和氣食堂 (黃大仙中心南館)

营业中

休息中

食食下先諗起寫食評 因為覺得有點名過於實 雖然選擇很多 但是質數有待改善平日六點鐘去到唔使等位， 但係已經有部分食物售罄，例如角切魚生飯， 焗蠔只有芝士選擇叫咗兩個不同海鮮丼， 喺啲飯扣咗分，因為醋味唔夠令到飯有點失色另外想叫的燒牛丼也售罄， 叫了豚肉生薑燒丼，味道一般而且亦較肥膩最好食嘅係燒廣島蠔，雖然冇蒜蓉有點猶豫下叫了芝士，味道不錯最後的甜品糯米糍紅豆宇治抹茶牛奶雪糕， 雪糕比起我網上評價看到的細小了一點， 糯米糍亦沒有味道也較乾身

平日夜晚黎左和氣食堂撐枱腳 8點入座依然好多客除咗有刺身壽司 仲有沙津 鍋物 小食 丼等 揀都有排揀😂另外仲有抹茶雪糕同芭菲等😻火焰左口魚邊牛油果沙津❤️左口魚邊口感肥美又爽口 經炙燒後濃郁甘香入口即溶👍🏻牛油果夠熟 沙津菜亦好新鮮 份量都好大份生虎蝦刺身好肥美 肉好厚身 食落爽口鮮甜😋配埋個汁食好開胃鵝肝壽司鵝肝口感紮實綿密 入口即溶😻脂肪味好香照燒魷魚筒咬落好爽口 原隻上賣相好吸引 醬汁亦不錯燒日本廣島蠔共4隻 有蒜味同芝士味 蠔味好重 唔會腥 而且仲好多汁👍🏻日本清酒石碢煮蜆份量好多 除左蜆肉仲有娃娃菜同菇菌 蜆肉肥美鮮甜 湯底清酒比例調校得好好最後叫左個糯米糍紅豆宇治抹茶牛奶雪糕 日本原料直送 軟雪糕好滑 抹茶味好濃 糯米糍好煙韌❤️

🥢朋友生日飯，約好左黎呢間食。點解係呢度呢？皆因呢個壽星公鍾意食日本野，又大食，梗係去性價比高嘅和食餐飯啦，而且呢度係大家屋企嘅中間點，仲唔係不二之選？壽星公🎂order左勁多野食，好彩呢度價錢唔貴，唔係嘅話我咪乾塘？🔆香芒🥭燻鴨胸沙律（黑醋）$65 - 鴨胸軟腍咸咸地，肉質出奇地細嫩，用上熟透芒果肉，配搭黑醋同新鮮蔬菜 totally match!🔆4點刺身盛B $178 - 鮮𩶘魚、海膽、珍寶赤蝦、三文魚，唔係厚切就係大大件，呢個價錢就食到貴價刺身，而且份量完全滿足2人食有餘，抵啦！🔆鰂魚湯泡飯 $108 - 媽呀！個魚湯真係香到不得了，而且無味精真材實料。店員將半壺湯加入鍋飯當中，視覺嗅覺大刺激，仲有三種飯素自行加入，真係超級美味。店員仲貼心提醒，餘下嘅餘湯加入自己碗中而唔加入鍋，就可以避免魚湯蒸發而浪費啦！🔆手打稻庭烏冬 $62 - 烏冬好煙韌彈牙，伴上蔥花紫菜同鵪鶉蛋，加入烏冬沾上湯，蛋香味濃郁，好好味～🔆千回火鳥🐥3隻 $38 - 日文火鳥即係雞翼，呢款燒雞翼，用上多種調味，香口之餘味道豐富刺激，食到我地舐舐脷。🔆宇治金時🍹 $38 & 糯米糍紅豆宇治抹茶牛奶雪糕 🍨$42

和氣食堂我地已經唔係第一次去，但係母親大人仲未去過，所以我哋今次決定帶佢去試吓啲正野海膽刺身盛A：好大排海膽，仲有甜蝦、三文魚同埋帶子！好鮮甜！火焰左口魚邊牛油果沙律：左口魚邊份量唔少，成個沙律亦都好大盆！蔬菜新鮮，醬汁酸酸甜甜，好特別好開胃！芝士厚燒玉子：芝士配玉子，永遠都係絕配！千回火鳥：個醬汁微辣，雞翼咁樣串住燒食得方便！石狩窩豬骨湯底：湯底清甜，裏面有好多魚肉同蔬菜，仲有好多日式粉絲！安格斯牛肉炒飯：個炒飯嘅份量真係好大，好足料，有好多牛肉！一句講晒，抵食！糯米糍紅豆宇治抹茶牛奶雪糕 & 嶡餅白玉宇治抹茶牛奶雪糕：呢度嘅甜品真係好出色，必食！佢哋個抹茶牛奶雪糕質素拍得住出面專賣抹茶雪糕嘅日式鋪頭！加埋其他配料，係十級正！超級推薦！呢間餐廳經常全院滿座，有興趣嘅朋友不妨早少少嚟到！

又食日本🇯🇵野喇～～～～～！軍艦五點非常之豐富。一眼睇落去已經有好新鮮感。海膽同埋帶子等等，當然食落都係一樣。總共有五件。有蟹膏配上帶子同埋鮮蝦兩者都味道鮮甜，兩樣鮮甜嘅食材夾埋一齊爆鮮啊！之後仲有吞拿魚拖羅，三文魚子，同埋海膽，夠晒豐富。而四點刺身盛，材料真係夠晒豐富，仲有好少見嘅生蠔。配檸檬汁食非常之新鮮而且大小剛好。三文魚夠口又鮮甜，仲有章紅魚同埋大甜蝦樣樣都係好新鮮。食魚生最緊要真係新鮮！呢度絕對做到啊。之後有串燒雞翼，有五大隻大大嘅全翼好豐富！燒得都好靚，唔會話好燶又唔夠火候，味道適中既。不過可以如果再濃d啲或者配啲燒汁就會更加香口。之後甜品就叫咗糯米糍紅豆宇治抹茶牛奶🥛雪糕。糯米糍開頭見到五顏六色以為都唔會特別好食。點知味道又OK喎幾清新。宇治抹茶雪糕係真係好香濃好香抹茶味，抺茶控一定大愛呀！之前喺呢間餐廳都冇特別留意佢，點知真係別出心裁，額外驚喜！喜出望外呀！呢度啲食物真係好好食好新鮮呢度啲食物真係好好食好新鮮物有所值好推薦大家嚟食服務態度都幾好，絕對物有所值！！👍👍好推薦大家嚟食🤟服務態度都幾好😽今餐好滿意呀！

是日8點先食飯拎左飛等左大約10分鐘就有位喇 !每人嗌左一個芥末魚生粒粒海鮮丼勁大碗份量好夠芥末唔會太嗆鼻仲令人食慾大增食到一半發覺有個沙律未黎原來無落到單後尾都嗌返芒果三文魚蟹籽沙律芒果唔酸蟹籽都算多 !最後我地嗌埋個甜品糯米糍紅豆宇治抹茶牛奶雪糕唔知係咪日本原料直送既關係雪糕真係好濃抹茶味 而且個質感明顯係比平時食既實淨好多 ! 真係好好食 糯米糍係無咩味不過「煙煙un un」幾好咬 如果大家有機會黎都可以試下呢度既雪糕呢

黃大仙呢區除左行獅子山會去，平時好少黎！不過今日朋友生左BB，所以探B後就在黃大仙覓食！原來黃大仙中心都幾多野食，不過見到呢間新開無耐，所以一於試下啦！白咖喱烏冬主菜都未食，咁快上甜品？仲要咁多cream既......非也，原來係白咖哩，開頭以為個咖哩汁都係白色lol原來係普通咖哩汁，但上面鋪左打起既cream就係因為d cream所以特別幼滑，sir一聲就吸到個烏冬咖哩汁味道都好岩，甜味同辣味兩者俱備！三點刺生盛嘩嘩嘩，真係佢上菜我既反應，超大隻蝦，三文魚又勁肥美足足成支筷子咁長，真係值回票價，而且肉質爽甜火焰左口魚邊牛油果沙律呢個沙律就普普通通，牛油果未夠好熟，所以入口未夠即溶咁稔！但個sauce幾好味，係和風醋汁，酸酸地，幾開胃而且佢d左口魚係燒灸過，所以成個沙律都帶個陣燒灸味，幾特別架！三文魚海鮮沙律脆脆卷呢個卷滿滿的，中國人應該好鐘意，因為好意頭!而且其實好多不同料，係加洲卷再加北寄貝、三文魚、蟹子、脆脆入口當然好多層次，不過好輪盡，食到周圍都係哈路！燒日本廣島蠔好好味，因為即叫即整，好鮮佢個殻都載滿佢既汁，而且有曬蒜蓉同芝士味！我鐘意芝士味因該香d，同埋食完都無口氣哈！章紅

見到呢間主打甜品有宇治抹茶系列，心癢癢係要嚟試下今日Lunch過嚟，就同朋友試下，不過我自己主要想食甜品，朋友就叫左個食，雖然知道呢道出名黑豚肩燒丼，但朋友係鍾試啲唔同嘅嘢，結論朋友叫左個特選鰻魚丼，我就當然食個甜品，都好多選擇，揀左好耐，先決定要糯米糍紅豆宇治抹茶牛奶雪糕落完Order就睇下餐廳環境，都幾大幾多位，我地11:30去到，完全無客，但待應唔帶卡位，反而帶位坐正中間嘅8人大枱，呢點有啲不解，到12:30左右都係5成客人左右，比起上兩層間“意八”人流少啲，可能位置問題，因為呢間位置喺地下行入啲，而且又新開，不過我諗晚市會多好多人開放式水吧，見到架上邊好多一盒盒北海道牛奶放喺度，應該係整雪糕用嘅～令我更期待個甜品Free Drink唔係暖水，係綠茶包特選鰻魚丼，鰻魚夠厚身，size亦足夠配哂一碗飯，有蛋絲同木魚絲做配菜，飯係日本珍珠米，上枱食落暖笠笠，粒粒分明，唔似一舊舊，而且有飯香，唔洗落壽司豉油，只係同鰻魚一齊食就夠味，推介我嘅甜品到喇😍牛奶同綠茶雪糕比例1:1好滑，入口即溶，但係碗上溶得唔快，放落口真係雪糕，唔係稀lui lui嘅感覺，綠茶配紅豆係perfect matc

正所謂吊頸都要抖下氣，嘢食再忙都要食，就算死亡四月幾忙都好，飯總要食嘅☺️呢日就同朋友嚟到黃大仙搵嘢食。雖然我哋都住得同黃大仙幾近，但平時好少會過去食嘢～呢次嚟到先知原來都有幾多好嘢食！嚟到呢間和氣食堂嘅門口，見到入面幾新淨咁，地方又闊落，咁啱又有侍應叫我哋入去試下喎，就入咗去喇～入面的確係好大。原來佢仲有兩個門口，兩面都可以吸引到客人入去食嘢lol首先我哋嗌咗嘅係沖繩風沙律（和風） ～好大兜！！！上面綠色一條條嘅我同我朋友都唔敢食，但食落先知同平時啲魚子差唔多質感～雖然都係唔知咩嚟嘅啲菜好新鮮，非常fresh，仲有好多我最鍾意食嘅粟米，岩晒胃口入面仲有好多青瓜同牛油果，食完好似好健康咁呢個係三文魚5味，顧名思義就係三文魚嘅五種整法喇😛最左邊係普通三文魚壽司，食到最raw嘅味～第二個就加上牛油果，牛油果熟得啱啱好，好易咬，配上三文魚個口感好夾～第三個就加上海膽，雖然兩個都係生嘢，但食落竟然冇腥味，反而係帶出咗兩者各自嘅鮮味～好特別～第四個係芝士炙燒三文魚，燒得啱啱好，令芝士同片三文魚都入口即溶～最後就係咖喱鹽炙燒三文魚，咖喱鹽嘅味道唔係好強，但係淡淡嘅咖喱味配上燒過嘅三文魚又格外香喎～總