Hugo Le Resto Grill (已結業)

最後一日放假，緊係要悠悠閒閒咁度過，搵個環境舒適嘅地方食個靚靚LUNCH就最好不過啦☺️.位於銅鑼灣怡和街嘅「Hugo Le Resto Grill」係一個唔錯嘅選擇～.餐廳裝修以紅色格調同簡約為主，乾淨企理，地方寬敞，配以昏暗嘅燈光，令人好RELAX。最欣賞就係佢嘅皮製梳化椅，又寬闊又舒服，坐到人懶洋洋咁🙈.RELAX LUNCH SET LUNCH SET 有10款，分別由$88-$148之間不等。每份SET都包括左餐包，餐湯同飲品， 仲有任食自助沙律吧添！.沙律吧麻雀雖小但五藏俱全，有沙律菜，番茄仔，青瓜，橄欖，蜜桃，粟米粒，蒜蓉包粒等等。 醬汁方面，有千島醬，沙律芝麻醬，沙律醋.......餐包+是日餐湯黑糖軟包同提子包仲係暖昱昱架✨而是日餐湯係粟米忌廉湯，入口軟綿幼滑，濃稠度高。.香煎雞扒配香蒜汁。薯菜 ($108)雞扒用香料醃入味後，煎至皮脆肉嫩富肉汁，淋上香蒜汁後，香蒜味更突出。而粗身薯條係即叫即炸嘅，所以咬落熱辣辣又香脆💕.蜜汁燒美國岩魚配黑松露忌廉飯 ($118)將美國岩魚輕輕燒至微脆，肉質嫩滑又實肉，再搽上一層蜜汁，令味道更豐富。意大利飯軟硬適中，易入口，濃郁嘅黑松露

唔係上openrice 都唔知呢棟大廈入面係有餐廳，估唔到都有唔少人識上黎。佢呢度叫個set lunch 就可以包自助沙律包，都幾抵食。✨沙律bar 大約有十款配料，有粟米仔，蜜桃，洋蔥，車厘茄，青紅黃椒等等。另外仲有d 煙肉碎，麵包粒同三款醬汁。✨沙律菜都幾新鮮，最鍾意就係蜜桃，粟米～簡單配個千島醬同胡麻醬都幾好食。食食下仲refill 左有秋葵～～✨餐湯粟米湯真係啖啖都係粟米蓉，好甜好好飲 ,蒜蓉包都好香脆。✨牛肝菌忌廉闊條麵（$118): 個汁比較杰，麵條非常掛汁。我好鍾意個汁～好濃郁好creamy, 仲有芝士既香味。 個闊條麵質感同平時食既有d 唔同，呢個係好爽口既，d什菌配埋個汁真係好好味。✨意式香草海鮮扁意粉（$118): 本身其實係叫黑松露忌廉飯，但佢落錯單，見佢個樣好似幾好食🤣所以要左，費事再食忌廉怕會漏。✨佢d 海鮮全部都煎香過，有蝦，魷魚，三文魚，大蜆～～食得出有鮮味。 意粉煙煙韌韌，入面仲有青紅黃椒，雜菌，食完忌廉果款再食呢款幾清新。✨以銅鑼灣黎講呢度性價比都幾好，環境係靜同舒服，如果可以多件cake 食就更加完美。

帶飯帶到悶悶地！所以今日就同同事出去食下其他野，今次同事就揀左Hugo Le Resto Grill，因爲餐廳Lunch的價錢唔貴，而且仲係半自助午餐！感覺更加抵。餐廳環境有格調，座位舒適整潔，感激都很不錯。我地揀左兩款lunch set，價錢都係$78-98蚊左右。套餐已包括：自助沙律區，餐湯和飲料。沙律區選擇夠多，而且材料亦十分新鮮。餐湯配上脆口的蒜蓉包，味道一流，想不到餐廳麵包的質素也很非常高的。菠菜野菌天使面：野菌的香氣隨著空氣飄散，味道較其他意粉教為清淡，如果重口味的人士可以加胡椒粉調味，味道會立刻提鮮不少。天使面雖然是幼身的但依然沒有散斷，而且天使面教為吸味！整體教為健康，很適合OL的女士。香煎鷄扒配蒜蓉汁：友人的香煎鷄扒皮脆肉嫩，加上蒜蓉汁的條味剛剛好，既不會搶走鷄肉的味道，也不會感覺醬汁太過於濃郁。最後還有茶/咖啡附送！