影片
更多
2014-01-19
967 浏览
3月13日, 有時心血來潮想飲下茶食下點心, 不過得兩個人兩個胃往往食唔到好多野... 呢個時候, 點心專門點就arm哂我地喇! 呢間豪隍好似係新開, 位於食肆臨立嘅厚福街人氣未算突出, 我地都好彩唔洗等位~::: 沙律脆皮牛坑腩 ::: $28呢個沙律脆皮牛坑腩睇個名都算係創新之作, 牛坑腩包住炸粉炸, 再蘸埋個芝麻沙律醬, 我地對呢個新嘗試難免會有唔少期待~ 可惜味道卻令人失望... 全因炸粉做得失敗, 本身已肥膩嘅牛腩炸後d油比炸粉索哂, 炸粉食落仲有陣苦味. 牛腩炸過後亦失去嫩感, 肉質變得乾嚡... 成舊野又油又乾, 名過其實.::: 黃金糯米雞 ::: $27黃金糯米雞即係蛋煎糯米雞~ 蛋皮煎得薄脆, 內裡糯米雞軟淋入味, 確實不錯. 美中不足係成個點心略嫌太油, 味精亦重手咗d, 食完1/4已經飽飽地.::: 豪隍蝦餃皇 ::: $15做得招牌蝦餃皇質素當然唔可以太差, 呢個蝦餃皇皮就厚咗d, 但勝在內裡餡料足, 蝦仁爽口彈牙又入味, 都已經好過唔少酒樓架喇!::: 蝦仁燒賣皇 ::: $15真係大大粒蝦仁放喺件燒賣上面~ 基本上餡料味道同蝦餃差唔多, 不過燒賣餡就多d豬
::: 沙律脆皮牛坑腩 ::: $28
呢個沙律脆皮牛坑腩睇個名都算係創新之作, 牛坑腩包住炸粉炸, 再蘸埋個芝麻沙律醬, 我地對呢個新嘗試難免會有唔少期待~ 可惜味道卻令人失望... 全因炸粉做得失敗, 本身已肥膩嘅牛腩炸後d油比炸粉索哂, 炸粉食落仲有陣苦味. 牛腩炸過後亦失去嫩感, 肉質變得乾嚡... 成舊野又油又乾, 名過其實.::: 黃金糯米雞 ::: $27
黃金糯米雞即係蛋煎糯米雞~ 蛋皮煎得薄脆, 內裡糯米雞軟淋入味, 確實不錯. 美中不足係成個點心略嫌太油, 味精亦重手咗d, 食完1/4已經飽飽地.::: 豪隍蝦餃皇 ::: $15
做得招牌蝦餃皇質素當然唔可以太差, 呢個蝦餃皇皮就厚咗d, 但勝在內裡餡料足, 蝦仁爽口彈牙又入味, 都已經好過唔少酒樓架喇!::: 蝦仁燒賣皇 ::: $15
真係大大粒蝦仁放喺件燒賣上面~ 基本上餡料味道同蝦餃差唔多, 不過燒賣餡就多d豬肉少d蝦. 食得出個豬肉餡有唔少肥膏, 但真係幾惹味, 而且都幾大粒!::: 墨西哥叉燒包 ::: $18
墨西哥叉燒包其實即係近年大熱嘅酥皮叉燒包, 呢度都做得唔錯, 酥皮層做得微焦鬆化, 味道甜而不膩~ 包皮軟熟, 叉燒餡都惹味~ 美中不足係叉燒餡肥肉頗多, 略嫌肥膩...::: 籠仔馬拉糕 ::: $17
呀菲一向對馬拉糕情有獨鍾, 幾乎見親都會叫~ 呢個籠仔馬拉糕好似幾特別, 但原來好似d蛋糕仔咁... 不論質地同味道都唔係傳統做法. 質地好似中式鬆糕咁, 味道亦較傳統馬拉糕少甜. 雖然其實味道不錯, 但就始終比傳統味道遜色.::: 黃沙豬潤腸 ::: $22
黃沙豬潤腸亦係令人期待嘅一項, 腸粉皮尚算薄透, 夠煙韌而不會一patpat. 內裡豬潤餡頗重手, 而且切得頗大粒, 咬落特別夠味~ 算係唔錯!點心專門店中豪隍款式都算齊全, 當中更不乏特色點心~ 雖然只試過少少特別類, 而且有一, 兩款更是失手之作, 但整體水準總算不俗, 亦讓我倆過足嘆茶癮!
张贴
