上海真美豆漿大王

营业中

休息中

性價比極高餐廳當然食完再食粢飯即叫即整大大舊粢飯裡面有肉鬆酸菜油炸鬼個酸菜好好食越食越開胃唔會覺得糯米飯好滯豆漿 好香豆味唔會太甜特別滑口午餐時段上海排骨飯其實係有骨嘅炸豬扒炸到外脆內軟香口入味飯上面有好多梅菜豬肉送飯一齊食非常開胃可以食晒成碗飯飯好濃味再飲啖豆漿清清喉嚨配合得非常好

工作關係所以來到平時不會到的將軍澳，作為粢飯控的我就順帶一試關注組也大推的上海真美豆漿大王既然為粢飯而來，就主打點一客粢飯$20即點即包，是最適合也最傳統的做法。粢飯大小剛好，一人份量。另外特意要求特製，要求了少飯所以來到的時候，果然是薄薄的糯米飯包著滿滿的餡料可是可能是下午茶時候到訪，她們的糯米飯應該已經一整天的洗禮，所以導致其糯米飯太乾，有欠煙韌口感，但糯米飯沒有糯米的臭味，而且還是粒粒分明。油炸鬼不會太油，保持香脆只有少少淋的位置，沒有韌的口感。肉鬆也算不少，酥鬆帶點甜味榨菜咸香，爽脆。整體味道溶合得很和諧。 不過還是新蒲岡的粢飯最出色，所有條件都無懈可擊，包括價錢。

經過見到呢間，係喎，好耐冇食過粢飯，睇時間，都7點，肚餓又口痕，就入去食😝😝😝點左碗咸豆漿（走蝦米，我唔鍾意蝦米），粢飯，見到隔離枱啲小籠包好多蒸氣，點埋😆😆😆咸豆漿味道淡淡地，加幾舊油炸鬼，唔錯👍普通粢飯唔錯，如果自選料即包，會貴啲。我普通既就得啦。呢啲食慣既味道先好食😋😋小籠包應該係即蒸，黎到熱辣辣，擺入口好熱，小心燙親。湯汁多，皮唔厚，好食👍👍，個人推薦👍👍👍食完仲未飽，叫多2個生煎包，食完夠哂皮😊😊

#豬妹食好西🐷_平民良品#豬妹食好西_新界 #豬妹食好西_寶琳 《上海真美豆漿大王》 食物：🐷🐷🐷.5/5服務：🐷🐷🐷🐷/5CP 值: 🐷🐷🐷🐷🐷/5環境：🐷🐷/5粢飯 $18冬天食熱辣辣嘅粢飯真係好幸福🥰雖然咁平 但啲料係毫不吝嗇咁俾你🤩糯米軟淋淋 油炸鬼脆卜卜 真係好正🤤仲可以加錢加肉鬆加榨菜🤤🤤炸饅頭 $17賣飛佛🤤😍😍外脆內軟 加埋煉奶 真係世一🥰上海排骨麵 $40 連豆漿呢個價錢真係冇得投訴😆大大碗麵 男仔都一定食得飽👍🏻排骨新鮮炸起 熱辣辣脆卜卜🤤又唔會太乾👍🏻小籠包 $28/ 4粒呢個睇落好吸引 但係食落冇乜味🙂啲湯係多嘅 但好似水咁🙂麻麻地✨可能係小店 衛生環境就麻麻哋 地下同餐牌都有少少黐立立🌚 介意可能就外賣吧🤣#hongkong #hkfoodie #foodiehk #吃貨#手機食先#food#食好西#相機食先#小籠包#香港小店 #小店#上海菜 #寶琳#寶琳美食 #豬妹食好西🐷

假期訓醒後，一個人到家附近找早餐吃。我十分喜愛光顧小店，而且這些上海小店真是很少有，所以有空都會來支持一下上海菜的早餐當然是要點粢飯和熱豆漿粢飯 - 上菜是粢飯還是暖暖的，內有肉鬆，炸菜和油炸鬼，配料絕不馬虎，每一口都能吃下所有配料，再加上煙韌的糯米飯，多重口感熱豆漿 - 是用碗上的，豆漿夠熱和香滑，豆味重，店員會加砂糖係底，所以食前要攪拌，但都不會太甜！滑滑的豆漿每人感覺很養生！小店價錢便宜，食物高質，真的是一個幾選擇！

今日老婆想食上海野，平時去開新蒲崗的豆漿大王，今次試下呢間上海真美豆漿大王。我叫了熱豆漿加蛋，粢飯。先喝熱豆漿加蛋，好淡，冇咩豆味，加了蛋沒特別。粢飯方面，正常一般味道，普通。唔會覺得好味到念念不忘。

每次嚟上海真美豆漿大王, 無論朝早定夜晚我必定會嗌粢飯 ($16) share.粢飯來來去去都係油炸鬼、榨菜、肉鬆呢啲配料, 唔知點解係呢間覺得特別好食, 同埋好抵食!  對我嚟講, 肉鬆係粢飯嘅精粹, 所以每次必定加錢多肉鬆. 肉鬆係多到跌出嚟㗎!另一個會點嘅食物就係酸辣雲吞麵 ($34), 酸辣湯材料有豆腐、豬紅、豬皮... 啲麵吸哂酸酸辣辣嘅湯底好開胃, 仲配埋3粒大雲吞.  想casual食一餐就會揀呢度!

主人與奴隸獸在附近商場逛了大半日，不知不覺已到了晚飯時間，途經此食店時，見店內頗多好似街坊的顧客，所以我們亦想試試，但甫一踏進店內，竟發現腳下是黏黏滑滑的，心中印象暗暗地扣了分。我們點了：1. 油豆腐粉絲（HK$22）：粉絲食落爽滑入味，豆卜內釀入了雪菜豬肉，雪菜味道夠香夠嫩不太鹹，不錯。2. 煎餃子（HK$11）：較為油膩，味道 OK。3. 粢飯（HK$8.5）：糯米飯熱熱的又柔熟又彈牙，肉鬆及炸菜的份量頗夠，油炸鬼還有少少脆，好驚喜呢！4. 凍豆漿湯丸（HK$11）：冰凍的豆漿，豆味頗濃，不過飲落就有少少『鞋』口。配著口感煙韌的花生湯丸，味道好得很呢！這食店的食物味道不錯，價錢亦大眾化，但環境就有少少強差人意了，不過再經過亦可再幫襯。