週二晚約咗舊同事八點半晚膳，太陽未落山就收得工o既小肥就即興咁搵契妹食個下午茶，喺世貿行緊街街o既佢就提議去三樓間「穴」度食魚生。餐店裝潢時尚，間隔開揚通爽。牆上o既金魚圖案極之可愛，而且仲好醒神添。細問下先知原來「穴」於午餐後係冇落場時間o既，下午茶時間都照常營業，餐牌上o既魚生熟食都一樣可以點。埋位後，二人先點咗杯凍飲解解暑。香橙賓治（$58）：橙味特飲清新爽甜，喝畢確真涼快不少。小肥因有下場，所以就簡單要咗客魚生前菜、火炙卜口壽司、炸豆腐、及兩條串燒。章紅魚薄切黑松露帶子（$128）：前菜有七件以章紅魚薄切墊住帶子及黑松露o既潮派刺身組合，外表很是吸引。晶瑩剔透o既章紅魚薄切質感爽潤，配上鮮甜o既帶子又多咗份嫩脆，頂面以黑松露點綴更能提升芳香，美妙極！配角海藻沙律爽脆得黎散發著陣陣柚子香，一樣咁好味。火炙吞拿魚腩壽司（$110）：火炙吞拿魚腩壽司入口即溶，香濃肥美又軟熟，！炸豆腐（$48）：炸豆腐層炸皮薄而鬆軟，方形豆腐磚亦幼嫩滑溜。串燒雞皮（$28）：串燒雞皮香口得黎一啲都唔油膩，屬送酒佳品也。串燒雞軟骨（$28）：串燒雞軟骨乾巧又夠脆卜卜，掂呀！XO仔經常準時收工，除咗可以暢

獅子座性格是要面子，要威，要領道地位，豪氣，跟獅子座朋友請另一位獅子座朋友食飯。原叫8款魚生價為4百幾元，侍應提議做10款值580，切靚佢，獅子友好爽即好，送來竟無咗海膽及三文魚子，換炙燒金木魚及炙燒赤魚，及特肥吞拿魚；前兩款香但少，後者未至入口溶化，但都肥，整體新鮮，俾多100不覺多咗，又無咗我最喜歡的海膽。章紅魚薄切黑松露帶子$128，黑松露香味撲鼻，配沙律菜，有少少醋，清新爽口。最底食更係炸池魚仔$58，今次好似细咗，香脆嫩滑，保持水準，必食牛油果軟壳蟹卷物$78，牛油果是我的至愛，加足料脆香軟壳蟹，内含沙律酱，日式中永遠最佳拍擋，又係必食芝士青瓜鰻魚卷$88，賣相吸引，鳗魚包飯團，成圓形狀，由香甜鳗魚，軟绵飯粒，黏軟芝士，爽口青瓜，多重口感。魚生盛，無海膽，叫松葉蟹蓋海胆飯$168，填補不足，但我見二思遷，卻喜歡松葉蟹羔，見到佢青黑色，成pat屎咁，食落好香又鮮味，另一種口感，撈哩焦燶飯焦，又有新嘗試今次獅子座友人，已經收歛，已前出來食飯又叫大蝦，大蟹，又叫牛柳（如果有），唔貴唔好唔叫。酒都要飲多的！

難得約到friend出黎銅鑼灣食飯，梗要食好野啦，左諗右諗最後就選左呢間係世貿中心的穴。呢間餐廳環境十分舒適，令人可以好好enjoy咁食番餐美味的日式料理！首先叫了少見的炸軟殼蟹沙律，軟殼蟹炸得好鬆脆好香好juice ，而且啖啖肉，食落仲係熱辣辣超正。至於沙律菜就好新鮮，又爽又甜，加埋酸酸帶柚子香的醬汁，非常清新又開胃！哇～非常精緻的章紅魚薄切黑松露帶子，未食都覺得超正。清甜的章紅魚切得超薄，真係少啲刀工都唔得啊，連埋鮮甜美味的帶子粒及蝦肉，及味道又香又濃郁的黑松露一齊食，可以話口感一流，味道層次豐富。這個是芝士青瓜鰻魚卷物，鰻魚都燒得幾好食，加上芝士同青瓜的配搭，口感同味道都變得異常豐富！一客香蔥呑拿魚腩壽司，呑拿魚好新鮮，而且食落口好滑入口即溶！另外叫了幾款串燒有燒秋葵、燒冬菇、雞翼串及梅醬紫蘇雞！每款都燒得剛剛好，唔會燒到好dry，非常出色！比較特別的是梅醬紫蘇雞，未食過這款醬，食落酸酸地帶紫蘇獨特的味道，加到雞肉上都幾好食！這個是薯絲蝦佐蛋黃他他醬，造型都幾特別，而且好食！薯絲炸到脆卜卜，但入面的蝦肉仲好爽口彈牙，一啲都沒乾晒。加上我喜歡的蛋黃他他醬，整個味道同口感都非常豐富！